Íslenzk fyndni - 01.06.1957, Side 15

13
Þegar Guðbrandur er farinn, segir Einar við gesti
sína:
„Líklega hefur hann komið til Rómaborgar“.
27.
QUÐBRANDUR JÖNSSON var einu sinni í kjöri í
Gullbringu- og Kjósarsýslu fyrir Alþýðuflokkinn.
Hjörtur Helgason var í kjöri fyrir kommúnista.
Hann er maður smár vexti.
Hjörtur hafði haldið framboðsræðu, og talaði Guð-
brandur næstur á eftir honum. Hann hóf ræðu sína
á þessa leið:
„Ég ætla ekki að svara frambjóðanda kommúnista,
því að ég eyði aldrei skoti á smátittlinga“.
28.
§R. EIRlKUR BRYNJÓLFSSON á Utskálum var eitt
sinn að prófa pilt í sögu og spurði hann, hver hefði
verið fyrsti landnámsmaður í Grænlandi.
Ekki vissi strákur það.
„Manstu það ekki?“ segir prestur. „Hann var nafni
minn“.
„Já, nú man ég það“, segir strákur. „Það var séra
Eiríkur rauði“.
29-
JJREPPSTJÓRI EINN, sem var upp með sér af stöðu
sinni, sagði, að hann væri fjórði maður að embættis-
tign frá forseta.