Fréttablaðið - 21.05.2022, Blaðsíða 100

Kerfið leiðir þig
áfram skref fyrir
skref, á traustum stoðum
gæðastjórnunarferla, inn
í framtíð þar sem við
búum til betra samfélag
með tækninni.
Justly Pay er hugbúnaðar-
lausn frá Origo sem auð-
veldar og styttir leiðina
fyrir fyrirtæki að jafnlauna-
vottun. Lausnin inniheldur
grunn skjala sem mæta kröf-
unum og hægt er að laga að
daglegum rekstri fyrirtækja
og stofnana.
Kristín Hrefna Halldórsdóttir,
forstöðumaður gæða- og inn-
kaupalausna hjá Origo, segir að við
hönnun Justly Pay hafi hönnunar-
teymið haft það hugfast að gera
ferlið sem einfaldast, ódýrast og
þægilegast fyrir fyrirtæki. „Það
er okkur metnaðarmál að öll
fyrirtæki og stofnanir eiga að geta
áunnið sér jafnlaunavottun án
þess að þurfa að fjárfesta í ráðgjöf
utanaðkomandi sérfræðinga sem
getur verið kostnaðarsamt.
Þess vegna hönnuðum við Justly
Pay sem nokkurs konar upp-
setningarforrit sem í daglegu máli
er kallað wizard. Kerfið leiðir þig
áfram skref fyrir skref, á traustum
stoðum gæðastjórnunarferla, inn í
framtíð þar sem við búum til betra
samfélag með tækninni.“
Styttir leiðina að vottun
Kristín Hrefna segir Justly Pay geta
stytt innleiðingarferli jafnlauna-
kerfis og leiðina að jafnlauna-
vottun svo um munar. „Það sem
við sáum eftir að fyrstu fyrirtækin
tóku þau skref að fá jafnlauna-
vottun, er að það er tímafrekt og
erfitt að skrifa skjöl sem mæta
kröfum staðalsins en það er mun
einfaldara að aðlaga skjöl sem
þegar eru til að daglegum rekstri
þíns fyrirtækis. Gott dæmi er
Orkusalan sem fór í gegnum allt
ferlið og fékk vottun á aðeins 4
mánuðum. Það er árangur sem við
erum stolt af.“
Ný áskorun fyrir mannauðsstjóra
Að sögn Kristínar Hrefnu er
það alveg ný áskorun fyrir mörg
smærri og meðalstór fyrirtæki að
í lok árs þurfa öll fyrirtæki með
25–50 manns í starfi að fara í
jafnlaunastaðfestingu og öll með
50 eða fleiri í starfi að jafnaði yfir
árið að fara í jafnlaunavottun.
Oftar en ekki kemur það í hlut
mannauðsstjóra að leiða vottunar-
ferlið. Mannauðsstjórinn hefur
ekki endilega reynslu af slíkum
verkefnum sem eru nátengd gæða-
stjórnun og að vinna allt frá grunni
er bæði flókið og tímafrekt.
Sá trausti grunnur sem Justly
Pay byggir á er gæðastjórnunar-
kerfið CCQ. CCQ er leiðandi kerfi
byggt á áralangri reynslu og sér-
fræðiþekkingu – þekkingu sem
segir okkur að verkfærakista gæða-
stjórnunar geymir réttu tólin til
að uppræta launamun kynjanna.
Fagrar fyrirætlanir eru eitt, en til
að ná settum markmiðum þarf
raunhæfa framkvæmdaáætlun,
eftirfylgni og skipuleg viðbrögð
við frávikum. Þetta er einmitt
gæðastjórnun í hnotskurn.“
Réttlátara samfélag er
metnaðarmál
„Hjá Origo skiptir það okkur miklu
máli að vinna að góðum málum og
réttlátara samfélag verður ekki til
af sjálfu sér, heldur með ásetningi
og markvissri vinnu,“ segir Kristín
Hrefna. „Jafnlaunastaðallinn
ÍST85:2012 hefur reynst öflugt
verkfæri í baráttunni fyrir jafnrétti
kynjanna. En áður en vottunin er í
hendi þurfa fyrirtæki að uppfylla
ýmis skilyrði.“
Að sögn Kristínar Hrefnu er
Justly Pay heildstæð lausn sem
hjálpar fyrirtækjum og stofnunum
að byggja upp jafnlaunakerfi sem
mætir kröfum jafnlaunastaðalsins.
