Strandapósturinn - 01.06.2016, Side 106

104
eru nefndar Hellir (425) í landamerkjaskránni frá 1890. Merkin
eru þar um tanga sem heitir Hellutangi (426). Fram af Hellutang-
anum eru miklar flúrur nafnlausar. Önnur afbrigði af nöfnunum
á Hellunum eru Hellrar (427), Hellnanes (428) og Hellarnes
(429).
Í Urðarklettum upp af Hellutanga er rauður klettur sem heitir
Rauðisnagi (430) og er hann framan í og neðan við Breiðuhillu.
Rauðisnagi er heiman til við Hellugjána. Hlíðin ofan við Hellurn-
ar heitir Helluhlíð (431). Jaðar (432) heitir hvarf á hlíðinni utan
við Réttarnesgjána. Hellnagjá (433) heitir gjá upp af Hellutanga.
Sker og boðar
Þá er að telja upp sker, boða og sund sem upp á vantar. Út undan
Bólinu er sker sem heitir Bólsker (434), Miðaftanssker (435) eða
Nátthagasker (436). Örstutt norður af Bólskeri er flaga sem nefn-
ist Litlasker (437). Norðvestur af bænum er sker sem Friðrikka
(438) heitir. Milli Friðrikku og lands heitir Sundið (439) og þegar
grásleppunet eru lögð þar er sagt „að leggja í Sundið“. Beint fram
af bænum og eilítið norðar er Náttmálasker (440). Ofan við Nátt-
málaskerið er Sandáll (441). Milli Sandáls og Tangans er 70–80 m
langt rif sem kemur upp úr um fjörur. Það er nefnt Rif (442). Á
firðinum fram af Náttmálaskeri er Grynning (443) og er það not-
að sem fiskimið. Miðið í það er Valleyri í Miðhamar á Eyri.
Út og norðvestur af Stekkjarnesi er skerjaklasi sem nefnist
Munaðarnessker (444) en í daglegu tali Skerin (445). Skammt
vestur af Skugga er boði sem aldrei kemur upp úr og nefnist hann
Flatskella (446). Norður af Náttmálaskeri eru flögur sem nefnast
Lönguflögur (447) eða Langaflaga (448) og norðan við þær er
Djúpasund (449). Háasker (450) er syðsta skerið í Munaðarnes-
skerjaklasanum sjálfum. Á að giska 200 metrum suðvestan Háa-
skers er boði sem heitir Háaskersnaggur (451). Milli Háaskers og
Skugga eru Sundin (452). Næsta sker fyrir norðan er Flatasker
(453) og upp í það að austan skerst Glufan (454). Í Glufunni
stoppar reki í hafátt. Sundið milli Háaskers og Flataskers heitir
Háaskerssund (455). Lítil flaga nafnlaus er við norðausturhorn
Flataskers og sundið á milli er ávallt nefnt Sundið (456). Þar er
selalögn og sagt „að leggja í Sundið“. Skerið þar næst fyrir norðan
heitir Heiðnaflaga (457). Nyrst er langt sker sem heitir Pollasker