Bændablaðið - 09.06.2022, Blaðsíða 40

40 Bændablaðið | Fimmtudagur 9. júní 2022
KOMPÁS er óháður samstarfs-
vettvangur vinnuveitenda og
launþega, þar sem stórir vinnu-
staðir vinna með þeim litlu.
Byggist hugmyndafræðin á því
að þekking sé því verðmætari sem
hún er aðgengilegri og miðlun
fagefnis á skilvirkan hátt skapi
margþættan ávinning.
Björgvin Filippusson er stofnandi
KOMPÁS Þekkingarsamfélagsins
og framkvæmdastjóri. Hann segir
að hugmyndin á bak við þetta sé að
með víðtæku samstarfi og miðlun
þekkingar milli ólíkra greina losni
menn við að þurfa stöðugt að vera
að finna upp hjólið aftur og aftur.
Þannig náist líka aukin skilvirkni
og tímasparnaður.
Áhersla á mannauðinn
„Þekkingarsamfélagið verður til
með áherslu á mannauðinn sem
okkar mestu verðmæti og birtist
sem KOMPÁS Mannauður.
Þrátt fyrir að strax í upphafi
hafi verið horft víðtækt til þess
málaflokks var kallað eftir því
að útfæra verkfærakistuna fyrir
fjölda annarra viðfangsefna og
atvinnugreina.
Hefur margt verið nefnt í því
sambandi og hefur aukist ákallið
um að KOMPÁS Landbúnaður
fái aukið vægi. Þó svo að sá
samstarfsvettvangur sé ekki
formlega kominn í loftið, þá er
þegar í verkfærakistu KOMPÁS
mikið efni sem nýtist þeirri
atvinnugrein og fjöldi hagaðila
landbúnaðar eru þegar þátttakendur
í Þekkingarsamfélaginu.“
Verkfærakista atvinnulífs
og skóla
KOMPÁS Þekkingarsamfélagið
er að sögn Björgvins eins konar
verkfærakista atvinnulífs og
skóla, þar sem komið er samstarf
meðal fjölda fyrirtækja, stofnana,
sveitarfélaga, háskóla, fræðsluaðila,
stéttarfélaga og fleiri um miðlun
og gerð hagnýtrar þekkingar sbr.
verkferla, eyðublaða, gátlista,
vinnulýsinga, leiðbeininga,
reiknivéla, myndbanda og tengdrar
fræðslu og þekkingar.
„Þessi vettvangur er hugsaður
þannig að vottaðir vinnustaðir
vinni með nýsköpunarfyrirtækjum
og opinberir aðilar vinni með
einkageiranum.
Þá vinni fræðasamfélagið
með reynsluboltunum og
íþróttahreyfingin með atvinnu-
lífinu. Einnig er KOMPÁS að vinna
samkvæmt samstarfssamningum
við nokkra aðila t.d. háskóla.
Samkvæmt þeim samstarfs-
samningum hefur verið gert
kennsluefni með kennurum og
nemendum, nemendur hafa nýtt
verkfærakistuna í sínu námi, hún
nýtt til kennslu og vera brú milli
atvinnulífs og skóla, sem og fræða
og hagnýtrar þekkingar.“
KOMPÁS Landbúnaður
Innan landbúnaðar eru stórar sem
smáar rekstrareiningar og fjöldi
búgreina, einnig eru hagaðilar
öflugs landbúnaðar mjög margir.
Segir Björgvin að aukið samstarf
og aðgengi hagnýtrar þekkingar sé
þarna mikið og samnýtist öðrum
atvinnugreinum. Fyrir páska
átti hann góðan fund með stjórn
Samtaka ungra bænda. Hann telur
að hugmyndafræði Kompáss geti
einmitt komið að góðum notum í
landbúnaði.
