Saga - 2018, Qupperneq 252

Helstu verkefni stjórnarinnar á árinu voru sem fyrr stefnumótun,
rekstur, bókaútgáfa og viðburðir. Verður nú gerð grein fyrir helstu
vörðum ársins.
Stefnumótun
Á starfsárinu var haldið áfram vinnu frá fyrra starfsári við stefnu-
mótun á nokkrum sviðum útgáfumálanna. Unnið var að því að setja
niður verklag við uppgjör bóka og útgáfustjórn, fjármögnunarvið -
mið, samningagerð og ritrýniferla bóka. Ákveðið var að endurnýja
vefsíðu félagsins og auka vægi hennar í miðlun og sölu bóka, koma
upp vefsölu og safna þar saman umfjöllun af öllu tagi um útgáfu-
bækur félagsins, auk almenns fréttaflutnings af starfi félagsins. Í
janúar 2017 var unnin útgáfuáætlun til næstu fimm ára, 2017–2021,
á grundvelli útgáfustefnunnar frá fyrra ári. Stórt ár er framundan,
árið 2018, og margt í farvatninu.
Rekstur
Aðsetur félagsins hefur verið í Gunnarshúsi frá vordögum 2016 og
var upphaflega gerður samningur til eins árs. Ákveðið var að fram-
lengja þann samning og gera ótímabundinn samning við Rithöf -
unda samband Íslands. Vel fer um félagið í þessu húsi við núverandi
aðstæður og starfið hefur verið að þróast á skemmtilegan hátt að
mati stjórnarinnar. Aðgangur að fundarsal skapar nýja möguleika til
að halda bókatengda fundi og höfundakvöld af ýmsu tagi og efla þá
hlið í starfsemi félagsins.
Samningur var gerður við Mennta- og menningarmála ráðu -
neytið 11. nóvember 2016 sem hljóðar upp á fast framlag til félagsins
í þrjú ár. Skiptir það afar miklu fyrir rekstur félagsins. Í framhaldi af
því var ráðinn bókari til félagsins, Rannveig Guðmundsdóttir. Endur -
skoðun reikninga var í höndum Jóns H. Skúlasonar. Einnig var gert
átak í að skrá bókalagerinn og gengið frá skjalasafni félagsins frá
árunum 2011−2015. Ólafur Arnar Sveinsson tók þetta verkefni að
sér. Fjárfest var í skrifstofubúnaði á árinu, nýrri tölvu og prentara,
til að reka megi skrifstofu félagsins með góðu móti.
Á árinu 2016 var kristín Svava Tómasdóttir ráðin til að starfa að
kynningarmálum félagsins í hlutastarfi. Hún vann fyrir félagið í eitt
ár og eru henni þökkuð mjög góð störf við að móta kynningarmál
félagsins. Við af henni tók Rúna k. Tetzschner 1. ágúst síðastliðinn.
ársskýrsla stjórnar sögufélags 2016–2017250
Saga vor 2018.qxp_Saga haust 2004 - NOTA 30.4.2018 12:12 Page 250