Sjómannablaðið Víkingur - 01.02.2011, Side 44

44 – Sjómannablaðið Víkingur
Nýjar reglur um þjálfun
Maritime and Coastguard Agency (MCA) í Englandi sem er í
gildi íslensku Siglingastofnunarinnar hefur sett nýjar reglur
um þjálfun skipstjórnarmanna í notkun siglingakortatölva eða
ECDIS. Hafa þeir alfarið hafnað þeirri aðferð að skipstjórnar-
maður kenni öðrum skipstjórnarmanni á þann tækjabúnað sem
notaður er í þessum tilgangi um borð í skipum. Nú skulu allir
þeir sem sigla á skipum sem búin eru ECDIS hafa tekið nám-
skeið hjá framleiðanda búnaðarins um borð eða frá viðurkennd-
um skóla sem er samþykktur af framleiðanda búnaðarins sem
skipið er búið. Nú gengur ekki lengur að láta vanan skipstjórn-
armann kenna nýjum stýrimanni á búnaðinn í brúnni.
Dýrt strand
Hann fékk heldur betur að kenna á því skipstjórinn á ástralska
flutningaskipinu Sattha sem er aðeins 245 bt að stærð þegar
hann strandaði á Kóralrifinu mikla í Ástralíu. Það sem meira er
að skipið hafði ekki gilt haffæri og því þótti dómaranum þörf á
að refsa kallinum ríflega og dæmdi hann til sektar upp á tæpar
2,5 milljónir króna.
Afdrifaríkur árekstur
Árið 1975 sigldi ég á bandarísku skipi þar sem í brúnni var
stórt skilti sem á stóð „Collision at sea can ruin your entire
day“. Þessi orð komu mér í huga þegar ég las um franska skip-
stjórann Philippe Deruy sem fannst látinn í íbúð sinni um borð
í 13.800 TEU gámaskipinu CMA CGM Laperouse. Philippe,
sem var 47 ára, hafði fyrirfarið sér eftir að útgerð skipsins til-
kynnti honum að hann myndi láta af skipstjórn á skipinu. Jafn-
framt var honum boðið starf í landi við að þjálfa yfirmenn skipa
útgerðarinnar. Verið var að refsa honum fyrir að skip hans lenti
í árekstri við flutningaskipið Thebe sem er 2.500 tonn að stærð.
Skipstjórinn skyldi eftir bréf þar sem hann sagði að staðan væri
orðin óþolanleg fyrir hann og að hann gæti ekki lengur tekist á
við ástandið. Stéttarfélag skipstjórans hefur deilt hart á hvernig
útgerðin tók á máli skipstjórans og hafi þar með hrakið hann út
í sjálfsvíg. Útgerðin hefur í kjölfar sjálfsvígsins endurskoðað
mannauðsstefnu sína og m.a. komið upp hjálparlínu til að veita
starfsmönnum ráðgjöf. Einnig ætlar útgerðin að veita sjómönn-
um útgerðarinnar sem telja sig vera utan við félagsanda útgerð-
arinnar ráðgjöf og aðstoð. Áreksturinn kostaði skipstjórann
æruna sem varð til þess að hann tók sitt eigið líf.
Nýji skipverinn leyndi á sér
Skipverjarnir á Pride of America vissu ekki að nýji skipverjinn
sem þeir fengu til þjálfunar í eina viku væri sjálfur stjórnarfor-
maður útgerðarinnar. Kevin Sheehan var látinn bera nafnið
Peter Francis og fylgdu kvikmyndatökumenn honum alla vik-
una. Skipverjum var sagt að verið væri að búa til raunveruleika-
þátt fyrir sjónvarp þar sem tveir menn væru að keppa að því að
vera ráðnir í stöðu sem var í boði en í hlutverki hins „skipverj-
ans“ var fengin leikari. Að sjálfsögðu var Francis látinn vinna
öll verk sem féllu til s.s. að þrífa salernin, þvo þilför, aðstoða
fólk í klifurvegg skipsins sem og að dansa á skemmtun fyrir
farþega með englavængi. Það var ekki fyrr en að vikunni lok-
inni sem skipverjum var sagt hver Francis væri og sagði Shee-
han að þessi vika hefði verið honum mjög lærdómsrík. Hann
hefði fengið fullt af nýjum upplýsingum varðandi reksturinn en
þegar hann kæmi um borð í skip útgerðarinnar NCL þá fengi
hann aðeins að sjá það sem væri á yfirborðinu. Allir þeir skip-
verjar sem á einn eða annan hátt leiðbeindu Sheehan voru verð-
launaðir fyrir sinn þátt. Einn fékk fría ferð fyrir sig og alla fjöl-
skylduna með einu skipa útgerðarinnar, annar var hækkaður í
tign og þriðja var boðið að fara í nám og mennta sig til betri
starfa innan útgerðarinnar svo eitthvað sé nefnt. Það var sem
sagt ágóði fyrir skipverjana að tuska stjórnarformanninn til
verka um borð.
Nýr launasamningur
Nýlega var gengið frá samkomulagi um hækkun launa til sjó-
manna samkvæmt ILO samþykktinni um lágmarkslaun á sjó.
Það var á fundi sem haldinn var í Genf í apríl sem samþykkt
var að hækka lágmarkslaunin um 7,3% þannig að lægstu
grunnlaun fara úr 545 dollurum í 585 dollara á tveimur árum.
Krafa ILO var að fara með lágmarkslaunin upp í 710 dollara
(81 þúsund) en útgerðarmenn höfnuðu slíkri hækkun á þeirri
forsendu að erfiðir tímar væru í útgerð. Allt með öllu hækka
því heildarlaunin (yfirvinna og frí) upp í 1.028 dollara sem er
tæpar 118 þúsund.Flutningaskipið Thebe, sem CMA CGM Laperouse sigldi á, að koma til hafnar í
Reykjavík á síðasta ári.
Utan úr heimi
Hilmar Snorrason skipstjóri
Stjórnarformaður NCL gerðist undirmaður á Spirit of America sem hér sést í
höfn á Honolulu.