Bændablaðið - 22.07.2021, Blaðsíða 28

Bændablaðið | Fimmtudagur 22. júlí 202128
LÍF&STARF
Júlíus Þröstur Sigurbjartsson og Sigríður Jóhannesdóttir í Sillukoti. Þau keyptu félagið Sælusápur fyrir tveimur árum, byrjuðu í bílskúr á Þórshöfn en eru nú komin með reksturinn til Gunnarsstaða
þar sem þau reka eitt af þremur sauðfjárbúum á bænum. Sauðfjárbú og framleiðsla á sápum og fleiri vörum fer vel saman og styrkir búsetuna. Myndir úr einkasafni.
Vinnslan hjá Sillukoti komin heim í Gunnarsstaði í Þistilfirði:
Innréttuðu gamla vélaskemmu
og framleiða þar sápur og kerti
„Það var alltaf ætlunin að flytja
framleiðsluna heim í Gunnarsstaði
enda mun hentugra að hafa
starfsemina heima á hlaði,“ segir
Sigríður Jóhannesdóttir, sem
ásamt eiginmanni sínum, Júlíusi
Þresti Sigurbjartssyni, rekur
fyrirtækið Sillukot sem m.a.
framleiðir Sælusápur. Þau hjónin
keyptu Sælusápur fyrir tveimur
árum, fluttu það úr Kelduhverfi
og til bráðabirgða í bílskúr í eigu
systur Sigríðar á Þórshöfn.
Undanfarið ár hafa þau Sigríður
og Júlíus unnið að endurbótum á
gamalli vélaskemmu sem byggð
var utan á fjárhúshlöðu þeirra
á Gunnarsstöðum. Nýinnréttuð
aðstaða hefur nú verið tekin í notkun
og hlakka þau hjón til að taka á móti
gestum.
Félagið framleiðir um 15 gerðir af
handsápum, handgerð kerti og ýmsar
aðrar handgerðar heimilisvörur.
Á Gunnarsstöðum eru rekin þrjú
sauðfjárbú og eru þau Sigríður og
Júlíus með eitt þeirra. Hún segir að
vel fari saman að reka sauðfjárbú
og fyrirtækið Sælusápur, í því felist
ýmis jákvæð samlegðaráhrif og
styrki búsetu þeirra á heimaslóð.
Sigríður og Júlíus eiga þrjár dætur
sem allar vinna jafnt og þétt með
foreldrum sínum við sápugerðina
og búskapinn.
Tóku gamla vélaskemmu í nefið
Sigríður segir að á liðnum vetri
hafi verið unnið við endurbætur á
vélaskemmunni, en hún er tæpir
80 fermetrar að stærð. Þau tóku þá
ákvörðun að stúka annan enda hennar
af, um 20 fermetra pláss, og tengdu
hann hesthúsi þeirra og þar mun
verða áhalda- og verkfærageymsla.
Sápu- og kertagerðin hefur þá yfir
að ráða um 55 fermetrum, vinnslan
er í 40 fermetrum, sölugallerí hefur
um 10 fermetra til umráða og annað
pláss undir salerni og inngang.
„Þetta var óupphituð véla- og
verkfærageymsla. Við hreinsuðum
allt út, skiptum um þak, einangruðum
rýmið og klæddum það að innan,
endurnýjuðum rafmagn og lagnir í
gólfi. Það má orða það svo að við
höfum tekið húsnæðið algjörlega í
nefið. Fyrir vikið er aðstaðan orðin
glæsileg og við himinsæl með
útkomuna,“ segir Sigríður.
Í framkvæmdum eins og þessum
er ómetanlegt að búa í sveit eins og
okkar þar sem menn fara á milli bæja
og hjálpast að. Má þar nefna að þegar
við skiptum um þak mætti vaskur
hópur manna og hamarshöggin
ómuðu í 2 daga meðan þeir skiptu
um þakið. Svona samvinna gerir
það að verkum að svona verk eru
framkvæmanleg. Við mjög þakklát
fyrir alla þá aðstoð sem við fengum
til að láta þennan draum okkar verða
að veruleika.“
Vonum að sem flestir komi
í heimsókn
Í vinnslurýminu framleiðir hún
sápur, margs konar kerti og
varasalva.
„Vonandi eiga fleiri vörur eftir að
bætast við með tíð og tíma,“ segir
hún. „Við verðum með opið í sumar
en engan formlegan afgreiðslutíma,
við erum nær alltaf heima við og
getum þá skroppið niður eftir og
opnað fyrir þá sem eiga leið um
og vilja kíkja til okkar.“ Sigríður
Margrét Þóra Þórsdóttir
mth@bondi.is
Sigríður Jóhannesdóttir í nýja vinnslusalnum. Þau hjónin innréttuðu
gamla vélaskemmu við Gunnarsstaði og hafa 55 fermetra til umráða
í skemmunni sem skiptir á milli vinnslu og söluaðstöðu.
Sillukot framleiðir um 15 gerðir af handsápum, handgerð kerti og
annan heimilisvarning. Hægt er að skoða úrvalið á Gunnarsstöðum
í Þistilfirði þar sem söluaðstöðu hefur verið komið upp.
Hér má sjá Sigríði hræra saman hráefnum, tólg, olíu, vítissóda,
ilm og jurtum til að sápan verði til, en öll sápa er hrærð saman
á þennan máta, m.a. pískara og töfrasprota í potti.