Saga - 2013, Qupperneq 123

Þegar goðar voru á Reykhólum og síðar á Staðarhóli var eðlilegt
að þingmenn þeirra sæktu til Þorskafjarðarþings. Í tíð Þórðar
Sturlusonar voru goðar úr sögunni á Skarði, á Staðarhóli og á Reyk -
hólum. Hlýtur þá að hafa komið til þess að stórbændur í Barða -
strandarsýslu sæktu til Þórsness ef Þórður boðaði til þings þar.
Hvað gekk Órækju til, um hvað snerust átökin annað en að ná
undir sig fylgismönnum í Barðastrandarsýslu og geta beitt þeim og
bátum þeirra í hernaði ? Áður var nefnt að Sturla Sighvatsson muni
hafa náð undir sig Skáleyjum.82 Góð samskipti eyjabænda og land-
bænda voru mikilvæg og má því gera sér í hugarlund um hvað mál-
in gátu snúist í raun. Líf Órækju sem höfðingja snerist mikið um að
afla til bús, fá matvæli fyrir fjölmennt heimalið í Vatnsfirði. Vestur -
eyjar í Breiðafirði hafa jafnan talist matarkista og Órækja lagði undir
sig Flatey. Hann lærði líka að koma sér upp góðum skipakosti og er
skiljanlegt að hann skyldi ná undir sig Vestureyjum. En hann reyndi
jafnframt að leggja undir sig Barðastrandarsýslu, hið næsta eyjun-
um, enda mynduðu eyjarnar og þetta landhérað í núverandi Austur-
Barðastrandarsýslu eins konar hagsvæði með gagnkvæmum sam-
skiptum, eins og getið var.
Fyrir höfðingja í Vatnsfirði við Djúp var kannski ekki eftir miklu
að slægjast í fjörðum Barðastrandarsýslu, frá Vatnsfirði við Barða -
strönd í Þorskafjörð. Málið var að ná tökum á eyjunum en þá var
þeim að mæta meðal höfðingja við Breiðafjörð sem áttu mestra
hagsmuna að gæta þar. Samskiptin milli eyjabænda og landbænda
ollu því að Vestureyjar og Barðastrandarsýsla voru saman eins kon-
ar hagsvæði og höfðingi sem náði tökum í eyjunum vildi líka ná
tökum uppi á landi, í Barðastrandarsýslu.
Tímabilið 1270 til 1680. Þættir til samanburðar
Frá Sturlu Þórðarsyni til Björns ríka
Þegar þeir voru fallnir frá Þórður Sturluson (1237) og Sturla
Sighvatsson (1238) kom kannski helst til kasta Sturlu Þórðarsonar
að ná öllum völdum við Breiðafjörð og feta þannig í spor föður síns.
Þótt hann væri frillusonur og ekki aðalerfingi Þórðar fékk hann
ódrjúgshálsar og sæbrautir 121
82 Þegar Sturla Þórðarson tók við búi á Sauðafelli 1240 fylgdu m.a. Bjarneyjar og
Skáleyjar (Sturlunga saga I, 447) og mun því Sturla Sighvatsson hafa ráðið fyrir
þessum eyjum áður.
Saga vor 2013 NOTA_Saga haust 2004 - NOTA 8.5.2013 12:23 Page 121