Strandapósturinn - 01.06.2016, Side 108

106
Siglingaleiðir
Dýpri-Leið (464). Þá er siglt út frá Munaðarnesi uns komið er það
langt fram að Náttmálaskerið ber í Bergið á Seljanesi. Eftir því
miði er svo siglt uns komið er fram á Háaskerið í Hvalárgljúfrin í
Ófeigsfirði. Eftir það er leiðin hrein fyrir Veturmýrarnesið á Felli
sem í daglegu tali er aðeins nefnt Nesið. Þessi leið liggur utan við
Flatskellu og eru miðin til þess að forðast hana og grynningarnar
við og upp af Skugga.
Grynnri-Leið (465). Siglt er út frá Munaðarnesi og grunnt
norður með ströndinni, farið er laust fyrir Nálarsker og ofan við
Litla-Skugga.
Siglingaleiðin inn á Ingólfsfjörð er nefnd Stórskipaleiðin (466)
eða oftar Leiðin (467). Þá er farið upp með Sæluskeri (nú nefnt
Selsker) og utan við Pollaskerið og þaðan laust við Leiðarboðann.
Sagt er í þessu tilviki ýmist „að fara inn Leiðina“ eða „að fara inn
á milli Skerja“ og þá átt við Munaðarnessker og Ófeigsfjarðarsker
og einnig „að fara inn Álinn“ eða „upp á milli Grunna“.
Einnig var það nefnt Grynnri-Leið (468) þegar stórskip sigldu
út með Sæluskeri að vestan uns skerið bar í Reykjaneshyrnuna en
þá var sveigt í vestur og siglt eftir Hyrnunni og fyrir ofan Óðins-
boða í stað þess að fara mun utar.
Fiskimið
Hér verða eingöngu talin upp þau fiskimið sem sótt var á frá
Munaðarnesi en ekki hefðbundin vertíðarmið né hákarlamið.
Áður er getið um Grynningar sem eru fram af Náttmálaskeri.
Önnur mið eru:
Bæjarhamar (469) á Eyri við Valleyrina á Seljanesi. Þetta mið er
stundum nefnt Bæhamar (470).
Miðhamar (471) á Eyri við Valleyri. Það er lúðumið.
Hvalhamar (472) á Eyri við Valleyri.
Þessi mið eru beint fram af Munaðarnesi og ekkert sérstakt
annað mið í þau.
Tindurinn (473). Siglt er í stefnu á Seljanes og komið er á mið-
ið þegar Efri-Kálfatindur er að koma fram yfir brúnina á Munað-
arnesfjalli.
Hólminn (474) (þ.e. Ófeigsfjarðarhólmi) í Ófeigsfirði í Ófeigs-
fjarðarbæinn.