Bændablaðið - 25.05.2022, Blaðsíða 56

Bændablaðið | Miðvikudagur 25. maí 202256
MATARKRÓKURINN
LÍF&LYST – BÆRINN OKKAR
Stefán og Silja tóku formlega
við búrekstrinum að Gerðum í
fyrra af foreldrum Stefáns, þeim
Geir Ágústssyni og Margréti
Stefánsdóttur, en undangengin
ár hafa fjölskyldurnar staðið
sameiginlega að búskapnum.
Býli: Gerðar.
Staðsett í sveit: Flóahreppi í Árnes­
sýslu, áður Gaulverja bæjarhreppi.
Ábúendur: Stefán Geirsson og Silja
Rún Kjartansdóttir.
Fjölskyldustærð (og gæludýra):
Við hjónin ásamt fimm dætrum;
Melkorku Álfdísi, 15 ára, Margréti
Lóu, 12 ára, Kristjönu Ársól, 11 ára,
Ásgerði Sögu, 9 ára og Elsu Björk
á fyrsta ári. Tveir kettir eru hér til
heimilis, Táta og Lykill.
Stærð jarðar? Gerðar ásamt Syðra­
Velli 2 og Galtastöðum eru um 400
hektarar.
Gerð bús? Kúabú með nautaeldi.
Fjöldi búfjár og tegundir? 80
kýr, þar af 7 holdakýr, 85 kvígur í
uppvexti og 101 naut. 20 sauðfjár,
8 hross og nokkrar hænur.
Hvernig gengur hefðbundinn
vinnudagur fyrir sig á bænum?
Dagurinn hefst á fjósverkum og
öðrum gegningum. Síðan er unnið
að öðrum búverkum sem eftir lifir
dags með tilliti til veðurs og árs­
tíðar.
Skemmtilegustu/leiðinlegustu
bústörfin? Okkur þykja allflest
verk skemmtileg en sum störf eru
þó meira ergjandi en önnur, eins og
til dæmis að berjast við ágang álfta
í ræktarlönd sem er okkur ofarlega
í huga þessa dagana.
Hvernig sjáið þið búskapinn
fyrir ykkur á jörðinni eftir fimm
ár? Við sjáum í fljótu bragði ekki
fyrir okkur miklar breytingar en
vonandi höfum við tök á að efla
reksturinn á flesta lund.
Hvar teljið þið að helstu tæki-
færin séu í framleiðslu íslenskra
búvara? Eins og staðan er í dag
teljum við að mikil tækifæri séu til
staðar á nær öllum sviðum íslenskr­
ar búvöruframleiðslu ef vel er staðið
að málum.
Hvað er alltaf til í ísskápnum?
Ostur, smjör, skyr og pítusósa.
Hver er vinsælasti maturinn á
heimilinu? Grillaðir hamborgarar
eru alltaf jafn vinsælir.
Eftirminnilegasta atvikið við
bústörfin? Í seinni tíð er það
sennilega gangsetning mjaltaþjóns
í fjósinu nýverið.
Ristað rósakál og aspassalat
Ofnbakað rósakál og aspas,
auðvelt og bragðmikið grænmetis
meðlæti eða léttur réttur með
salati.
Tilbúið á innan við 40 mínútum
með aðeins fimm hráefnum!
Ristað rósakál og aspas
› 1 pakki eða net rósakál
› 1 búnt grænn aspas
› 2 hvítlauksgeirar, skornir í þunnar
sneiðar
› 2 matskeiðar ólífuolía
› 1 klípa salt og pipar
Hitið ofninn í 200 gráður.
Undirbúið grænmeti: skolið rósakál
og aspas. Skerið stilkana af rósakáli
og skerið í tvennt eða fernt. Skerið
endana af aspas, skerið þá í bita eða
framreiðið heila.
Steikt grænmeti: Raðið rósakálinu
og aspasinum á ofnplötu og dreypið
ólífuolíu yfir, blandið grænmetinu
þannig að það sé alveg þakið olíu
og stráið sneiðum af hvítlauk, salti
og pipar yfir. Setjið plötuna í ofninn
og steikið í 15 mínútur, hrærið þegar
tíminn er hálfnaður til að þetta steikist
á öllum hliðum.
Berið fram grænmetið. Takið plötuna
úr ofninum, raðið grænmeti á disk
og berið fram sem meðlæti eða látið
kólna og notið sem salat. Gott er að
rífa ost yfir, til dæmis Reyki eða
Feyki, sem eru ostar sem eru svipaðir
í áferð og parmesanostur.
