Fréttablaðið - 13.08.2022, Qupperneq 4

Forsenda sameiningar
er að sameinaður dóm-
stóll hafi starfsstöðvar
á landsbyggðinni.
JEEP.IS • ISBAND.IS
KEMUR ÞÚ
AF FJÖLLUM?
PLUG-IN HYBRID
EIGUM BÍLA TIL AFHENDINGAR STRAX!
Íslensku fjöllin hafa mætt jafningja sínum.
Gerðu ferðalagið algjörlega rafmagnað með
Jeep® Wrangler Rubicon Plug-In Hybrid.
ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LOKAÐ LAUGARDAGA
thorgrimur@frettabladid.is
NAMIBÍA Viðkvæm umfjöllunarefni
voru til umræðu á fundi Brynjars
Níelssonar, aðstoðarmanns dóms-
málaráðherra, við sendinefnd frá
Namibíu í júní síðastliðnum. Þetta
kemur fram í svari dómsmálaráðu-
neytisins við fyrirspurn Frétta-
blaðsins um efni fundarins.
Brynjar fundaði með Netumbo
Nandi-Ndaitwah, aðstoðarfor-
sætisráðherra Namibíu, Mörthu
Imalwa ríkissaksóknara og Ernu
Van der Merwe, aðstoðarfram-
kvæmdastjóra namibísku spill-
ingarnefndarinnar. Hann fundaði
fyrir hönd dómsmálaráðherra en
hefur síðar vísað til þess að fund-
urinn hafi verið í einkaerindum
og því undanþeginn gildissviði
upplýsingalaga. Samkvæmt svari
dómsmálaráðuneytisins er þetta
rangt.
„Dómsmálaráðuneytinu barst
ósk í gegnum forsætisráðuneytið
með litlum fyrirvara, frá embættis-
mönnum frá Namibíu, um að hitta
dómsmálaráðherra vegna rann-
sóknar á Samherjamálinu í Nami-
bíu. Fundurinn var ekki einka-
fundur.“
Í svari dómsmálaráðuneytisins
kemur fram að auk Brynjars hafi
tveir skrifstofustjórar og einn stað-
gengill skrifstofustjóra sótt fund-
inn, þær Ragna Bjarnadóttir, Bryn-
dís Helgadóttir og Hinrika Sandra
Ingimundardóttir.
R áðu ney t ið sy njaði beiðni
Fréttablaðsins um upplýsingar um
innihald fundarins á grundvelli 10.
greinar laga um upplýsingamál.
„Af ákvæðinu leiðir að heimilt
er að takmarka upplýsingarétt
almennings þegar mik ilvægir
almannahagsmunir krefjast, enda
hafi gögn að geyma upplýsingar
um samskipti við önnur ríki eða
fjölþjóðastofnanir,“ segir í svarinu.
„Gögnin sem um ræðir í þessu máli
varða samskipti stjórnvalda við
erlent ríki og umfjöllunarefnið er
í eðli sínu viðkvæmt. Geti erlendir
sendimenn ekki treyst því að trún-
aður um samskiptin sé undantekn-
ingarlaust virtur, stefnir það nauð-
synlegu trúnaðartrausti í hættu.
Þar með gætu stjórnvöld ekki átt
í árangursríkum samskiptum við
erlend ríki til að sinna lögmæltum
hlutverkum sínum í þágu í íslenska
ríkisins með þeim afleiðingum að
brýnir almannahagsmunir yrðu
fyrir borð bornir.“ n
Ráðuneytisfólk ræddi viðkvæm málefni við Namibíumenn
Þingvallavegur og Hvalfjarð-
argöng eru næst á dagskrá í
mælingum Vegagerðarinnar
á meðalhraða. Vísbendingar
eru um að hraðakstur sé vax-
andi vandamál hér á landi,
ekki síst meðal útlendinga.
bth@frettabladid.is
SAMGÖNGUR Vegagerðin horfir nú
til þess að meðalhraðaeftirlit verði
tekið upp í Hvalfjarðargöngum.
Eins og fram kom í Fréttablaðinu
í gær hefur ný tækni sem mælir
meðalhraða milli tveggja mældra
punkta rutt sér til rúms hér á landi
með rafrænu sólarhringseftirliti.
Hátt í 900 ökumenn hafa verið
sektaðir vegna hraðakstursbrots á
Grindavíkurvegi síðustu mánuði
með nýrri tækni.
Ríkið horfir til þess að fjölga
myndavélum sem mæla meðal-
hraða. Ökumaður sem fer reglulega
milli Akureyrar og Borgarness veit
hvar fastar hraðamyndavélar eru
staðsettar. Margir lækka ökuhraða
þegar ekið er fram hjá þeim, svo er
jafnvel gefið aftur í. En ef ólöglegur
meðalhraði milli tveggja punkta er
mældur er engin leið að sleppa frá
broti án viðurlaga.
