Bændablaðið - 22.07.2021, Blaðsíða 2

Bændablaðið | Fimmtudagur 22. júlí 20212
Undirbúningur fyrir sýninguna
Íslenskur landbúnaður 2021, sem
haldin verður í Laugardalshöll
dagana 8.–10. október, stendur
sem hæst.
Ólafur M. Jóhannesson
sýningarhaldari segir að fjölmörg
fyrirtæki og stofnanir hafi pantað
bás og að það stefni í sannkallaða
stórsýningu. Síðasta sýning var haldin
2018 og sló hún öll aðsóknarmet í
Laugardalshöllinni.
„Ég er viss um að sýningin mun
vekja mikla athygli og gagnast
landbúnaðinum. Landbúnaður spannar
allt landið og er afar mikilvægur fyrir
samfélagið. Mín skoðun er að greinin
mun eflast í framtíðinni. Ekki síst
vegna þess að ungt fólk er farið að
sjá hversu landbúnaður er fjölbreyttur
og eftirsóknarvert að starfa við hann.
Íslenskur landbúnaður hefur gott
orðspor og getur vel byggt á því og
framleitt hreinar og hollar vörur. Þá
ber að hafa í huga að millistéttin vex
víða um heim með ógnarhraða og
samhliða því opnast nýir markaðir
fyrir heilnæmar landbúnaðarvörur.“
Fjölbreyttir sýningaraðilar
Ólafur segir að gestir eigi von á fjöl-
breyttri sýningu þar sem fjölmörg fyr-
irtæki og stofnanir kynni starfsemi
sína. „Það verður mikið af stórum
og litlum tækjum, bæði á úti- og
innisvæði. Þarna verða allir helstu
vélasalar landsins og þjónustufyrir-
tæki landbúnaðarins. Þá eru fyrir-
tæki sem tengjast ferðaþjónustu og
húsbyggingum áberandi. Mikið af
ýmsum rekstrarvörum verða kynntar
og ekki síst framleiðsla bænda.
Matvæla- og afurðafyrirtæki kynna
einnig sínar fjölbreyttu og gómsætu
afurðir.“
Fyrirlestrar um landbúnað
Í hliðarsal Laugardalshallarinnar
verða haldnir fyrirlestrar um allt milli
himins og jarðar tengt landbúnaði,
bæði fyrir lærða og leikna. Á síðustu
sýningu voru afar áhugaverðir
fyrirlestrar og vafalítið hefur bæst í
hugmyndabankann segir Ólafur og
minnir á að dagskráin verði birt á
bbl.is, vef Bændablaðsins, þegar hún
liggur endanlega fyrir.
Samhliða sýningunni mun
Bændablaðið gefa út sýningarblað
þar sem fjallað verður um landbúnað
á fjölbreyttan hátt og sýningaraðilum
gefst kostur á að kynna vörur sínar og
starfsemi. Félagsmönnum í Bænda-
samtökunum er öllum boðið á sýn-
inguna og þar að auki fá fyrirtækin
sem taka þátt fjölda boðsmiða til þess
að koma til sinna viðskiptavina. „Við
finnum mikinn áhuga hjá almenn-
ingi á sýningunni sem er til marks
um áhuga á íslenskum landbúnaði
í dag. Framtíðin í þessum geira er
sannarlega björt.“ /VH
Um miðjan ágúst næstkomandi
er væntanlegur til landsins hópur
danskra fjárfesta sem hafa áhuga
á að skoða möguleika á minkaeldi
hér á landi. Hugmynd fjárfestanna
er annaðhvort að kaupa bú í
rekstri og eða byggja nýtt frá
grunni.
Björn Halldórsson, bóndi og
fyrrverandi formaður Sambands
íslenskra loðdýrabænda, segir að
aðdragandi komu Dananna sé sá að
danski loðdýrabóndinn Finn Nielsen
hafi haft samband við sig fyrir hönd
danskra fjárfesta sem hafi áhuga
á að koma til landsins og skoða
möguleikann á loðdýraeldi á Íslandi.
„Hugmynd Dananna er að koma
inn í loðdýra- eða minkaræktina hér
með því að annaðhvort og helst að
kaupa bú sem hægt er að koma í
rekstur sem fyrst og eða að byggja
upp nýtt bú. Áætlun Dananna gerir
ráð fyrir að með tímanum muni þeir
framleiða um 100 þúsund skinn á ári
og því nokkuð stórt plan.“
Unnið að söfnun upplýsinga
Björn segir að hugmynd Dananna
hangi á því hvort hér fæst
byggingapláss og hver verði
líkleg þróun efnahagsmála. „Mitt
hlutverk er að safna upplýsingum
um möguleika á að koma verkefninu
á koppinn með því að ræða við
forsvarsmenn sveitarfélaga sem eru
nálægt fóðurstöðvum og líka þá sem
reka fóðurstöðvarnar og eigendur
aflagðra minkahúsa.
