Strandapósturinn - 01.06.2016, Side 90

88
tjörn (152). Sú minni er ýmist nefnd Djúpatjörn (153) eða Litla-
tjörn (154). Langoftast er einungis rætt um Hnúatjörn og þá átt
við þá stærri.
Á Munaðarneshlíð eru engjar miklar. Þær voru, og eru enn,
aðalslægjulönd Munaðarness. Hlíðinni var skipt í parta sem voru
markaðir með smásteinum eða hælum sem nú munu vera horfn-
ir með öllu. Engjarnar náðu neðan frá sjó og upp undir Götur.
Það var kallað „að slá upp undir Götur“. Partarnir eru 60 faðmar
hver um sig nema annað sé tekið fram. Hefst nú talningin og er
talið frá Höfðum. Fyrst koma Höfðapartar (155) sem voru tveir
og eru í hlíðinni innan við Fagrahvamm. Utan við Fagrahvamm
tekur svo Hlöðupartur (156) við, sem einnig var nefndur Sátu-
partur (157), og er hann mjórri að neðan en ofan og markast af
girðingu sem er utan við lækinn. Vetrarsteinn er efst í Hlöðuparti
og skammt ofan og innan við hann var skothús á litlu barði sem
Vilbert Stefánsson reisti. Hann gengur enn undir nafninu Skot-
hús (158) og er það nafn notað sem örnefni. Þá taka við Finnungs-
partar (159) tveir en þeir munu hafa náð út fyrir Forvaða. Þá taka
við Kofapartar (160) tveir og ná þeir nokkuð út fyrir Forvaðann.
Parturinn mun draga nafn af kofa sem þar hefur verið í eina tíð
og sjást tóftarbrotin enn. Í Kofaparti eru smábörð sem nefnast
einu nafni Börð (161). Sagt var „að slá Börðin“. Stærsta barðið
heitir Stórabarð (162). Börðin ná frá Biskupsparti langleiðina inn
að Hlöðum. Þá Fjörutíufaðmapartur (163) og Böltarpartur (164),
sem áður hét Miðjapartur (165), Grjótpartur (166), Biskupspart-
ar (167) tveir, Miðhlíðarpartur (168) og erum við þá komin út
undir Torfvíkur. Upp af Torfvíkunum eru Torfvíkurpartar (169)
og eru þeir tveir. Þá tekur við Mjóipartur (170) en hann er innan
við 40 faðma breiður. Síðast kemur Þrepapartur (171) neðan við
Þrepin. Samnefndir partar voru oftast kenndir við þá sem áttu þá,
t.d. Kofaparturinn hans Jóns, en einnig nefndir Innri- og Heimri-,
t.d. Innri-Höfðapartur (172), Heimri-Höfðapartur (173), Innri-
Kofapartur (174) og Heimri-Kofapartur (175).
Flestir partarnir sem eru utan til á hlíðinni hafa nú verið brotn-
ir og ræktuð þar tún. Túnið sem er ofan og utan við Biskup nefn-
ist nú Biskupsslétta (176) og annað sem er ofan við Bekkina og
neðan Þrepin og nefnist Þrepagirðing (177).