„Það sem er næst til skoðunar
varðandi meðalhraðaeftirlitið eru
Hvalfjarðargöng,“ segir G. Pétur
Matthíasson, upplýsingafulltrúi
Vegagerðarinnar. „Við höfðum líka
verið að horfa til Þingvallavegar
í gegnum þjóðgarðinn en viljum
skoða það betur,“ bætir hann við.
Fréttablaðið hefur greint frá
áskorunum við að fullnusta greiðslu
sekta hjá erlendum ferðamönnum
ef þeir komast úr landi án þess að
hafa greitt fyrir brot sitt. Margir
lögreglumenn vilja að lögum verði
breytt þannig að betur verið tryggt
að brotlegir erlendir ferðamenn
borgi brúsann.
Hraðakstur er ein aðalorsök
alvarlegra umferðarslysa hér á landi.
Lögreglan á Norðurlandi eystra er í
hópi þeirra sem hafa beint spjótum
sínum sérstaklega að eftirliti með
hraðakstri í sumar. Afraksturinn
hefur skilað 1.355 kærðum brotum
vegna frumkvæðismælinga lögreglu
í umdæminu. Inni í þeirri tölu eru
engin brot mæld með myndavélum,
umfang hraðakstursbrota virðist
fara vaxandi.
Jóhannes Sigfússon, aðstoðar-
yfirlögregluþjónn á Akureyri, segir
að lögregla hafi ekki síst einbeitt
sér að kunnum hraðakstursstöð-
um. Athygli veki að í júlímánuði
einum og sér hafi 350 verið kærðir
í umdæminu fyrir hraðakstur. Það
sé nokkur aukning frá fyrri árum.
„Okkur finnst þetta mjög mikið,“
segir Jóhannes.
Hann segir erlenda ökumenn
nokkuð hátt hlutfall brotlegra. Lög-
reglumenn reyni að fá þá til að ljúka
sektarmálum með greiðslu inni í
lögreglubílnum. Það takist oft en
ekki séu teknar tryggingar af kort-
um erlendra ökumanna hér á landi
eins og víða í nágrannalöndum, sem
geti hamlað eftirfylgni.
Sérstök innheimtumiðstöð á
Vesturlandi sér um að rukka sekt-
irnar á vegum lögreglu. Töluvert
innheimtist oft utan landsteinanna
að sögn Jóhannesar. Þegar um ræðir
brot mæld með sjálfvirkum mynda-
vélum er torveldara en inni í lög-
reglubíl að innheimta sektir utan
landsteinanna en ef bílaleiga hefði
afrit af greiðslukorti ökumanns og
búið væri að ganga frá tryggingu til
að innheimta sekt án málalenginga.
Jóhannes tekur undir orð f leiri
lögreglumanna sem Fréttablaðið
hefur rætt við um að skilvirkni og
jafnræði myndi aukast með því að
breyta reglum svo allir sitji við sama
borð. n
Vegagerðin áformar hertar mælingar
á ökuhraða í Hvalfjarðargöngunum
Til mikils er að
vinna að fækka
alvarlegum
bílslysum og
ekki síst í jarð-
göngum þar
sem mikil hætta
getur skapast.
Vegagerðin
stefnir að víð-
tækara meðal-
hraðaeftirliti
í Hvalfjarðar-
göngum.
FRÉTTABLAÐIÐ/
EYÞÓR
G. Pétur
Matthíasson,
upplýsingafull-
trúi Vegagerðar-
innar
adalheidur@frettabladid.is
STJÓRNSÝSLA Dómsmálaráðherra
kynnir nú í samráðsgátt stjórnvalda
áform um sameiningu héraðsdóm-
stólanna átta í eina stofnun. Vísað er
til ábendinga Ríkisendurskoðunar,
sem sendi dómsmálaráðuneyti
skýrslu um málið í apríl 2020.
Það er forsenda sameiningarinn-
ar að hinn sameinaði dómstóll hafi
starfsstöðvar á landsbyggðinni og
er stefnt að því að þær verði efldar
og styrktar með nýjum verkefnum.
Markmið breytinganna er að
auka skilvirkni og hagkvæmni
í rekstri héraðsdómsstigsins og
styrkja á sama tíma faglegan grund-
völl starfsemi dómstigsins á lands-
byggðinni. Til lengri tíma er gert
ráð fyrir að breytingarnar muni
einfalda og styðja við innleiðingu
tækninýjunga í málsmeðferð þar
sem unnt verður að koma þeim við.
Starfshópur sem dómsmálaráð-
herra skipaði í mars síðastliðnum
um sameiningu héraðsdómstól-
anna er enn að störfum. n
Vill sameina alla
héraðsdómstóla
Jón Gunnarsson,
dómsmálaráð-
herra
Netumbo Nandi-
Ndaitwah,
aðstoðar-
forsætisráðherra
4 Fréttir 13. ágúst 2022 LAUGARDAGURFRÉTTABLAÐIÐ