Strandapósturinn - 01.06.2016, Blaðsíða 15

13
Höfundur varð þeirrar ánægju aðnjótandi að vera þátttakandi í
ferð Átthagafélags Strandamanna 3.–8. september síðastliðinn til
Þýskalands, Tékklands og Austurríkis.
Það var spenntur hópur sem mætti eldsnemma í Flugstöð Leifs
Eiríkssonar á leið í flug til München. Einhverjir þekktust frá starf-
inu í Átthagafélaginu en aðrir hittust þar í fyrsta sinn. Flugið gekk
vel þrátt fyrir að ekki fengju öll hjón að sitja saman. Emil farar-
stjóri lét sjá framan í sig strax í flugvélinni og tók stjórnina í sínar
hendur. Flugið gekk vel og haldið var með rútu til Passau og þar
gistum við allan tímann. Passau er lítil borg sem er á landamær-
um Þýskalands og Austurríkis. Borgin er oft kölluð borg hinna
þriggja fljóta því að hún liggur á tanga þar sem fljótin Dóná, Inn
og Ilz mætast. Passau er gömul borg sem er meðal annars þekkt
fyrir dómkirkju heilags Stefáns (Dom St. Stephan) en í henni er
næststærsta pípuorgel í heimi. Miðbærinn er lokaður bílaumferð
og var hótelið í göngufæri bæði við hann og við Dóná. Eftir að
fólkið hafði komið sér fyrir, teygt úr sér og kíkt á næsta umhverfi
var farið í stutta samveru og kvöldmat. Hópurinn borðaði öll
kvöld á hótelinu.
Annan dag ferðarinnar var farið til borgarinnar český Krumlov
í Tékklandi. Þessi borg er á heimsminjaskrá Sameinuðu þjóð-
anna. Á leiðinni þangað fengum við góða fræðslu um sögu Tékk-
lands og sögu héraðsins sem við ókum um en það hefur verið
átakasvæði á milli Tékka og Þjóðverja um aldir.
Arnheiður Andrésdóttir
Þriggja landa
sýn