Strandapósturinn - 01.06.2016, Qupperneq 89

87
við Miðhúsaklifið. Ofan við Standavíkina er Innsti-Hryggur (121).
Innsti-Hryggur og hryggurinn milli Sandvíkur og Miðvíkur eru að
jafnaði nefndir Hryggir (122) eða oftar Hryggirnir. Innsti-Hrygg-
ur er líka skriðuhryggur.
Hlíðin frá Fagrahvammi út að Munaðarnesi heitir einu nafni
Munaðarneshlíð (123) og er hún í daglegu tali nefnd Hlíðin
(124). Jafnan er sagt „að fara inn á Hlíð“. Fjallsbrúnin ofan við
Hlíðina heitir Hlíðarbrún (125) og nefnist svo frá Stöndum og
inn að Hæðum á Heydal. Klettarnir í brúninni heita Hlíðarklettar
(126). Fjallsbrúnin fyrir ofan Standavík heitir Standar (127) en í
skrá Njáls Guðmundssonar er hún nefnd Hrafnastandar (128)
einu nafni en það mun misskilningur. Stærsti standurinn í brún-
inni heitir aftur á móti Hrafnastandur (129). Hvapp eða laut er
uppi á brúninni bak við Standana og heitir Standalág (130). Nið-
ur í Sandvík liggur skriða sem heitir Sandvíkurskriða (131). Í hlíð-
inni upp af bænum er lægð sem kölluð er Hvammur(inn) (132).
Brúnin ofan við bæinn heitir Bæjarbrún (133) og nær frá
Þjalabergi út að Horni. Þegar Bæjarbrúnina ber við Fellseggina af
sjó er sagt að menn séu komnir á Tönnurnar (134) eða Tannirnar
(135). Bæjarbrúnin ber því það nafn í vissri afstöðu af sjó. Ofan
við Bæjarbrún er klettastallur sem Hjalli (136) nefnist en heitir
fullu nafni Bæjarbrúnarhjalli (137). Sunnarlega í Bæjarbrúninni
er skörðótt bergþil sem Þjalaberg (138) heitir og upp af því er
Þjalabergslaut (139). Leiðin upp á Bæjarbrún er eftir skoru sem
er nefnd Gangur (140) og er farið upp eftir grasi vaxinni skoru
upp fyrir miðja kletta og þar út eftir hillu uns komið er að annarri
skoru sem farið er upp. Innan við hann fellur Dagmálalækur
(141) niður klettana og ofan á Skrautuhrygg en hann hverfur í
skriðuna. Lækurinn er eyktarmark frá Munaðarnesi.
Ofan við Þjalabergslautina tekur við holtaröð sem heitir Högg
(142). Á Höggunum heitir neðsta holtið Neðsta-Högg (143), þá
Mið-Högg (144) og efst er Efsta-Högg (145). Á háfjallinu upp frá
Höggum er holtaþyrping sem heitir Hnúur (146) og stærsta holtið
heitir Stóra-Hnúa (147). Allt fjallið vestan og norðvestan við
Kálfatinda heitir Munaðarnesfjall (148) sem í daglegu tali er oft-
ast nefnt Fjallið (149). Ofarlega í Hnúunum, upp undir Heydala-
öxl, eru litlar tjarnir sem saman eru nefndar Hnúatjarnir (150).
Hnúatjörn (151) er sú stærri yfirleitt nefnd en stundum Stóra-