Bændablaðið - 09.06.2022, Blaðsíða 22

22 Bændablaðið | Fimmtudagur 9. júní 2022
FRÉTTIR
Í kjölfar árásar Rússlands á
Úkraínu rauk heimsmarkaðsverð
á korni upp og náði t.d. verð á einu
tonni af hveiti upp í 435 evrur, sem
gera um 60.000 íslenskar krónur.
Það var hæsta verð sem hefur
verið skráð á hveiti en nýlegar tölur
benda nú til að heimsmarkaðsverðið
sé á niðurleið á ný.
Þetta eru góð tíðindi fyrir
heimsbyggðina alla og samkvæmt
dönskum fréttamiðlum telja
þarlendir sérfræðingar að þegar
kemur að uppskerutíma á hveiti síðar
í sumar gæti verðið verið komið
niður í um 200 evrur á tonnið, þ.e.
um 27.000 íslenskar krónur, eða
jafnvel enn lægra.
Skýringin á þessari spá um
verðlækkun markaða á ný er
margþætt en það er sér í lagi spá
um góða uppskeru í haust sem gefur
tilefni til þess að ætla að verðið muni
lækka verulega. Þá lítur út fyrir að
hægt verði að flytja út korn á ný frá
Úkraínu, en sem kunnugt er þá er
Úkraína lykilland þegar kemur að
útflutningi á korni í Evrópu. /SNS
Heimsmarkaðsverð
á korni á niðurleið
Með tilkomu GPS kerfa í
dráttarvélum og tengdum
vinnutækjum er hægt að ná
fram töluverðri hagræðingu
við akstur og vélavinnu
almennt en sjálfstýring
véla er þó ekki enn mjög
útbreidd.
Þetta gæti þó verið að breytast
með tilkomu búnaðar sem hægt er
að setja í nánast allar vélar, líka
gamlar! Verðið á búnaðinum vekur
sérstaka athygli enda er hann seldur
á rétt tæplega 1 milljón króna í
Danmörku og er þá innifalin ísetning
á búnaðinum.
Danska fyrirtækið SteerGuide
hefur þróað búnaðinn, sem virkar
þannig að hann tekur yfir bæði
olíugjöfina og stýrið sjálft og sér
um aksturinn á túni eða
landspildu. Búnaðurinn getur svo
séð alfarið um aksturinn og jafnvel
tekið U-beygjur við spilduenda og
getur því ökumaðurinn einbeitt sér
að fullu að því tæki sem verið er að
vinna með og þarf ekki að hugsa
um aksturinn. Danskir bændur hafa
tekið þessari nýju tækni fagnandi,
enda ekki verið á markaðinum jafn
handhæg og ódýr tæki fyrir eldri
vélar áður. /SNS
Sjálfstýring fyrir eldri
dráttarvélar
Flugfélagið Niceair tekið til starfa:
Lífæð samfélagsins styrkist
– Forsendur fyrir frekari vexti, að mati bæjarstjóra Akureyrar
„Það var allt sett á fullt og unnið
af kappi þegar allt benti til að
kórónuveiran væri á undanhaldi
í byrjun árs og að útlit væri
fyrir að ferðaþjónustan gæti
starfað eðlilega á ný,“ segir Þor-
valdur Lúðvík Sigurjónsson,
framkvæmdastjóri Niceair, sem
gerir út frá Akureyri.
Starfsemin er farin í gang
og verður flogið tvisar í viku til
Kaupmannahafnar og tvisvar til
Lundúna, en auk þess verður eitt
flug í viku til Tenerife. Bókanir í
fyrstu flug félagsins eru góðar.
Næsta haust bætist Manchester
við í áfangastaði félagsins.
Niceair hefur til umráða Airbus
319 vél sem kom í fyrsta sinn til
Akureyrar um nýliðin mánaðamót.
Af því tilefni var efnt til móttöku
þar sem Eliza Read forsetafrú gaf
vélinni nafnið Súlur eftir bæjarfjalli
Akureyringa.