„Hefðbundinn bóndi er með
rekstur, er að ráða fólk eða
verktaka til vinnu, þarf að hlúa að
öryggismálum, heilsuvernd, sinni
sí- og endurmenntun o.s.frv. en býr
jafnframt yfir mikilli reynslu sem
getur nýst öðrum. Innan landbúnaðar
eru líka stórar rekstrareiningar með
fjölda fólks í vinnu, þar sem gerðar
eru ýmsar kröfur og væntingar til
faglegrar stjórnunar og árangurs.
Á vegferð KOMPÁS hefur
reglulega komið fram ákall um aukna
áherslu Þekkingarsamfélagsins á
þá atvinnugrein. Einnig samnýtist
sú þekking og vinna inn í önnur
viðfangsefni Þekkingarsamfélagsins
sbr. KOMPÁS Mannvirki
eða KOMPÁS Nýsköpun,“ segir
Björgvin. /HKr.
LÍF&STARF
„Kjarnaklass er eitt af þeim
verkefnum sem við vinnum að í
Kjarnaskógi, grunnurinn klár og
eitt tæki komið niður, við fáum svo
fleiri eftir efnahag,“ segir Ingólfur
Jóhannsson, framkvæmdastjóri
Skógræktarfélags Eyfirðinga.
Hann bætir við að Kjarna-
skógur, með öllum sínum lýðheilsu-
mannvirkjum, sé ein stærsta líkams-
ræktarstöð landsins.
Upphífingartæki og bekkpressa
í bland við tré
Fyrsta líkamsræktartækið er komið
upp á Kjarnaklass vellinum sem
er að rísa rétt við snyrtingarnar í
Kjarnakoti. Um er að ræða öflugt
upphífingartæki, en Ingólfur segir að
til standa að bæta við allt að 10 minni
tækjum til vibótar, sem og bekkjum
og aðstöðu fyrir hópa að safnast
saman, t.d. fyrir ferð um skóginn
eða til að teygja á eftir túrinn.
„Við vonumst til að Kjarnaklass
virki bæði sem sjálfstæð eining
og einnig sem ein stöð af mörgum
í skóginum þannig að fólk geti
gengið, hjólað, faðmað tré, skellt
sér í bekkpressu, teygt og slakað í
einni og sömu heilsubótargöngunni,“
segir Ingólfur. Fjölmörg verkefni
eru fram undan í sumar líkt og
vanalega. Ingólfur nefnir að um
þessar mundir sé vinna að hefjast
við endurbyggingu á Kjarnavelli,
en völlurinn er eitt af þremur
leiksvæðum Kjarnaskógar.
„Við setjum þar upp sérstakt
svæði sem hentar ungum börnum og
leggjum einnig upp með að svæðið
nýtist á veturna með tengingu við
sleðabrekku. Á þessu svæði munu
tröllið og geiturnar þrjá búa,“ segir
hann. Átak verður gert í viðhaldi
stíga, grisjun skógarreita og þá
sérstaklega meðfram stígum til
að rýma fyrir nýjum snjótroðara
sem tekinn verður í gagnið næsta
vetur. Reist verður skýli yfir sög og
snjótroðara í sumar.
Afmælisár í Miðhálsskógi
Skógræktarfélagið hefur einnig
umsjón með fjölda reita í Eyjafirði,
Vaðlareit, Laugalandsskógi,
Leynishólum og Hánefsstaðareit
og verður unnið við alla þessa reiti
á komandi sumri.
