Fréttablaðið - 21.05.2022, Blaðsíða 12

Allt bendir til þess að
úrskurði bandarísks hæsta-
réttar frá árinu 1973, Roe gegn
Wade, verði hnekkt í júní-
mánuði. Dómurinn er grund-
völlur heimilda til þungunar-
rofs í Bandaríkjunum og eitt
helsta hitamál bandarísku
menningarstríðanna.
ninarichter@frettabladid.is
SAMFÉLAG Í byrjun maí var gögnum
lekið til bandarískra fjölmiðla, sem
innihéldu álit íhaldssama hæsta-
réttardómarans Samuels Alito á
úrskurðinum.
Þar álítur Alito niðurstöðu hæsta-
réttar frá 1973 ekki standast lög.
Niðurfelling Roe gegn Wade hefur
verið eitt helsta baráttumál Repúbl-
ikana í áratugi. Jafnréttissinnar telja
um að ræða eina helstu afturför í
kvenfrelsi i Bandaríkjunum í 50 ár.
„Við vitum að þeir eru með
fleiri mál á dagskrá, þetta eru ekki
bara þungunarrofsmálin heldur
alls konar sjálfsákvörðunarréttur
kvenna í öðrum málum, eins og
með getnaðarvarnirnar og rétt-
indi trans fólks,“ segir Birna Anna
Björnsdóttir rithöfundur sem
búsett er í New York.
„Þetta er allt á umræðustigi og
svona mál eru á dagskrá þessara
hópa. Þetta er ekki bara gripið úr
lausu lofti.“
Birna Anna segir að hjá þeim
hópum sem muni ná því í gegn í
júní að fella Roe gegn Wade úr gildi,
sé aðeins um að ræða áfangasigur.
„Þetta er ekki búið hjá þeim. Við
gætum mögulega séð takmarkanir
á getnaðarvörnum,“ segir hún. „Svo
er verið að tala um minni réttindi
kvenna almennt. Að í þessum eld-
rauðustu fylkjum sé verið að tala
um að kona þurfi leyfi eiginmanns
til að fá aðgengi að getnaðarvörn-
um,“ segir hún.
„Og ef það er hægt að svína því
einhvern veginn í gegn, þá spyr
fólk: Hvað næst? Þurfa konur aftur
að fara í það að eiginmaður skrifi
upp á að þær fái kreditkort? Þetta
er alveg í umræðunni hérna.“
Hún leggur áherslu á að hér sé
ekki um vilja almennings að ræða,
heldur sé þessum breytingum náð
fram með bellibrögðum fulltrúa
íhaldsins.
„Í nýrri Gallup-könnun kom fram
að tveir þriðju Bandaríkjamanna, í
öllum fylkjum, vilja ekki að Roe
gegn Wade verði fellt úr gildi,“ segir
hún. „Önnur Gallup-könnun sýnir
að 8 af hverjum 10 í öllum fylkjum
vilja leyfa þungunarrof, kannski
með takmörkunum. Það er meiri-
hluti allra Bandaríkjamanna, sem
mér finnst mikilvægt að komi fram.
Þjóðin er ekki svona, heldur eru
þetta bara þeir sem stýra.“
Hún telur kaldan veruleika bíða
kvenna í rauðum fylkjum frá og
með júnímánuði. „Þær munu þurfa
að fara á milli fylkja ef þær vilja fara
í þungunarrof. Það er langerfiðast
fyrir konurnar sem eru verst settar,“
segir hún.
„Svo getur verið að þeir komi líka
á lögum þar sem þetta verður sak-
næmt. Það er þegar búið að setja
á þessar takmarkanir í Texas, til
dæmis. Þar er saknæmt að aðstoða
einhvern við þetta.
Ef einhver keyrir konu á staðinn
getur viðkomandi verið ákærður,“
segir Birna Anna. „Hræðileg regla
sem var komið á í Texas er að fólk
er hvatt til að tilkynna svona og fær
jafnvel peninga fyrir ef það kemur
með ábendingu. Þarna er verið að
búa til ógnvekjandi samfélag tor-
tryggni.“ ■
Kaldur veruleiki sem bíður
bandarískra kvenna í júní
Frá mótmælum í Washington 14. maí síðastliðinn. FRÉTTABLAÐIÐ/GETTY
Hluti tjaldsvæðisins í Þrastalundi mun þjónusta „glamping“-ferðamenn frá
og með ágústmánuði. FRÉTTABLAÐIÐ/VILHELM
Sverrir Einar
Eiríksson,
athafnamaður
ninarichter@frettabladid.is
VIÐSKIPTI Athafnamaðurinn Sverrir
Einar Eiríksson, eigandi Nýju vín-
búðarinnar, hyggst opna nýtt
„glamping“-svæði í Þrastalundi í
ágúst.
