Faxi - 01.12.2021, Blaðsíða 41
FAXI 41
Birgir Þórarinsson
- Sjálfstæðisflokki
Hvaða hagsmunamál er brýnast að
hljóti framgang fyrir Reykjanesið á
þessu kjörtímabili?
Brýnustu málin fyrir Suðurnesin eru að
mínu mati heilbrigðismálin og atvinnu-
málin. Samgöngumálin eru að sjálfsögðu
einnig mjög mikilvæg og nú hillir undir að
tvöföldun Reykjanesbrautar í Hvassahrauni
verði boðin út en að því er stefnt á vor-
mánuðum og að framkvæmdir hefjist í
framhaldinu. Það er mikið fagnaðarefni.
Hverju munt þú helst beita þér fyrir á
þessu kjörtímabili?
Heilbrigðismálin liggja þungt á fólki hér á
Suðurnesjum. Uppbygging HSS hefur því
miður ekki verið í takt við það mikla álag
sem er á stofnuninni. Það vantar einfaldlega
fjármuni, starfsaðstöðu og fleira starfs-
fólk til að hægt sé að veita þá þjónustu
sem farið er fram á. Úr þessu verður að
bæta. Sífellt fleiri íbúar á svæðinu leita til
heilsugæslunnar á höfuðborgarsvæðinu
eftir heilbrigðisþjónustu. HSS er einfald-
lega of vanbúin til að sinna þeim mikla
fjölda sem býr á Suðurnesjum, farþegum
Keflavíkurflugvallar og ekki síst vaxandi
fjölda hælisleitenda sem dvelja á svæðinu og
þurfa einnig heilbrigðisþjónustu. Ég efa það
ekki að starfsfólk HSS reynir hvað það getur
að sinna öllum sem leita til þeirra af bestu
getu. Ég tel að nýta eigi tækifærið þegar
ný heilsugæsla verði byggð og semja við
einkaaðila um rekstur hennar. Ánægja hefur
ríkt með þetta rekstrarform á Höfuðborgar-
svæðinu um árabil.
Brýnt er að leiðrétta það óréttlæti að
opinberar stofnanir á Suðurnesjum fá lægri
fjárframlög heldur en sambærilegar stofn-
anir á landsvísu. Þetta birtist okkur einkum
í fjárveitingum til HSS, lögreglunnar og
Fjölbrautaskólans. Reykjanes Geopark er
einnig dæmi um þetta. Ríkisvaldið hefur í
fjárveitingum sínum til svæðisins ekki horft
til þeirra fordæmalausu fjölgunar íbúa eins
og t.d. í Reykjanesbæ. Veirufaraldurinn
hefur haft veruleg áhrif á atvinnustigið á
Suðurnesjum. Við höfum þurft að horfa
upp á mikið atvinnuleysi og það hæsta á
landinu. Lýtur það m.a. að því að fjölmargir
starfa við flugið og ferðaþjónustuna. Ég
tel mikilvægt að við aukum fjölbreytni at-
vinnulífsins á svæðinu, séum ekki eins háð
fluginu eins og við erum í dag. Þetta eru
verkefni sem ég tel brýnt að horfa til á kjör-
tímabilinu. Auk þess hef ég talað fyrir því
að opinber störf verði flutt til Suðurnesja.
Útlendingastofnun er dæmi um stofnun
sem ég tel að eigi vel heima í námunda við
flugvöllinn og mun ég beita mér fyrir því.
Hversu líklegt finnst þér að stefnumál
og áherslur þíns flokks fái framgang á
kjörtímabilinu?
Í byrjun þingsins lagði ég fram í annað sinn
þingsályktunartillögu um sérstaka rannsókn
á nýgengi krabbameins á Suðurnesjum.
Suðurnesin hafa hæst nýgengi krabbameins
af öllum stöðum á landinu. Þetta er mikið
áhyggjuefni. Ég tel mjög brýnt að tillagan
verði samþykkt sem fyrst og bind vonir við
að svo verði. Ég hef einnig lagt áherslu á
að Ísland standi við skuldbindingar sýnar
gagnvart NATO þegar kemur að viðhaldi
varnarmannvirkja á Suðurnesjum og eftir
atvikum nýframkvæmdum sem taldar eru
nauðsynlegar.
Það eru spennandi verkefni framundan
á svæðinu eins og skipaþjónustuklasinn í
Njarðvík og græni sprotagarðurinn í Helgu-
vík, svo eitthvað sé nefnt. Ég er bjartsýnn
fyrir hönd Suðurnesja á komandi kjör-
tímabili. Það er mikilvægt að vera jákvæður
í garð svæðisins og læra af erfiðleikunum
hverju sinni.
Birgir Þórarinsson
Guðbrandur Einarsson
Guðbrandur Einarsson
- Viðreisn
Hvaða hagsmunamál er brýnast að
hljóti framgang fyrir Reykjanesið á
þessu kjörtímabili?
Það er brýnt að heilbrigðisþjónustan á
svæðinu verði efld í fleiri en einu sveitar-
félagi á Suðurnesjum. Þrátt fyrir að
ákveðið hafi verið að hefja byggingu nýrrar
heilsugæslustöðvar í Reykjanesbæ þá dugar
það hvergi nærri til og óvíst hvenær slík
stöð verður tekin í notkun.
Þá hefur það dregist úr hömlu að hefja
byggingu nýs hjúkrunarheimilis og brýnt að
það verkefni verði unnið fljótt og vel.
Hverju munt þú helst beita þér fyrir á
þessu kjörtímabili?
Það er að mörgu að hyggja. Heilbrigðismál-
in eru mér hugleikin og það þarf að tryggja
að Suðurnesin sitji við sama borð og aðrir
landshlutar þegar kemur að úthlutun sam-
eiginlegra fjármuna.
Þá er það óásættanlegt að ekki sé hægt
að tryggja afhendingu raforku til svæðisins.
Mikið af fyrirtækjum sem vilja gjarnan
hefja rekstur á Suðurnesjum geta það ekki
vegna þess og því þarf að breyta.
Hversu líklegt finnst þér að stefnumál
og áherslur þíns flokks fái framgang á
kjörtímabilinu?
Viðreisn er ekki aðili að ríkisstjórn og
það hefur ekki verið venjan á þinginu að
stjórnarandstöðuflokkar nái miklu fram.
Við munum hins vegar ekki láta okkar
eftir liggja, munum styðja við góð mál en
vera hörð í stjórnarandstöðu þar sem þurfa
þykir.