Stökkt aspassalat
Ferskum aspas er blandað saman
við ólífuolíu, sítrónusafa og
parmesanosti í þessu ljúffenga, holla
salati sem er fullkomið fyrir vorið.
› 1 lítill skalottlaukur, saxaður
› 3-4 matskeiðar sítrónusafi
› salt og pipar, eftir smekk
› 2 stilkar þykk aspasspjót (betra að
skera með grænmetisflysjara)
› 4-5 matskeiðar ólífuolía
› 1/3 bolli rifinn parmesanostur
› 1/4 bolli söxuð fersk steinselja
Í skál, skalottlauk og sítrónusafa
blandað saman. Kryddið með salti
og pipar. Setjið til hliðar.
Skerið hörðu endana af aspasinum.
Skerið aspasinn í langar, þunnar
ræmur með því að nota grænmetis
flysjara.
Bætið ólífuolíunni við skalottt­
laukinn og sítrónusafann, þeytið vel
saman. Bætið aspasnum saman við
og blandið saman.
Toppið með rifnum parmesan og
ferskri steinselju og berið fram strax.
Panna cotta crème
Einn einfaldasti eftirrétturinn er
panna cotta, eða bragðbættur rjómi
með ögn af matarlími, framreitt með
vorboðum eins og rabarbara sem
er farinn að láta sjá sig í görðum
landsmanna.
› 3 stk. matarlím
› 220 ml mjólk
› 400 ml rjómi
› 100 g sykur
› börkur af ½ sítrónu
› 1 kanill
› 1 vanilla
Allt sett í pott, hitað en ekki soðið,
bætt við matarlími sem búið er að
vera í köldu vatni, kælt niður og sett
í glös og framreitt með rabarbara eða
öðrum ávöxtum eða berjum.
Rabarbari soðinn í sírópi
› 100 ml vatn
› 200 g sykur
› 1 stjörnuanís
› 50 ml perno eða annar líkjör
Gott er að léttsjóða rabarbara í ögn
af sykursírópi til að jafna sýru og
sætu – og nota sem meðlæti.
Bætt ofna á panna cotta eða
framreitt með ís
Ananaskaka á hvolfi
› 1 ferskur ananas
› 4 msk. ósaltað smjör
› 1 msk. vatn
› 150 g ljós púðursykur
› 250 g hveiti
› 2 ½ tsk. lyftiduft
› 230 g ósaltað smjör, stofuhiti
› 400 g sykur
› 2 stór egg
› 120 ml súrmjólk
› 2 tsk. hreint vanilluþykkni
› 200 g jógúrt ís eða gelato, hægt að
kaupa í búð, eða næstu ísbúð
Hitið ofninn í 180 gráður. Skrælið
ananasinn og fjarlægið kjarnann.
Skerið í 21/2 cm þykka bita.
Bræðið smjörið ásamt vatninu
í litlum potti og bætið ljósum
púðursykri út í. Hrærið vel með
sleif við meðalhita þar til sykurinn
er alveg uppleystur til að mynda
fallega slétta karamellu, um það
bil 3 til 4 mínútur. Hellið í kringlótt
ál­muffinsform sem fást í ýmsum
búðum eða gerið eina stóra í
kökuformi að eigin vali.
Bætið ananas í karamelluna, 1 í
miðjuna og þrýstið niður svo þeir
fari á kaf í karamelluna.
Gerið deigið:
Sigtið hveiti og lyftiduft saman.
Í hrærivél, blandið saman kremi,
smjöri og strásykri þar til það er
ljóst og loftkennt, um 4 mínútur.
Með hrærivélina á lágu, bætið
eggjunum við einu í einu. Bætið
helmingnum af súrmjólkinni og
vanillu út í og síðan helmingnum
af hveitinu. Bætið restinni af
súrmjólkinni út í og síðan hveitinu
sem eftir er.
Hellið deiginu í kökuformið yfir
karamellu og ananas. Dreifið jafnt
yfir með gúmmíspaða.
Setjið kökuformið á bökunarplötu
og bakið í ofni í um eina
klukkustund. Kakan á að vera
falleg og gullin ofan á og blásin
aðeins upp.
Látið kólna aðeins í um það bil
eina mínútu áður en hvolft er á
kökudisk. Dustið mjög létt með
flórsykri og berið hverja sneið fram
með skeið af frosinni jógúrt.
Bjarni Gunnar Kristinsson
matreiðslumeistari
bjarnigk@gmail.com
Panna cotta og ananaskaka
Gerðar