Saga - 2018, Síða 210

her hing að og var mikklu fjölmenari en bretzka herliðið er áður var
hér.“113
Pálína eignaðist vin úr þeirra hópi, eða var að slá sér upp eins og
það var kallað í þá daga. Víða í dagbókunum er getið ungs manns
að nafni Frank sem hún var eflaust hrifin af.114 Þessar heimildir
varpa að sumu leyti nýju og athyglisverðu ljósi á sambönd íslenskra
stúlkna við hermenn, en þeirri sögu verða gerð skil síðar. Hersetan
hafði mikil áhrif á líf þeirra mæðgna en Þórunn móðir hennar
kynntist einnig bandarískum hermanni, Ted (Theodore) Morgan.
Skildi hún við Þorbjörn mann sinn og í september árið 1947 héldu
hún og Pálína síðan vestur um haf, eins og Pálína eldri gerði undir
öðrum sögulegum og persónulegum kringumstæðum tæplega 60
árum fyrr. Ferð Þórunnar og Pálínu yngri var heitið til Texas í Banda -
ríkjunum.115 Þar giftust Þórunn og Ted.116 Það samband varaði þó
ekki lengi og í lok árs 1950 fluttu þær báðar aftur til Íslands.117
Skrif Pálínu um Ameríkudvölina gefa mjög ítarlega innsýn í líf
hennar þar. Hún lýsir í smáatriðum sjálfu ferðalaginu til bæjarins
Amarillo í Texas, þar sem þær bjuggu. Einnig lýsir hún fólki sem
hún kynntist og vinkonum sem hún eignaðist og frásögnin ber með
sér að hún hafi verið eins og fiskur í vatni í þessu nýja landi. Hlýtur
þá m.a. að hafa skipt máli að hún kunni tungumálið þegar hún kom
en líka að hún hafði starfsreynslu eftir að hafa unnið í Verslun E.J.
Waage á Seyðisfirði frá því að hún var barn. Þetta virðist hafa nýst
henni vestanhafs og sýnir því mikilvægi þverþjóðleika og auð magns
í lífi hennar.
Eitt af því sem Pálína lýsir hvað nákvæmast eru tilraunir hennar
til að útvega sér atvinnu í Amarillo. Má að einhverju leyti bera þetta
saman við för ömmu hennar til kanada áður. En þó er e.t.v. líklegt
að Pálína eldri hafi þurft meira á því að halda en dótturdóttir
hennar að finna sér vinnu fljótt. Pálína yngri var þó ekki búin að
vera lengi í Amarillo þegar hún fór að leita sér að vinnu. „[M]ér
leiddist að vera svona aðgerðalaus“ skrifar hún.118
sigríður og þorgerður208
113 HerAust. Eink A6 567–7. Pálína Þ Waage. Dagbókarbrot (laus blöð) 1935–1944.
114 HerAust. Eink 567–9. Pálína Þ Waage. Dagbók. Sjá t.d. 14. og 29. okt. 1942 og
5. janúar 1943.
115 HerAust. Eink 568–4. Pálína Þ Waage. Bók No 1. 1947–48, bls. 4–17.
116 Sama heimild, bls. 43–44.
117 HerAust. Eink 568–9. Pálína Þ Waage. Dagbók 1951, bls. 24.
118 HerAust. Eink 568–4. Pálína Þ Waage. Bók No 1. 1947–48, bls. 51.
Saga vor 2018.qxp_Saga haust 2004 - NOTA 30.4.2018 12:12 Page 208