Bændablaðið - 09.06.2022, Blaðsíða 4

4 Bændablaðið | Fimmtudagur 9. júní 2022
FRÉTTIR
Nýir starfskraftar
hjá Bændablaðinu
Í næstu tölublöðum munu
lesendur Bændablaðsins verða
varir við nýja starfskrafta.
Ástvaldur Lárusson hefur
verið ráðinn í starf blaðamanns.
Ástvaldur er búfræðingur og
stjórnmálafræðingur að mennt.
Hann var kosningastjóri Vinstri
grænna í Suðvesturkjördæmi sl.
haust og hefur einnig starfað sem
lögreglumaður og ísbílsstjóri.
Að undanförnu hefur hann
sinnt sölu og faglegri ráðgjöf á
sviði fóðrunar hjá Líflandi og er
sérstakur áhugamaður um tæki og
tækni í landbúnaði.
Þá hefur Hulda Finnsdóttir
verið ráðin til starfa við vefumsjón
og efnisöflun í sumar. Hulda er
viðskipta- og tölvunarfræðingur
með meistarapróf í upplýsinga
-stjórnun. Hún hefur m.a. starfað
hjá hesta tímaritinu Eiðfaxa, bæði
sem blaðamaður og ritstjóri,
en er einnig hrossaræktandi og
rekur ásamt fjölskyldu sinni
hrossaræktarbúið Vesturkot.
Nýir efnisþættir hefja göngu
sína í blaðinu. Á bls. 18 munum
við birta með reglulegum hætti
upplýsingar um helstu hagtölur
sem tengjast landbúnaði lesendum
til glöggvunar.
Ljósmyndarinn og fugla-
áhugamaðurinn Óskar Andri
Víðisson mun fegra blaðið með
fallegum myndum og skemmti-
legum fróðleik um fugla
Þá ætlar Skógræktin að
fræða okkur um tré landsins í nýjum
dálki. Matarkrókurinn verður
leiddur áfram af þremur mætum
mönnum. Mataráhugamaðurinn
og ljósmyndarinn Hari, Haraldur
Jónasson, ásamt feðgunum og
verðlaunakokkunum Hafliða
Halldórssyni og Halldóri Hafliða-
syni munu hvetja lesendur til
dáða við fyrsta flokks matreiðslu
á íslenskum hráefnum.
Hin vinsæli efnisþáttur Nytjar
hafsins mun einnig fá til sín aukinn
mannafla en í sumar ætla Arthur
Bogason og Brynjólfur Sigurgeir
Kristgeirsson að munda pennann á
því sviði, en þeir hafa áður skrifað
nokkra pistla á þessum vettvangi.
Um leið og þau eru boðin
velkomin til starfa er þeim Hirti
L. Jónssyni og Bjarna Gunnari
Kristinssyni þakkað fyrir ómetan-
legt framlag sitt til blaðsins á
undanförnum árum. Hjörtur hefur
sett svip sinn á blaðið í Vélabásnum
og með fróðlegum greinum um
öryggismál og Bjarni Gunnar
hefur deilt gómsætum uppskriftum
í Matarbásnum. /ghp
Ástvaldur Lárusson.
Óskar Andri Víðisson.
Feðgarnir Hafliði og Halldór.
Hulda Finnsdóttir.
Rekstrarvandi íslenskrar nautgriparæktar:
Nautakjöts framleiðendur í
mjög erfiðri rekstrarstöðu
Verulega kreppir að innlendri
nauta kjöts framleiðslu, sem virðist
sú íslenska búgrein sem býr við
einna verstu rekstrar skilyrðin þessi
misserin. Þrír rekstrarþættir hafa
þar afgerandi áhrif; lágt afurðaverð,
hár breytilegur kostnaður og
slæm samkeppnisstaða gagnvart
innfluttu kjöti.
Herdís Magna Gunnarsdóttir,
bóndi á Egilsstöðum á Fljótsdalshéraði
og formaður deildar nautgripabænda
innan Bændasamtaka Íslands,
samsinnir því að hljóðið sé mjög dauft
í bændum í nautakjötsframleiðslu.
„Greinin er enda í feikna erfiðri
stöðu. Einhverjir hafa dregið úr
framleiðslunni meðan önnur bú
hafa einfaldlega ákveðið að hætta
framleiðslu nautakjöts.“
Kúabændum fækkar líka
Rekstrarhorfur í mjólkur fram-
leiðslunni hafa einnig versnað, eins og
fram kom í úttekt Ráðgjafarmiðstöðvar
landbúnaðarins um stöðuna í greininni
í febrúar síðastliðnum.
