Sjálfsbjörg - 01.07.1988, Blaðsíða 10

Formannaskipti á
24. þingi Sjálfsbjargar
Dagana 27.-29. maí sl. var 24. þing Sjálfs-
bjargar, landssambands fatlaðra haldið í
Sjálfsbjargarhúsinu að Hátúni 12. Þingið
sóttu fulltrúar aðildarfélaganna 14 og urðu
að vanda miklar umræður um flest þau
mál sem að fötluðum lúta. Þá urðu þau tíð-
indi að Theodór A. Jónsson lét af for-
mennsku eftir að hafa gegnt því embætti í
28 af 29 starfsárum sambandsins. Við því
tók Jóhann Pétur Sveinsson og fer stutt
spjall við hann hér á eftir.
Að vanda voru gerðar ýmsar samþykktir
á þinginu og ber þar hæst nýja stefnuskrá
samtakanna. Yfirskrift stefnuskrárinnar er
tilvitnun í enska rithöfundinn George
Orwell en í bók hans, Félagi Naþóleon,
leggur hann aðalpersónunni í munn þessi
fleygu orð:
Ailir menn eru jafnir, en sumir eru
jafnari en aðrir
Stefnuskráin er viðamikið plagg og
skiptist niður í nokkra kafla um mennta-
mál, atvinnumál osfrv. Hér í blaðinu hefur
verið brugðið á það ráð að birta þessa
kafla að mestu óstytta en dreifa þeim um
blaðið. Þá má þekkja á því að fyrirsagnir
þeirra eru í formi alþekktra máltækja.
Þröskuldsorðan
Loks ber að geta þess að í umræðum um
ferlimál á þinginu lýsti Pálína Snorra-
dóttir úr Hveragerði þeirri hugmynd sinni
að samtökin stofnuðu til orðu eða barm-
merkis og yrði hún þeim sem teiknaði eða
hannaði þá byggingu sem verst hentaði
fötluðum til aðgengis.
Tillaga Pálínu hlaut góðar undirtektir og
má búast við því að orðan, sem á að heita
Þröskuldur, verði veitt áður en langt um
líður. Gæti hún orðið húsagerðarmönnum
landsins þarftaðhald því væntanlegayrðu
þeir heldur óhressir sem hana hlytu.
>laður er
manns gaman“
Sjálfsbjörg, landssamband fatl-
aðra, mun vinna að því að
tryggja félagslegt jafnrétti
ALLRA þegna þjóðfélagsins.
Samtökin leggja áherslu á að
fötluðu fólki verði sköpuð skil-
yrði til sjálfstæðs lífs með eðli-
legri búsetu og félagslegri þjón-
ustu eftir þörfum hvers og eins.
Helstu stefnumið Sjálfsbjargar
eru því þessi:
• Að gera fötluðu fólki mögu-
legt að ná fótfestu i samfélag-
inu, veita því aðstoð og upp-
lýsingar sem og virkja það í
starfi samtakanna.
• Að tryggja að fatlaðir þurfi
ekki að flytja úr sinni heima-
byggð vegna aðstöðuleysis
og skorts á nauðsynlegri
þjónustu.
• Að vinna að þvi að breyta
hugarfari almennings þannig
að fólk sem fatlað er verði
metið til jafns við aðra þegna
þjóðfélagsins.
• Að efla æskulýðsstarf fatl-
aðra og stuðla að því að ungt
fatlað fólk eigi jafna mögu-
leika á þátttöku í almennu
æskulýðsstarfi.
• Að stuðla að kynningu og
fræðslu um málefni fatlaðra i
grunn- og framhaldsskólum
landsins.
• Að efla og auka samvinnu
hinna ýmsu félagasamtaka
víðsvegar um landið sem og
annarra þeirra er vinna að
málefnum fatlaðra.
• Að nýta þekkingu og reynslu
annarra þjóða og taka þátt í
alþjóðlegu samstarfi.
Úr stefnuskrá
Sjálfsbjargar
8 SJÁLFSBJÖRG