Saga - 2018, Page 44

forsætisráðherra, að það að „gera þjóðhetju úr þessum manni [væri]
fyrir neðan allar hellur“.8 Davíð nefndi einnig að hann hefði getað
„komið með þessar upplýsingar til hans [nýs forstjóra fyrirtækisins]
eða til stjórnar fyrirtækisins ef hann kaus að gera það“.9 Auðvitað
hlýtur litli Landssímamaðurinn að hafa velt því fyrir sér og hvort
það væri líklegt til að breyta einhverju.
Það var Reynir Traustason, þáverandi ritstjóri DV, sem hafði haft
grun um þessa fjármálagjörninga innan Landssímans en vantaði
sannanir. Hann sagðist hafa leitað uppi starfsmann Landssímans,
Halldór Örn Egilsson, og verið „nokkrar vikur að sannfæra hann
um að það sem hann vissi að ætti erindi við þjóðina“.10 Hlutur
Reynis í málinu breytir því ekki að Halldór fellur undir skilgrein-
inguna, sem áður var rædd, á uppljóstrara og galt fyrir það með
brottrekstri úr starfi.
Á fundi Blaðamannafélagsins í apríl 2002, um stöðu uppljóstrara
í ljósi máls „litla Landssímamannsins“, fjallaði Agnes Bragadóttir
um að gagnkvæmt traust yrði að ríkja milli heimildarmanns og
blaðamanns. Heimildarmaður þarf að geta treyst því að blaðamaður
gefi ekki upp heimildamenn sína og blaðamenn verða að geta treyst
því að heimildarmaðurinn sé ekki einfaldlega að reyna að nota þá í
sínum eigin tilgangi. Agnes sagði að „allir blaðamenn lentu í því að
reynt væri að misnota eða afvegaleiða þá af heimildarmanni í þeim
tilgangi að koma höggi á andstæðing eða ljúga sig út úr vandræð -
um.“11
Uppljóstranir sem áróður
Ummæli Agnesar Bragadóttur um heimildarmenn sem séu að nota
sér fjölmiðla beinir athyglinni að ábyrgð og hlutverki fjölmiðla í
málum á borð við þessi. Eins og hún bendir á er það á ábyrgð blaða -
manna og fjölmiðla að láta ekki nota sig í annarlegum tilgangi eða
til að blekkja almenning. Fjölmiðlar sem taka sig alvarlega þurfa að
vera vakandi gagnvart slíku og reyna að ráða í ástæður og trú-
álitamál — sagan og samtíminn42
8 Vef. „Að gera þjóðhetju úr þessum manni er fyrir neðan allar hellur“, mbl.is 25.
febrúar 2002, https://www.mbl.is/frettir/innlent/2002/02/25/ad_gera_
thjodhetju_ur_thessum_manni_er_fyrir_nedan_/, sótt 14. apríl 2018.
9 Sama heimild.
10 Vef. „Heimildarmenn þurfa á aukinni vernd að halda“.
11 Sama heimild.
Saga vor 2018.qxp_Saga haust 2004 - NOTA 30.4.2018 12:11 Page 42