Einhver fækkun hefur orðið meðal
kúabænda á undanförnum árum
en þar hefur orðið samþjöppun á
mjólkurkvóta og bú stækkað. Í þeirri
grein á verðlagsnefnd búvöru að
tryggja það að afurðaverð til bænda
fylgi eftir almennu verðlagi og notar
til þess tiltekinn verðlagsgrundvöll,
sem Herdís hefur haft efasemdir um
að þjóni tilgangi sínum nægilega
vel í dag.
Herdís segir þó að samkvæmt
upplýsingum frá Auðhumlu hafi þó
ekki fækkað mikið að undanförnu í
hópi kúabænda.
Verðhækkanir á kjarnfóðri vega
þyngra fyrir kúabændur
Miklar verðhækkanir hafa orðið á
undanförnum mánuðum á fóður-
hráefnum á erlendum mörkuðum,
sem hefur leitt til þess að tiltekin
hráefni hafa hækkað um nærri
50 prósent frá síðasta hausti.
Í byrjun árs þurftu bændur að
takast á við allt að 120 prósenta
áburðaverðshækkanir.
Herdís segir að í samantekt, sem
deild kúabænda hefur unnið um
áhrif verðhækkana á aðföngum á
nautgripabændur, komi skýrt fram
að áhrif kjarnfóðurhækkana vegi
þyngra í mjólkurframleiðslunni en
á móti vegi áburðarhækkanir meira
í kjötframleiðslunni.
Fóðurkostnaður vegna innflutts
fóðurs sé að meðaltali 37 prósent
af breytilegum kostnaði mjólkur-
framleiðenda en að meðaltali 29
prósent á nautakjötsbúum.
Áburðarkostnaður sé að meðaltali
22 prósent af breytilegum kostnaði
hjá nautakjötsframleiðendum en 14
prósent hjá mjólkurframleiðendum.
„Gríðarlegar aðfangahækkanir
síðustu misseri reynast auðvitað
öllum landbúnaðinum gríðarleg
áskorun, sem greinarnar eru svo
misvel í stakk búnar til að takast
á við.
Staðan er ekki eins slæm í
mjólkurframleiðslunni og nauta-
kjötsframleiðslu en uggur er í
kúabændum yfir stöðu mála,“ segir
Herdís. /smh
Íslensk nautgriparækt glímir við mikinn rekstrarvanda. Mynd / smh
Herdís Magna Gunnarsdóttir,
bóndi á Egils stöðum og formaður
deildar nautgripabænda innan
Bændasamtaka Íslands. Mynd / Aðsend
Bolungarvík:
Mjólkurvörur frá Örnu til Bandaríkjanna
Nýlega skrifuðu forsvarsmenn
Örnu í Bolungarvík og forsvars-
menn Reykjavík Creamery
mjólkurvinnslu í Pennsylvaníu
undir viljayfirlýsingu um
samstarf á milli fyrirtækjanna um
framleiðslu og sölu á mjólkurvörum
Örnu í Bandaríkjunum.
„Ég og við hjá fyrirtækinu
erum mjög ánægð og stolt með
þennan samning, það er frábært að
komast inn á Bandaríkjamarkað
með vörunar okkar,“ segir Hálfdán
Óskarsson, framkvæmdastjóri Örnu
í Bolungarvík.
Samningurinn felur í sér
framleiðslu og sölu á laktósafríu
mjólkurvörum Örnu, sem þekktar
eru og seldar hér á landi. En auk þess
er ætlunin að framleiða próteinríka
hafrajógúrt, sem Arna ætlar sér að
setja á markað á Íslandi í sumar.
Gert er ráð fyrir að flytja út vörur
frá Íslandi í fyrstu, en síðar mun
Reykjavík Creamery framleiða
vörurnar í nýrri verksmiðju sinni
í Pennsylvaníu.
„Það er blússandi gangur í
fyrirtækinu, vörunar okkar seljast
mjög vel á Íslandi og markaðurinn
hefur tekið okkur opnum örmum.
Við erum 44 í fyrirtækinu í dag og
það er allt sem bendir til að þess að
okkur eigi eftir að fjölga og fjölga,“
segir Hálfdán.
Próteinvatn í bauk
Það er ekki nóg með það að Hálfdán
og hans fólk í Bolungarvík, sé
að hefja útflutning á vörum
fyrirtækisins til Bandaríkjanna
því fyrirtækið var líka að setja
splunkunýja vöru á markað. Það
er próteinvatn í áldósum, vatnið er
uppleyst í mysupróteini en í hverjum
bauk eru 14 grömm.
Hálfdán segir vöruna alveg
upplagða fyrir þá sem þurfa að bæta
á próteintankinn og svala þorsta.
/MHH
Hálfdán með nýja vöru Örnu,
próteinvatn í áldósum. Mynd /MHH