Að mínu mati er full alvara að
baki hugmyndinni og ég tel að ef við
höldum rétt á spöðunum og þeir telji
aðstæður nægilega ákjósanlegar geti
hún orðið að veruleika, enda Ísland
vænlegur kostur til minkaeldis í
dag.“
Hágæða og náttúruleg vara
„Satt best að segja veit ég ekki hvaða
fjárfestar þetta eru annað en að þeir
eru danskir. Ég er búinn að heyra
nöfnin á þeim en þekki þá ekki að
öðru leyti. Ég þekki aftur á móti Finn
Nielsen vel og átti í viðskiptum við
hann í fjölmörg ár. Það sem ég veit
er að fjárfestarnir eru ekki tengdir
Copenhagen Fur eða loðdýrarækt
eins og hún var í Danmörku.
Samkvæmt því sem Nielsen hefur
sagt mér er sá sem er í forsvari fyrir
hópinn fullorðinn endurskoðandi.
Danirnir vita að loðdýra- og
minkaeldi á framtíðina fyrir sér og
að notkun á skinnum á eftir að aukast
enda um hágæða og náttúrulega vöru
að ræða,“ segir Björn Halldórsson að
lokum. /VH
Vorið og fyrri hluti sumars var
kalt. Auk þess sem óvíst var
með flug vegna Covid-19 og því
hefur ríkt ákveðin óvissa meðal
býflugnaræktenda á landinu um
ræktunina í sumar.
„Kuldinn í vor og fyrrihluta
sumars hefur vissulega sett
strik í reikninginn þegar kemur
að býflugnarækt sumarsins,“
segir Egill Rafn Sigurgeirsson,
formaður Býflugnaræktendafélags
Íslands, „en að sjálfsögðu erum við
vongóð um að úr rætist.“
Óvíst með flug
„Óvissa með beint flug frá Arlanda
í Svíþjóð með flugur leystist ekki
fyrr en fyrir nokkrum dögum og
býbændur á Álandseyjum gátu ekki
afgreitt okkur um nema 24 býpakka
þrátt fyrir að eftirspurn hafi verið
mun meiri.“ Einar segir að í dag séu
eitt hundrað býræktendur á landinu
með um 150 bú.
„Búin er að finna um nánast allt
land að Suðausturlandi undanskildu
en flest þeirra eru á Suðurlandi.“
Hann segir að konur séu í meiri
hluta þegar kemur að ræktendum.
Erfitt að meta horfurnar
Egill segir að erfitt sé að meta
horfur býræktarinnar í sumar.
„Við fengum fáa pakka afgreidda
en ræktendur eru búnir að búa
til 20 afleggjara. Í fyrra voru
afleggjararnir 40 og þá fengum
við rúmlega 600 kíló af hunangi.
Það má því alveg búast við minni
uppskeru í ár.“ /VH
FRÉTTIR
www.kofaroghus.is - Sími 553 1545
TIL Á LAGER
Ítarlegar upplýsingar og teikningar ásamt ýmsum öðrum fróðleik
má finna á vef okkar
STAPI - 14,98 fm
Tilboðsverð
697.500 kr.
25%
afsláttur
BREKKA 34 - 9 fm
Tilboðsverð
369.750 kr.
25%
afsláttur
NAUST - 14,44 fm
Tilboðsverð
449.400 kr.
30%
afsláttur
VANTAR
ÞIG PLÁSS?
Afar einfalt er að reisa
húsin okkar. Uppsetning
tekur aðeins einn dag
TILBOÐ Á GARÐHÚSUM!
Sumarlokun Bændasamtakanna
Skrifstofur Bændasamtakanna verða lokaðar frá og með 19. júlí til
9. ágúst. Ritstjórn Bændablaðsins verður þó að störfum og hægt er
að ná sambandi við ritstjórn í síma 563-0300 meðan á lokun stendur.
Býflugnarækt:
Kalt vor og óvissa með flug
setti strik í reikninginn
Staðsetning býgarða á Ísland 2016 til 2021.
Minkaeldi:
Danskir fjárfestar
sýna Íslandi áhuga
Björn Halldórsson, bóndi og fyrrverandi formaður Sambands íslenskra
loðdýrabænda. Mynd / HKr.
Á landbúnaðarsýningunni 2018 kepptu Sigurgeir Sindri Sigurgeirsson,
þáverandi formaður Bændasamtaka Íslands, og Kristján Þór Júlíusson
landbúnaðarráðherra í að tutla gervikú. Mynd /Jón Svavarsson.
Stórsýning í Laugardalshöllinni:
Íslenskur
landbúnaður