Bændablaðið - 25.05.2022, Blaðsíða 1

10. tölublað 2022 ▯ Miðvikudagur 25. maí ▯ Blað nr. 611 ▯ 28. árg. ▯ Upplag 32.000 ▯ Vefur: bbl.is
Guðjón Birgisson, garðyrkjubóndi á garðyrkjustöðinni Melum á Flúðum í Hrunamannahreppi, hefur undanfarin ár verið langstærsti einstaki ræktandi blómkáls á landinu. Hann, ásamt Sigríði
Helgu Karlsdóttur, ræktuðu 50 af þeim 98 tonnum sem framleidd voru hér á landi í fyrra, en auk þess eru tómatar, gúrkur, paprikur, krydd og kál af öllu tagi framleitt á Melum. Nú hyggjast hjónin
draga þó nokkuð í land því eftir 52 ár að störfum telja þau tímabært að taka sér lengra frí en sem nemur langri helgi. – Sjá nánar á bls. 32–33. Mynd / Guðrún Hulda Pálsdóttir
Verð fyrir jarðir hefur hækkað
undanfarin ár og jarðir í fullum
rekstri seljast fyrir hátt verð.
Færst hefur í aukana að fyrirtæki
kaupi jarðir til skógræktar og til
að kolefnisjafna starfsemi sína.
Aukning er í fyrirspurnum um
jarðir sem henta til skógræktar og
flestir landshlutar sem koma þá
til greina.
„Mér virðist sem ýmis fyrirtæki
hafi áhuga á að fara í skógrækt, og
einstaklingar líka, til að kolefnisjafna
starfsemi sína,“ segir Magnús
Leópoldsson, bóndi og fasteignasali.
Hann segir þó að viðskipti með
jarðir það sem af er ársins sé svipuð
og undanfarin ár.
„Það koma alltaf inn jarðir í sölu
með hækkandi sól en eignaskipti
á jörðum hafa yfirleitt langan
aðdraganda, ár eða meira.
Sala á jörðum hefur gengið
ágætlega núna og fylgir ákveðnum
dampi og ekkert meiri læti í kringum
það núna fremur en hingað til og
svipaður fjöldi sem skiptir um
eigendur árlega og hefur lengi
verið, í kringum hundrað jarðir, og
hluti þeirra eignaskipta er innan
fjölskyldna vegna kynslóðaskipta.“
Auk þess sem Magnús segir að
markaður fyrir garðyrkjubýli sé alltaf
til staðar.
Fjögur kúabú í rekstri í
Landeyjum sett á sölu
„Sala á jörðum er tiltölulega jöfn um
allt land og óvanalegt að fjórar jarðir
í nágrenni við hver aðra fari í sölu en
slíkt gerðist í vor þegar fjögur kúabú
í fullum rekstri í Landeyjum voru sett
í sölu. Aðdragandinn að því hefur
verið langur og væntanlega búið að
selja tvær jarðanna.“
Magnús segir að yfirleitt gangi
þokkalega að fjármagna jarðir í
rekstri en að ólíkt markaði með
íbúðir á höfuðborgarsvæðinu
séu yfirleitt ekki margir að bítast
um eignina.
„Yfirleitt koma margar fyrir­
spurnir en þegar að kaupunum
kemur og á reynir eru yfirleitt ekki
nema einn til þrír eftir.“
Huga þarf að mörgum þáttum
Eins og gefur að skilja þurfa
væntanlegir kaupendur að kynna
sér aðstæður vel áður en þeir kaupa
jörð í rekstri og margir þættir sem
þarf að huga að. – „Fjárfestingin er
slík og fólk tekur ekki við kúabúi eða
jörð í annars konar rekstri án þess að
vita hvað það er að gera.“
Verð að hækka
Aðspurður segir Magnús að hann
hafi tengst kaupum og sölu á jörðum
í þrjá áratugi og að sínu mati hafi
jarðir verið að hækka í verði og að
seljendur séu að fá meira fyrir þær
en fyrir nokkrum árum.
„Verðið fer algerlega eftir
því hvar jörðin er á landinu og
landgæðum. Land á láglendi er
töluvert dýrara en land á hálendi.
Smekkur kaupenda skiptir einnig
máli og hvað þeir hafi í huga að gera
með landið.
Heilt yfir má samt segja að
jarðir á Suður­ og Vesturlandi og
við Eyjafjörð séu að seljast dýrar
en jarðir annars staðar á landinu.
Hitt er svo annað að það er
víða hægt að kaupa góða jörð
og margt sem spilar þar inni í,
eins og samgöngur og þjónusta,
heilbrigðisþjónusta og skólar.
Allt þetta skiptir máli og
sérstaklega fyrir ungt fólk sem vill
fara út í búskap.“
Magnús segir að það sé svo alltaf
til fólk sem kaupir sér jörð sem
fjárfestingu eða einfaldlega til að
eiga hana og nota í frístundum. /VH
– Sjá nánar á bls. 2
Fyrirtæki sýna aukinn áhuga á að
kaupa jarðir og fara í skógrækt til að
kolefnisjafna starfsemi sína.
Magnús Leópoldsson, bóndi og
fasteignasali, segir að viðskipti
með jarðir það sem af er ársins séu
svipuð og undanfarin ár.
Aukin ásælni fyrirtækja í jarðir til
skógræktar og kolefnisjöfnunar
– Verð fer hækkandi og jarðir á Suður-, Vesturlandi og við Eyjafjörð á hærra verði en annars staðar á landinu
Eykur afrakstur á hvern hektara
með markvissri beitarstýringu
4
28–29
Kynslóðaskipti gerð
auðveldari með allt að
90% veðsetningu
Í jarðarberja-
og jarðvegsrækt
30