Miðhálsskógur í Hörgársveit
á afmæli í ár og verður haldið
upp á það, en Ingólfur segir að
skógargöngur og ýmsir aðrir
viðburðir verði í boði í sumar. /MÞÞ
Björgvin Filippusson stofnaði KOMPÁS Þekkingarsamfélag sem hann lýsir
sem eins konar verkfærakistu atvinnulífs og skóla. Mynd / Aðsend
KOMPÁS Þekkingarsamfélag:
Vinnur að samnýtingu þekkingar og
reynslu á milli ólíkra atvinnugreina
Ein stærsta líkamsræktarstöð landsins:
Kjarnaklass í Kjarnaskógi
Miðað við æskufjörið sem hljóp í tvo gamalreynda garðyrkjumenn, þá
Kristján Þorvaldsson, Stjána í Garðverki og Begga, Bergsvein Þórsson, hjá
Skógræktarfélaginu, sem unnu að hönnun og uppsetningu og vígðu svæðið,
má ætla að gleði muni ríkja í Kjarnaklass til framtíðar.
Mynd / Facebooksíða Skógræktarfélags Eyfirðinga
YLEININGAR ERU LÉTTAR STÁL-
KLÆDDAR SAMLOKUEININGAR
SEM FÁST MEÐ ÞÉTTIFRAUÐS-
EÐA STEINULLARKJARNA.
Einingarnar eru sterkar og burðarmiklar og
fást með mismunandi yfirborði og litum að
eigin vali. Helstu kostir þess að nota samloku-
einingar er auðveld og fljót uppsetning, auðveld
þrif, mikil burðargeta, mikið einangrunargildi og er
ódýr kostur ef miðað er við hefðbundnar lausnir.
Yleiningar henta vel fyrir eldri gripahús þar sem
skipta þarf út þak- og eða veggjaklæðningum.
BALEX yleiningar eru framleiddar undir
ströngu eftirliti samkvæmt viðurkenndum
evrópskum stöðlum.
Hafðu samband: bondi@byko.is
YLEININGAR
bondi@byko.is
Samstarfssamningur Marel og Lax-Inn:
Frá hrogni til fisks á disks
Auka á fræðslu og þekkingu og
styðja við að gera tækifærin sem
byggja á tækniþróun og nýsköpun
í vinnslu eldisafurða sýnilegri með
samstarfi Marels og Lax-Inn,
nýsköpunar- og fræðslumiðstöðvar
lagareldis, sem nýlega var staðfest
með undirritun samnings.
Með samstarfinu á að kynna
heildarferla aðfangakeðjunnar,
frá hrogni til fisks á disks, að því
er fram kemur í fréttatilkynningu
frá Lax-Inn.
„Mikil aukning hefur orðið á
síðustu árum í laxfiskaeldi á Íslandi
sem síðustu ár hefur verið leidd
af hröðum vexti laxeldis í sjó
og sú þróun hvergi í heiminum
verið hlutfallslega jafn mikil og
hér á landi.
Ísland er þegar leiðandi á
heimsvísu í eldi á bleikju sem
og landeldi á Atlantshafslaxi og
landeldisfyrirtækin hér á landi gera
ráð fyrir að ná svipuðum vexti og
sjóeldið og vera komin í um 100
þúsund tonn á næstu 3-5 árum,“ segir
í tilkynningunni en þar segir einnig
að í framtíðarsýn FAO og OECD um
fiskneyslu til 2030 sé gert ráð fyrir
því að vegna mannfjölgunar þurfi að
mæta um 20 milljón tonna eftirspurn
eftir fiskafurðum með auknu eldi.
Á meðan Marel er leiðandi í
tækjaframleiðslu fyrir eldisiðnað
er Lax-Inn fyrsta nýsköpunar- og
fræðslumiðstöð lagareldis hér á
landi, en það var stofnað á síðasta ári.
Haft er eftir Guðbjörgu Heiðu
Guðmundsdóttur, framkvæmdastjóra
fiskiðnaðar hjá Marel, að frekari
fræðsla og þekking starfsfólks
fyrirtækisins á eldisstarfsemi sé
mikilvæg. /ghp
Guðbjörg Heiða Guðmundsdóttir, framkvæmdastjóri fiskiðnaðar hjá Marel
og Sigurður Pétursson, stofnandi Lax-Inn, skrifuðu undir samstarfssamning.
Mynd/Aðsend