Sjálfsbjörg - 01.07.1988, Blaðsíða 31

Snæbjörn Þórðarson, formaður
Sjálfsbjargar á Akureyri:
Ekki lengur spuming
um líf eða dauða
Það var komið fram í október
1958 þegar boðað var til
stofnfundar Sjálfsbjargar á
Akureyri. Þar hefur löngum
verið blómlegt starf og svo
er enn, þótt félagslífið mætti
vera líflegra. Eða svo segir
núverandi formaður, Snæ-
björn Þórðarson, sem jafn-
framt starfar hjá félaginu.
“Við erum að gangsetja
plastprentsmiðju sem við
keyptum nýlega. Hún hét
AKO-pokinn en við köllum
hana AKO-plast. Við erum
búin að kaupa vélar frá Taiwan
og erum að byrja. Fyrirtækið
var í eigu SIS og gekk fremur
illa. Var því kennt um að það
vantaði prentvél til að prenta á
plastpokana. Nú erum við búin
að kaupa prentvél og ætlum að
snúa þróuninni við. Við erum
bjartsýn á að reksturinn gangi
vel.“
Það kemur sér eflaust ekki
illa fyrir hið nýja fyrirtæki að
Snæbjörn er lærður prentari og
hefur unnið lengi sem slíkur í
prentsmiðjum Akureyrar.
Hann hefur gegnt formennsku
í félaginu um fimm ára skeið og
segir að félagsstarfið sé frekar
dauft.
“Það er erfitt að fá fólk til að
mæta á fundi. Félaginu tekst
ekki að höfða til ungs fólks,
það er mikið af eldra fólki í
félaginu. Þetta er sama þróun
og í verkalýðsfélögunum. Eftir
því sem meira vinnst því minna
er að sameinast um. Hjá
fötluðum eru mörg baráttumál
komin á góðan rekspöl. Þetta
er ekki lengur spurning um líf
eða dauða.
Þetta er tímanna tákn og við
því verður að bregðast með því
að finna annað form á félags-
starfinu. Þar er engin patent-
lausn til og fatlaðir eru engu
síður en aðrir hrjáðir af tíma-
leysi.“
- Sjálfsbjörg er með all
umfangsmikinn rekstur á
Akureyri, er það ekki rétt?
“Jú, við rekum plastiðjuna
Bjarg sem er verndaður vinnu-
staður og framleiðir ýmislegt til
raflagna. Bjarg er til húsa að
Bugðusíðu en þar reisti félagið
stórhýsi á árunum 1978-80.
Auk Bjargs og AKO-plasts er
þar ein fullkomnasta endur-
hæfingarstöð landsins þar sem
boðið er upp á bylgjur, nudd
ofl. Loks tókum við í notkun í
marsmánuði sl. nýtt íþróttahús
sem við byggðum við hliðina á
eldra húsinu. Það var byggt
með látum og í bjartsýni og
verður bara að koma í ljós
hvort dæmið gengur upp.
Árið 1984 var heildarskipu-
lagi á starfi fatlaðra breytt. Við
þá breytingu má segja að félög
fatlaðra hafi misst frumkvæðið
til svæðisstjórna en orðið að
einskonar þrýstihópum. Það er
til dæmis mun erfiðara fyrir
Félagsmál
okkur að safna fé til fram-
kvæmda en áður. Fyrir breyt-
inguna gátum við safnað fé og
fengið styrki og lán á móti frá
hinu opinbera svo fjárhæðin
þrefaldaðist. Nú er þetta breytt
og fjárstuðningur hins opin-
bera rennur allur í gegnum
Framkvæmdasjóð fatlaðra sem
hefur mátt þola mikinn niður-
skurð.
Þessar breytingar höfðu í för
með sér að við höfum fengið
lítið fé úr Framkvæmdasjóði
fatlaðra. Samt sem áður
afréðum við að byggja 400 fer-
metra íþróttahús, skipta því
upp í fjóra sali og leigja þá út
fyrir veggjabolta. Með því
móti vonumst við til að fá inn
fyrir byggingarkostnaði.“
- Hvernig hefur þessi rekstur
gengið?
“Hann hefur gengið ágæt-
lega og ég á von á að svo verði
áfram. Að vísu eigum við í æ
harðari samkeppni við inn-
fluttar plastvörur svo Bjarg er í
dálítilli klemmu. Við njótum
styrkja við reksturinn sem er
þannig að hallinn á rekstri
Bjargs og endurhæfingarstöðv-
arinnar, sem er alltaf einhver,
SJÁLFSBJÖRG 29