Þegar uppsetningarferli Justly Pay
er lokið fá fyrirtæki og stofn-
anir gæðaskjöl sem mæta kröfum
staðalsins, vefeyðublað til þess að
taka á móti og vinna úr erindum er
varða jafnlaunakerfið og úttektar-
áætlun sem er undirstaða þess að
fá og viðhalda vottuðu jafnlauna-
kerfi. n
Styttum leiðina að
jafnlaunavottun með
Justly Pay
Kristín Hrefna
Halldórsdóttir,
forstöðumaður
gæða- og inn-
kaupalausna hjá
Origo, segir rétt-
látara samfélag
ekki verða til af
sjálfu sér heldur
með ásetningi
og markvissri
vinnu. FRÉTTA-
BLAÐIÐ/VALLI
Þessi orð: gigg, giggari og
gigg-hagkerfið, hljóma
nýstárlega fyrir okkur
Íslendinga þegar þau eru
notuð í samhengi við spreng-
lærða sérfræðinga, ráðgjafa,
verkefnastjóra, stjórnendur
og stjórnarmenn.
Einhver okkar tengja orðið „gigg-
ari” frekar við skemmtikrafta og
tónlistarmenn. En heimsmyndin
er breytt, störf eru að breytast og
nú eru sérfræðingar líka að gigga.
Þegar sérfræðinga-giggari er ráðinn
til starfa, kaupa fyrirtæki tiltekna
þekkingu sem passar fyrir tiltekið
verkefni í tiltekinn tíma og fá lausn
á því verkefni.
Á heimsvísu eru orðin gigg og
gigg-hagkerfið (e.gig-work og
gig-economy) orðin alþekkt og
viðurkennd. Ekki síst í umræðunni
um þróun og framtíð starfa, fram-
tíðarmönnun á vinnumarkaði og
stafræna hæfni. Sérfræðingar sem
gigga eru partur af hringrásar-
hagkerfinu og breyttum kröfum
einstaklinga til aukins sveigjan-
leika og umráða þeirra yfir eigin
tíma og starfi. Hér heima eru
fyrirtæki og stofnanir í auknum
mæli að nýta sér þjónustu gigg-
ara. Þetta má meðal annars sjá á
útboðsvefjum opinberra stofnana
þar sem fjöldi giggara er fenginn
í tímabundin verkefni, til dæmis
í tengslum við ráðgjöf, stafræna
þróun, almannatengsl, hönnun og
fleira. Hér á Íslandi er eitt fyrirtæki
komið á laggirnar, Hoobla ehf., sem
aðstoðar fyrirtæki við að fá giggara
til starfa, að byggja upp teymi
með stuðningi giggara til að leysa
ákveðin verkefni, auka getu innan
teyma eða til að takast á við erfiða
tíma þar sem ekki hentar að ráða
inn í föst störf.
Það fylgja því ýmsir kostir fyrir
fyrirtæki og stofnanir að ráða til
sín giggara.
Þau geta hætt að kaupa þjónustu
giggara jafn hratt og viðskiptin
hófust og geta þannig skalað sig
upp og niður innan nokkurra
vikna (ekki mánaða eða ára!),Þau
geta með stuttum fyrirvara létt
á mönnunarvanda sínum.Lítil
og millistór fyrirtæki og fyrir-
tæki í vexti geta skapað drauma-
teymið mun hraðar með aðstoð
giggara. Það kostar mikinn tíma
og peninga að byggja upp gott
teymi og skapa vöru sem selst.
Ef giggari er fenginn í verkefnið
til að styðja við teymið eða til að
koma með aukna þekkingu/getu/
hæfni sem vantar í teymið, þá
gerir það að verkum að árangur
næst mun hraðar en án þeirra.
Giggararnir skilja eftir þekkingu
þannig að fyrirtækin geta svo
haldið áfram með verkefnið eða
fengið giggarann til að kíkja við
reglubundið til að fylgja málum
eftir. Þannig geta fyrirtæki keypt
þjónustu viðeigandi sérfræðings, í
viðeigandi starfshlutfalli, án þess
að hann sé í föstu starfi og sleppa
við aukakostnað sem getur fylgt
föstum starfsmanni, bæði beinum
og óbeinum.
Það að fyrirtæki og stofnanir
geti fengið giggara til liðs við sig
sem gætir hagsmuna fyrirtækis-
ins, rétt eins og um hefðbundinn
starfsmann sé að ræða, er mikill
ávinningur. Það má jafnvel segja
að það sé sambærilegt þeim
ávinningi sem fæst með því að fá
utanaðkomandi stjórnarmann inn
í stjórn fyrirtækis. Sérfræðingur
sem hefur rétta hæfni/þekkingu
og kemur með rétta tengslanetið
getur f lýtt framþróun fyrirtækis
svo um munar. n
Giggarar eru svar við mönnunarvanda
Harpa
Magnúsdóttir
er giggari og
stofnandi og
framkvæmda-
stjóri Hoobla.
Ef giggari
er fenginn í
verkefni til að
styðja við teymi
eða koma með
aukna þekkingu,
getu eða hæfni
sem vantar í
teymið, næst
árangur mun
hraðar en án
þeirra. FRÉTTA-
BLAÐIÐ/GETTY
36 kynningarblað 21. maí 2022 LAUGARDAGURMannauðSMál