„Glamping“-útilega, sem má þýða
á íslensku sem „glæsi-legu“, á rætur
sínar að rekja til hefða meðal ensku
yfirstéttarinnar sem hafa fengið
nútímalegri búning í aldanna rás.
Um er að ræða lúxusgistingu í tjaldi
sem er stærra en hefðbundið útilegu-
tjald, og gjarnan eru aukin þægindi
og aðbúnaður í tjaldinu, sem færir
gistinguna upp á næsta stig.
„Ég er að undirbúa tjaldsvæði í
Þrastalundi og er á lokasprettinum
að koma því í gang. Svo keypti ég
tvo hóteltrukka, hrikalega f lotta,
sem ég er að standsetja og setja á
svæðið,“ segir hann. „Og svo er að
setja upp þessi glamping-tjöld. Fyrst
þrjú en ég stefni á þrjátíu.“
Að sögn Sverris koma tjöldin frá
pólsk-þýsku fyrirtæki og segir hann
hönnunina fallega og að tjöldin séu
níðsterk og þoli íslenska veturinn
vel.
Sverrir var í apríl dæmdur í tíu
mánaða skilorðsbundið fang-
elsi fyrir skattsvik í tengslum við
rekstur þriggja einkahlutafélaga og
var eitt þeirra félaga Sogið veitingar
ehf. Sverrir var dæmdur fyrir meiri
háttar skattalagabrot sem fram-
kvæmdastjóri og stjórnarmaður
félagsins, með því að hafa ekki
staðið skil á staðgreiðslu opinberra
gjalda og staðgreiðsluskilagreinum,
og nam upphæðin rúmlega níu
milljónum króna.
Spurður hvernig rekstrinum í
Þrastalundi sé háttað með hliðsjón
af dómsmálinu, svarar hann: „Rétt
er að árétta að dómur sem féll í maí
hefur ekkert að gera með núverandi
rekstur í Þrastaskógi. Mér þykir
afar leitt ef mál vegna rekstrar sem
ekki gekk upp af ýmsum orsökum
í erfiðu rekstrarumhverfi veitinga-
rekstrar fyrir nokkrum árum síðan
varpar skugga á uppbyggingu og
nýjan rekstur á svæðinu,“ segir
hann.
„Ég hef í nærri aldarfjórðung
stundað ýmiss konar viðskipti, þó
mest fasteignaviðskipti, hér á landi
og í Bretlandi. Þá hef ég komið að
kaupum á gulli og demöntum,
stundað lánastarfsemi, veitinga-
og gistihúsarekstur, rekið starfs-
mannaleigu og f leira. Flest hefur
gengið vel,“ segir Sverrir.
„Skattamál út af fyrri veitinga-
rekstri tengist ekki á nokkurn hátt
uppbyggingu á glamping í Þrasta-
lundi eða núverandi rekstraraðilum
þar.“ ■
Hóteltrukkum og glæsitjöldum slegið
upp fyrir lúxusútilegur í Þrastalundi
Fimmtudaginn 2. júní 2022 kl. 16:30
Hilton Reykjavík Nordica, Suðurlandsbraut 2, Reykjavík
Ársfundur
SL lífeyrissjóðs 2022
1. Fundur settur
2. Skýrsla stjórnar
3. Gerð grein fyrir ársreikningi
4. Tryggingafræðileg úttekt
5. Breytingar á samþykktum
6. Fjárfestingarstefna sjóðsins kynnt
7. Önnur mál
Allir sjóðfélagar, jafnt greiðendur sem lífeyrisþegar, eiga rétt til fundarsetu á ársfundinum.
Sjóðfélagar eru hvattir til að mæta á fundinn.
Reykjavík 25.04.2022
Stjórn SL lífeyrissjóðs
DAGSKRÁ
Traustur
lífeyrissjóður
Trygg framtíð
Þurfa konur aftur að
fara í það að eigin-
maður skrifi upp á að
þær fái kreditkort?
Birna Anna
Björnsdóttir,
rithöfundur
12 Fréttir 21. maí 2022 LAUGARDAGURFRÉTTABLAÐIÐ