Skessuhorn - 27.10.2021, Blaðsíða 14

MIÐVIKUDAGUR 27. OKTÓBER 202114
Fyrir tveimur árum var ætlunin hjá
Rótarýklúbbi Borgarness að standa
fyrir atvinnusýningu í Hjálmakletti
í Borgarnesi en vegna heimsfar-
aldursins varð hins vegar ekkert af
sýningunni. Nú á að blása til sókn-
ar á ný og næstkomandi laugardag
verður hún haldin í þriðja skiptið
en hún var einnig haldin árin 2012
og 2014. Birna G. Konráðsdótt-
ir er ein af skipuleggjendum sýn-
ingarinnar og sagði hún í spjalli
við Skessuhorn að undirbúningur-
inn hefði farið í fullan gang í byrjun
september. Ríflega 30 fyrirtæki og
stofnanir hafa skráð sig til þátttöku
til að kynna starfsemi sína og sagði
Birna að von væri á því að fleiri
myndu bætast við á næstu dög-
um. Sýningin hefst klukkan 10.30
á laugardeginum með málstofu sem
ber nafnið Matvælalandið Ísland;
Loftslagsmál og kolefnisspor en þar
eru frummælendur þau Guðmund-
ur I. Guðbrandsson umhverfisráð-
herra, Haraldur Benediktsson al-
þingismaður, Kristján Oddsson
bóndi og Ragnheiður I. Þórarins-
dóttir rektor Landbúnaðarháskóla
Íslands. Áætlað er að málstofunni
ljúki um klukkan 12.30.
Milli kl. 12 og 13 verður hægt að
fá íslenska kjötsúpu sem nemend-
ur í Menntaskóla Borgarfjarðar sjá
um að bera fram og þá verða þeir
einnig með vöfflukaffi eftir klukkan
14 en nemendurnir eru að safna sér
fyrir útskriftarferð.
Klukkan 12.30 hefst svo atvinnu-
sýningin og segir Birna að hún sé
fyrst og fremst hugsuð til kynn-
ingar á því fjölbreytta starfi sem er
í gangi í grunnsamfélaginu og því
mestmegnis fyrirtæki og stofnan-
ir í Borgarbyggð sem munu kynna
sig og sína starfsemi í Hjálma-
kletti á laugardaginn. Þá sagði hún
að á sýningunni væru einnig aðil-
ar sem ekki væru með höfuðstöðv-
ar á svæðinu en með starfsstöðv-
ar. Birna sagði enn fremur að hún
vonaðist til að þátttakan yrði góð
og markmiðið væri að 500 til 700
manns myndu sækja sýninguna.
Þátttakan á hinum tveimur sýn-
ingunum var um eða yfir þúsund
manns. Hún sagði einnig að þau
telji að þessi sýning sé sannarlega
þess virði að fólk komi og kíki við
og bendir á að aðgangur sé ókeypis
og öllum heimill.
Skemmtiatriði verða á boðstóln-
um á sýningunni þar sem Ásta
Marý Stefánsdóttir og Heiðmar
Eyjólfsson skemmta gestum með
spili og söng. Þá stígur Krílakórinn
á stokk en það eru börn á aldrinum
3-5 ára sem syngja með sínu nefi
undir stjórn Birnu Þorsteinsdóttur.
„Markmið verkefnisins er sem
fyrr að gefa rekstraraðilum á starfs-
svæði klúbbsins tækifæri til að
kynna starfsemi sína á heimavett-
vangi og vekja þannig athygli sam-
félagsins á hinni fjölbreyttu starf-
semi sem fer fram á svæðinu. Jafn-
framt og ekki síður að efla sam-
stöðu rekstraraðila á þeirra heima-
svæði,“ sagði Birna G. Konráðs-
dóttir að lokum.
vaks
Síðastliðið mánudagskvöld stóð Slökkvilið Borgarbyggð-
ar fyrir kynningu á starfseminni. Slökkviliðið þarf að fjölga
í hópnum til að ná að fullmanna allar starfsstöðvar og var
því vonast eftir að fá nokkra áhugasama með að bjóða upp á
kynningu. Mætingin fór hins vegar fram úr björtustu vonum
slökkviliðsins, en alls mættu 32 á kynninguna. Bjarni Kristinn
Þorsteinsson slökkviliðsstjóri bauð gesti velkomna en því næst
fór Heiðar Örn Jónsson varaslökkviliðsstjóri yfir starfsemina
og þau skilyrði sem sett eru til inngöngu í slökkviliðið. Heið-
ar Örn segir að nú séu lausar stöður á öllum starfsstöðvum
Slökkviliðs Borgarbyggðar; á Hvanneyri, í Reykholti, á Bif-
röst og í Borgarnesi. Auk þeirra kynnti Neisti, félag slökkvi-
liðsmanna í Borgarbyggð félagið sitt.
Í dag eru 36 starfandi slökkviliðsmenn í Borgarbyggð.
Heiðar Örn segir að brýnast sé að fjölga í hópnum á nokkrum
stöðvanna til að hámarka öryggi ef eldsvoði verður eða önn-
ur óhöpp sem slökkviliðsmenn eru kallaðir til. Bæði Heið-
ar Örn og Bjarni voru hæstánægðir með mætinguna á mánu-
daginn. Fólk víðs vegar af starfssvæðinu hefði mætt en slíkt
væri einmitt styrkleiki fyrir lið í víðfeðmu og stóru héraði til
að lágmarka útkallstíma eins og kostur er. Áhugasamir ný-
liðar geta sótt um inngöngu í slökkviliðið fyrir 8. nóvem-
ber næstkomandi og munu þeir gangast undir þrekpróf, loft-
hræðslukönnun, innilokunarpróf og viðtöl áður en ákvörðun
verður tekin um ráðningu.
Meðfylgjandi myndir frá kynningarkvöldinu fá að tala sínu
máli. mm
Atvinnusýningin í Hjálmakletti í Borgarnesi á laugardaginn
Frá Atvinnusýningunni árið 2014. Á myndinni eru þeir Pálmi Þór Sævarsson og
Gísli Karel Halldórssón sem þá störfuðu báðir hjá Verkís verkfræðistofu.
Fjölmenni mætti á nýliðakynningu slökkviliðsins