Strandapósturinn - 01.06.2016, Síða 104

102
ofan við Skalladal milli Tindatagls og Heydalatagls heitir Tinda-
hlíð (394). Hlíðin austanvert á Skallárdal heitir Austurkinn (395).
Á háfjallinu vestan við dalinn nokkuð framarlega og ofan við
Hærribrún og upp af Torfahryggsgjá er hnúkur sem ber við himin
af dalnum séð. Hann heitir Hlass (396). Skammt austur af
Hlassinu er annar hnúkur sem á sjó er nefndur Hlass (397) og er
notaður sem mið. Fyrrnefnda Hlassið er til aðgreiningar nefnt
Innrahlass (398) og hið síðarnefnda Ytrahlass (399). Fjallsbrúnin
ofan Austurkinnar og í framhaldi af Tindatagli heitir Vellir (400)
og nær hún fram á þverhnípta brún ofan við fjöruna sem heitir
Fellsegg (401). Á Völlunum áttu smalar frá Munaðarnesi og Felli
að hafa barist uns þeir féllu báðir dauðir niður. Fellseggin er
stundum eingöngu nefnd Egg (402). Svæðið milli Skalladals og
Fellsdals er venjulega nefnt Milli Dalanna (403). Þar sem farið var
með hesta yfir á milli dalanna er sléttur og nokkuð stór melur
sem kallaður er Vegurinn (404). Sagt var „að farið væri yfir Veg“.
Hlíðin ofan við Hallvarðsbyrgi heitir Byrgishlíð (405). Brúnin
upp á dalinn utan við Árnar nefnist Byrgisbrún (406), er hún
gegnt Dalbrúninni.
Urðir
Þá er að lýsa svæðinu frá Arnarstapa út að landamerkjum Munað-
arness og Fells. Það heitir allt Urðir (407). Þær eru hrikaleg fjalls-
hlíð með miklum hömrum undir Fellsegginni og heita hamrarnir
Örnefnakort af Urðunum á Munaðarnesi.