Strandapósturinn - 01.06.2016, Blaðsíða 16

14
Borgin český Krumlov er einstaklega falleg og er lokuð fyrir
bílaumferð. Eyddi fólk deginum þar við að skoða kastala borgar-
innar eða bara rölta um og skoða umhverfið eða kíkja í búðir í
miðborginni. Á leiðinni heim ákváðu fararstjóri og bílstjóri að
bjóða okkur upp á ferð til Linz í Austurríki til að geta keyrt aðra
leið heim. Stoppað var stutta stund í miðborginni og gaman var
að keyra heim eftir þeim hluta af Dónárdalnum sem við sáum svo
í siglingunni á ánni næsta dag.
Á þriðja degi stóð á tímaplaninu: Sigling á Dóná. Lagt var af
stað um hádegisbil og haldið sem áin liggur í átt til Austurríkis.
Um borð beið okkar dýrindishádegisverður og naut fólk hans á
meðan á fyrsta hluta siglingarinnar stóð. Smám saman fór fólk að
tínast út á dekk og virða fyrir sér útsýnið. Farið var í gegnum
skipaskurð sem liggur á mörkum Þýskalands og Austurríkis. Hann
var settur þar vegna virkjunar sem var gerð í ánni. Það var mikil
upplifun að fara í gegnum hann báðar leiðir.
Úsýni yfir český Krumlov frá kastalanum.