Strandapósturinn - 01.06.2016, Side 42

40
Guðmundur H. Guðjónsson
frá Kjörvogi
Lok kirkju-
deilunnar
í Árneshreppi
Hinn 24. maí 1992 lagði ég af stað með Herjólfi frá Vestmannaeyj-
um, þar sem ég er búsettur, á leið norður í Árneshrepp vegna
deilna um kirkjumál sem þá höfðu staðið yfir í um áratug. Eflaust
muna margir eftir deilu þessari en færri vita hvernig hún var til
lykta leidd. Um það ætla ég að fjalla hér en ekki um deiluna sjálfa.
Deilan stóð vegna þess að byggð var ný kirkja stutt frá hinni gömlu
sem varð til þess að söfnuðurinn skiptist í tvo nær jafna hópa,
með og á móti. Málin þróuðust á þann verri veg að menn áttu
orðið erfitt með ýmis samskipti sín í milli, jafnvel innan fjöl-
skyldna.
Við sem fædd erum í Árneshreppi og flutt í burt áttum orðið
erfitt með að fóta okkur í því andrúmslofti sem skapast hafði í
sveitinni. Hvað mig varðar tók ég ekki afstöðu með eða á móti í
þessari deilu enda ekki hlutverk brottfluttra, að mínu mati, að
skipta sér af því hvernig þeir sem vildu búa áfram í okkar gömlu
sveit kysu að skipa sínum málum.
Á vordögum 1992 tók fjölskylda Guðjóns Magnússonar frá
Kjörvogi ákvörðun um að halda minningarmót vegna 100 ára af-
mælis Guðmundar Þ. Guðmundssonar frá Finnbogastöð um en
fæðingardagur hans var 21. júní 1892. Hann var mikill framfara-
maður í skólamálum sveitarinnar enda menntaður kennari og
stóð fyrir því að byggður var heimavistarskóli í sveitinni. Barátta
hans fyrir þessari framför var ótrúlega erfið því að stór hluti íbú-
anna var á móti þessu máli og hreppsnefndin að mestu leyti. Fólk-
ið hans á Finnbogastöðum stóð með honum og lét faðir hans