Eliza nefndi í ávarpi sínu að um
70% þeirra útlendinga sem komið
hafi til Íslands og eru í annarri ferð
sinni til landsins langi að fara og
gera annað en í fyrstu ferðinni. Taldi
hún að tilkoma félagsins myndi auka
mjög aðdráttarafl Norðurlands.
Dálítið kraftaverk að gerast
„Mér líður eins og hér hafi gerst
dálítið kraftaverk og verið sé að
skrifa merkan kafla í bráðum 160
ára sögu Akureyrarbæjar,“ sagði
Ásthildur Sturludóttir, bæjarstjóri
á Akureyri, í sömu athöfn.
Akureyri væri að stækka og
breytast úr bæ í litla borg og til að
bærinn geti áfram þróast og vaxið
væri mikilvægt að samgöngur væru
eins og best verður á kosið. „Með
tilkomu millilandaflugs í föstum
skorðum til og frá bænum, styrkist
lífæð samfélagsins hér og forsenda
skapast fyrir enn frekari vexti
Akureyrar, nýjum og sögulegum
sigrum svæðisborgarinnar.“
Millilandaflugið væri mikilvægt
fyrir fólk á öllu Norðurlandi
sem og fyrir atvinnulífið í
landsfjórðungnum. „Viðbygging við
flugstöðina, beint flug og stórbættur
aðflugsbúnaður, renna styrkari
stoðum undir þróun efnahagslífsins
á allri landsbyggðinni.“
Uppbygging fram undan á
Akureyrarflugvelli
Hjördís Þórhallsdóttir flug-
vallar stjóri á Akureyrarflugvelli,
sagði tímamótin mikilvæg fyrir
ferðaþjónustu á Norðurlandi,
ferðamenn geti nú komið beint til
Akureyrar mörgum sinnum í viku
allt árið um kring.
Áætlunarflugið yki einnig á
lífsgæði íbúa á Norðurlandi, sem
nú ættu auðveldara með að komast
beint út í heim. Stórir draumar væru
að rætast.
Mikil uppbygging er fram undan
á Akureyrarflugvelli, en m.a. verður
nýtt flughlað tekið í gagnið ásamt
því að flugstöðin verður stækkuð
og endurnýjuð.
„Við munum bæta við
bráðabirgðabyggingu eða gámum
við suðurhluta flugstöðvarinnar til
að gera aðstöðuna betri næsta árið
þar sem farþegaaukningin er nú
þegar orðin svo mikil. Sú aðstaða
verður tilbúin í júní,“ segir Hjördís.
/MÞÞ
*Afborganir miðast við Lykillán fyrir 75% af kaupverði til 60 mánaða frá Lykli fjármögnun. Vextir
miðast við 6,8% breytilega vexti og eru tengdir við eins mánaða reibor vexti. Lánaskilmála má finna
á www.lykill.is. Árleg hlutfalltala kostnaðar – ÁHK er ** 8,88% - Verð innifelur virðisaukaskatt.
Kletthálsi 3 | 110 Reykjavík | S: 540 4900 | www.yamaha.is
Verð: 2.560.000 kr.
700cc fjórgengis-4WD-H/L drif - driflæsing -
spil - rafmagnsstýri - dráttarkúla - götuskráð
- hvít númer - 307kg eigin þyngd.
GRIZZLY
39.438 kr.*
afborgun á mánuði **
10
Á
BYRGÐ Á DRIFREIM
ULTRAMATIC
ÁBYRGÐ
LÁNSHLUTFALL
ALLT AÐ
75%
Í ALLT AÐ 60 MÁNUÐI
Starfsfólk Niceair stilltu sér upp við flugvél félagsins sem er af gerðinni Airbus 319. Myndir /MÞÞ
Eliza Reid forsetafrú gaf vélinni nafnið Súlur.
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
STARTARAR
gerðir dráttarvéla