Faxi - 01.12.2021, Side 7

FAXI 7
er svo einstakur. Það er sama hvort það séu
unglingar eða ellilífeyrisþegar og enginn
þekkist, það verða allir vinir. Við vinnum
sem ein heild við að koma upp sýningu,
þannig hefur þetta nánast alltaf verið,“
segir Guðný sem varð formaður LK 1993 og
gegndi því starfi í um 15 ár.
Kynntist eiginmanninum í leikfélaginu
Eitt af baráttumálum Guðnýjar sem formaður
var að fá lausn á húsnæðisvanda leikfélags-
ins sem stóð félaginu fyrir þrifum. Sýningar
voru hér og þar í bæjarfélaginu, lengst af
í Félagsbíói sem var óhentugt að því leyti
að taka þurfti leikmynd saman eftir hverja
sýningu vegna bíósýninga í húsinu og félagið
hafði enga geymslu svo það þurfti að henda
fullt af dóti. Því baráttumáli lauk árið 1997
þegar Karlakór Keflavíkur gaf Keflavíkurbæ
neðri hæðina að Vesturbraut 17 með þeim
skilyrðum að það yrði að vera menningar-
tengd starfsemi í húsinu og ekki mætti selja
húsnæðið. Leikfélag Keflavíkur fékk þá yfirráð
yfir húsinu sem seinna fékk nafnið Frumleik-
húsið eftir hugmynd Sveindísar Valdimars-
dóttur. „Það var algjör kúvending fyrir starf-
semi leikfélagsins að fá þetta húsnæði. Ég segi
takk Karlakór Keflavíkur. Það nefna allir sem
koma að starfa með okkur, leikstjórar og aðrir,
hvað við séum ótrúlega heppin að hafa þetta
hús og ég segi að þetta sé stoltið okkar. En
það má ekki gleyma því að þetta er okkar, við
rifum allt niður og byggðum upp aftur og það
var bara á hendi fárra. Jón Páll Eyjólfsson og
Júlíus Guðmundsson báru hitann og þungann
af framkvæmdunum þó fleiri kæmu að.“
Guðný segist hafa verið heppin í gegnum
sinn feril, hafa fengið ótrúlega skemmtileg
hlutverk. Það liggur því beinast við að spyrja
hver sé hápunkturinn á ferlinum? „Fjóla
tröllastelpa er auðvitað í miklu uppáhaldi hjá
mér og hún verður í raun til þegar leikfélagið
fær beiðni um atriði á listahátíð barna árið
2008 og ég hugsaði, ég geri þetta bara sjálf.
Hún hefur fylgt mér síðan og mér þykir
ótrúlega vænt um hana. Allar sýningar sem ég
hefur tekið þátt í standa upp úr og revíurnar
sérstaklega. Fyrsta revían sem ég tók þátt í
var mikill örlagarevía í mínu lífi, þar kynnist
ég manninum mínum, honum Júlla, sem
sat bak við trommurnar og ég hafði aldrei
séð áður. Þetta var fyrsta revían hans Ómars
Jóhannssonar, Við kynntumst fyrst í Keflavík
sem sýnd var 1989. En af því að þú spyrð, þá
stendur upp úr söngleikurinn Er tilgangur?
Sem við sýndum 1990 og er eftir Júlíus Guð-
mundsson. Hann var þá bara 19 ára. Ég hef
aldrei upplifað aðra eins frumsýningu, salur-
inn í Félagsbíói, sem tók um 350 manns í sæti,
var troðfullur og okkur vel fagnað. Þetta var
líka örlagaár í mínu lífi, ég hafði misst pabba
um sumarið og það voru miklar tilfinningar
tengdar því. Svo sat ég í stjórn og við höfðum
ákveðið að gefa Júlla þetta tækifæri og maður
vissi ekkert hvernig það færi en svo bara sló
þessi sýning svona rækilega í gegn. Við meira
að segja gáfum út vinyl plötu með lögum úr
sýningunni þar sem Deep Jimi and the Zep
Creams spiluðu undir.“
Hvergi nærri hætt
Guðný fer með mjög eftirminnilegt hlut-
verk í 60 ára afmælissýningu LK og kallar
fram mikinn hlátur hjá áhorfendum í sal.
Hún er því hvergi nærri hætt eða hvað?
„Mér fannst rosalega gaman að fá þetta
tækifæri á 40 ára leikafmæli mínu, að fá að
taka þátt í þessari sýningu, sérstaklega af
því að hún tengist mér svo svakalega. Það
er ekki bara að dóttir mín og tengdasonur
séu höfundar, heldur er Kristín Rán elsta
dóttir mín aðstoðarleikstjóri og svo tengist
þetta tengdapabba, Rúnari Júlíussyni.
Nei, ég er alls ekki hætt. Ég vona að mér
hlotnist gæfa til þess að starfa áfram með
leikfélaginu. Ég er líka svo heppin að starfa
við þetta, ég er að kenna leiklist í Heiðar-
skóla og þar hef ég fengið að setja upp
tvær sýningar á ári. Það vita ekki allir af
því, enda fer það ekki hátt. Svo höfum við
Halla Karen Guðjónsdóttir átt gott sam-
starf með unglingahópa innan leikfélagsins
og gert þar mjög góða hluti, svo ég lifi og
hrærist í þessu.“
Aðspurð um hvernig hún sjái framtíð
Leikfélags Keflavíkur fyrir sér segir Guðný.
„Ég sé hana halda áfram að blómstra með
öllu þessu hæfileikaríka fólki sem við erum
að fá reglulega þar inn og hafandi þetta
húsnæði. Ég held líka að það sé ofsalega
hollt fyrir hvert bæjarfélag að hafa leikfélag
og byggja undir starfsemi þess, og nú er ég
að tala um öll Suðurnesin því í leikfélaginu
starfar fólk allsstaðar af Suðurnesjum.
Það gerir svo mikið fyrir bæjarfélagið.
Við erum ekki bara að setja upp sýningar
heldur tengjumst við öllum hátíðum í
bæjarfélaginu, komum að alls konar litlum
viðburðum sem eru í gangi og það er alltaf
hægt að leita til leikfélagsins,“ segir Guðný
að lokum.
Guðný Kristjáns og Hulda Ólafs_opnun Frumleikhúss: Guðný Kristjánsdóttir og Hulda
Ólafsdóttir kampakátar við opnun Frumleikhússins 4. október 1997. Nú var húsnæði fyrir
leikfélagið loksins í höfn. Ljósm. LK
Guðný í hlutverki
Aldísar í Fyrsta kossinum.
Með henni á myndinni er
Arnar Helgason sem leikur
eiginmanninn Halla.
Ljósm. Eyþór Jónsson