Faxi - 01.12.2021, Blaðsíða 36
36 FAXI
að nokkrum verkefnum á Hafnargötunni.
Það fyrsta var skipulagsverkefni sem
við unnum fyrir unga heimamenn sem
höfðu keypt tvö hús við Hafnargötu 22
og 24. Þeir gáfu okkur alveg frjáls spil á
útfærslunni, en við áttum að útbúa tillögu
að íbúða- og verslunarhúsnæði á lóðum
þessara tveggja húsa.
Það fyrsta sem við tókum eftir við
forvinnslu, var hversu illa svæðið var nýtt
og hve mikil verðmæti voru í nærliggj-
andi umhverfi. Það kitlaði að skoða hvort
mögulegt væri að gera tvennt í einu; að
uppfylla markmið verkkaupa um arðsemi
og um leið skapa aðlagandi bæjarrými.
Við höfðum nándina við eldri bæinn sem
var spennandi og sóttum því samhengi við
hann. Þannig drógum við útlínur og fyrir-
komulag af eldri húsunum yfir í formmál
og uppskipun nýju húsanna. Okkur þykir
vænt um þetta byggingarform og það
gefur svo skemmtilegan karakter.
Með þessu vorum við komin með ásýnd
og hrynjanda húsanna í samhengi við
eldri bæjarhlutann og sterkari heildar-
tillögu þar sem nýtt og eldra styður hvort
annað. Við uppröðun húsanna var lögð
áhersla á að mynda skjólgott útirými,
en það vantar einmitt þessi hliðarrými
á Hafnargötuna þar sem þú getur upp-
götvað eitthvað nýtt og sótt þér skjól í
góðri birtu. Þessar hugmyndir koma ekki
frá okkur heldur er almennt mjög mikil
vakning í samfélaginu, með upplýsingar-
flæði netsins og aukinni aðsókn í upplif-
unarferðalög.
Það sem var sérstakt við þetta verk-
efni var að við vorum með tvö friðuð
hús á lóðunum. Bæði voru upprunalega
byggð sem íbúðarhúsnæði, en búið var
að breyta þeim í verslunar- og þjón-
ustuhúsnæði. Þannig voru húsin ekki
lengur í samræmi við uppruna sinn og
mögulegar hugmyndir um uppbyggingu
á reitnum. Tvennt var í stöðunni, að
rífa húsin í samræmi við samþykkt
skipulag frá árinu 2000 eða leggja til
að færa húsin. Við ákváðum að leggja
til flutning húsanna, en setja í staðinn
þá skilmála að nýbygging skyldi líkjast
ásýnd eldri húsa. Svo heppilega vildi til
að við enda Klapparstígsins voru tvær
lóðir sem smellpössuðu fyrir eldri húsin.
Þannig gátum við haldið húsunum í
nærumhverfi og sá möguleiki skapast að
færa þau í sinn upprunalega búning sem
íbúðarhúsnæði.
Tillagan fékk jákvæð viðbrögð og
komu góðir punktar frá almenningi sem
höfðu áhrif á útkomuna, þar má helst
nefna varðveislu húsanna og aðlögun
nýbygginganna að nágrannabyggingum.
Fyrri tillögur í engu
samræmi við umhverfið
Í framhaldi fórum við að vinna að skipulagi
við Hafnargötu 12 en bæði verkefnin H12
og H22-24 eru sambærileg að því leyti að
þau tengjast eldri húsaþyrpingu og eru
staðsett í hjarta bæjarins.
Þar byrjum við á að taka við nýsam-
þykktu skipulagi, sem hafði verið hafnað í
fyrstu vegna athugsemda íbúa um of mikið
byggingarmagn og skort á samhengi við
umhverfið í kring. Þarna sjáum við í verki,
hversu mikilvægt það er að við höfum
skoðun og tjáum okkur í hvert sinn sem
skipulag er kynnt.
Þetta upphaf gerði verkefnið svolítið
sérstakt, því við vissum að ef einhverjar
breytingar yrðu gerðar á skipulaginu yrðu
þær að vera sannfærandi fyrir alla.
Hvað var það helsta sem þið gerðuð öðruvísi?
Við mótuðum tillöguna upp á nýtt í raun og
veru, brutum röðun húsanna upp, færðum
þau í samræmi við byggðina í nágrenninu
og bættum við torgi á kostnað verkkaupa,
sem lýsir vilja skjólstæðings okkar til að
mynda sátt. Við staðsettum torgið við upp-
haf Norðfjörðsgötu með tilfærslu bygginga
aftar á lóðina, með þessu opnast líka á
ásýnd gamla Ungó þegar keyrt er til norðurs
eftir Hafnargötunni. Skipulagsvinnan var
unnin með fyrri og núverandi eigendum
lóðarinnar, báðir skildu mikilvægi staðarins
og vildu vanda til verka. Því fengum við
að útbúa aðgengilegri gögn fyrir íbúana og
kynna áform okkar á eigin forsendum. Við
létum útbúa fyrir okkur módel af svæðinu
og gerðum þrívíddarmyndband þar sem
íbúarnir gátu ferðast um tillöguna. Þetta
var svo kynnt á opinni sýningu hjá okkur
á Ljósanótt, þar sem spjallið var tekið. En
þessi vinna var viðauki við almenna íbúa-
kynningu fyrir breytingu skipulagsins.
Engin þróun á miðbænum
án aðkomu hagmunaaðila
Auk þess fórum við lengra með skipulagið,
lögðum ekki aðeins áherslu á hefðbundna
skilmála eins og byggingarmagn og hæð
bygginga, heldur bættum við sérskilmál-
um um hvernig húsin ættu að líta út, t.d.
gluggaskipan, litir, útfærsla á svölum og
annað uppbrot sem hefur áhrif á upplifun
svæðisins.
Við uppröðun húsanna var lögð áhersla á að mynda skjólgott rými