Fréttablaðið - 16.11.2022, Blaðsíða 6

Prinsippin virðast
fokin út um gluggann.
Kristrún Frosta-
dóttir, formaður
Samfylkingar-
innar
Formaður Samfylkingar­
innar lýsir djúpstæðum
vonbrigðum með viðbrögð
forsætisráðherra vegna
skýrslu Ríkisendurskoðunar
um söluna á Íslandsbanka.
Líkur á frekari sölu bréfa eru
taldar hafa minnkað.
bth@frettabladid.is
STJÓRNMÁL Líkur á að ríkið selji
síðasta hlut sinn í Íslandsbanka hafa
minnkað eftir þann áfellisdóm sem
birtist í skýrslu Ríkisendurskoðunar.
Ríkisstjórnin hefur að mati stjórnar­
andstæðinga sýnt að henni er ekki
treystandi til að selja ríkiseignir.
„Ég vonast til að það verði haldið
áfram með söluna en þá þarf miklu
meira traust og trúverðugleika,“
segir Þorgerður Katrín Gunnars­
dóttir, formaður Viðreisnar.
„Við þurfum á þessum 75 millj­
örðum að halda. Ætlar ríkisstjórnin
ef hún selur ekki að fara í niður­
skurð upp á 75 milljarða, eða hækka
vaxtagjöld með auknum skuldum?
Þetta er risamál og alveg með ólík­
indum að stjórnin hafi sjálf sett sig í
þessa aðstöðu,“ bætir hún við.
Líkurnar á sölu næsta ár hafa
snarminnkað að mati Björns Levís
Gunnarssonar, þingmanns Pírata.
„Ef þessi stjórnvöld ætla að búa
til nýtt fyrirkomulag eftir að hafa
klúðrað því gamla þegar staðreynd­
in er að þau klúðruðu þessu með því
að fara ekki að lögum þá þýðir ekki
að búa til ný lög,“ segir hann.
„Það er ekki séns í helvíti að þau
nái að skapa traust um að selja bank­
ann á næsta ári, það yrðu brjáluð
læti, það myndi fara af stað risavaxið
öskur í samfélaginu ef þau svo mikið
sem reyna það,“ segir Björn Leví.
Sigmundur Davíð Gunnlaugsson,
formaður Miðflokksins, segir að lík­
urnar séu „nánast engar“ á að sala
Íslandsbanka verði kláruð næsta ár
í ljósi liðinna atburða. Betra væri ef
stjórnin myndi afhenda almenningi
hlut sinn í bankanum. Tímasetning
þess sé þó síðri en ef það hefði verið
gert fyrr. Sigmundur Davíð segir að
skoða verði allt söluferli bankanna,
einnig Arion banka.
Í fjárlagafrumvarpi Bjarna Bene­
diktssonar er gert ráð fyrir að
afgangurinn af bréfum ríkisins í
bankanum verði seldur næsta ár.
Áætlaðar heild ar tekjur rík is sjóðs
rýrna um 75,8 milljarða ef ekki
verður selt. Afleiðingar yrðu aukin
lántaka vegna skulda, að skuldir
yrðu greiddar hægar upp en áætlun
gerði ráð fyrir sem þýðir hærri
vaxtakostnað eða niðurskurður.
Kristrún Frostadóttir, formaður
Samfylkingarinnar, segir að svo
mörgum spurningum sé ósvarað
eftir skýrsluna að eina leiðin til að
skapa traust á ný sé skipun opinnar
rannsóknarnefndar.
„Forsætisráðherra segir að þetta
mál snúist aðallega um hagkvæmni
í rekstri ríkisins en það er ekki rétt,
málið snýst um hvort ráðherra fór
eftir lögum sem Alþingi setti um
sölu á eignarhlutum ríkisins,“ segir
Kristrún.
„Ég veit ekki hvort það kom mér á
óvart að Katrín hefur varið Bjarna,“
svarar Kristrún aðspurð. „En við­
brögðin eru mikil vonbrigði og sýna
ákveðið forystuleysi,“ segir Kristrún,
enda þurfi þjóðin skýrari svör. Hún
segir að krafa um samstöðu innan
ríkisstjórnarinnar virðist blinda sýn.
„Prinsippin virðast fokin út um
gluggann,“ segir Kristrún, enda sé
málið miklu stærra en nemi póli­
tískum flokkadráttum eða banda­
lögum.
Í umræðum um skýrsluna á
Alþingi í gær kom til snerru milli
Bjarna Benediktssonar og Þórunnar
Sveinbjarnardóttur, formanns eftir­
lits­ og stjórnskipunarnefndar þings­
ins. Þórunn boðaði frekari rannsókn
nefndarinnar þar sem Bjarni, fulltrú­
ar Bankasýslunnar, Íslandsbanka og
fleiri yrðu kallaðir til frekari svara.
Bjarni taldi málinu lokið, enda kæmi
ekkert fram í skýrslunni um að lög­
brot hefðu verið framin. Hann taldi
Þórunni fara offari en hún sakaði
hann á móti um að reyna að slá ryki
í augu þings og almennings.
Sigmar Guðmundsson, Viðreisn,
sagði í þingumræðunni að yfir 80
prósent þjóðarinnar teldu sam­
kvæmt könnun að sölunni hefði
verið ábótavant. Bakland sam­
starfsf lokka Bjarna logaði vegna
vantrausts. n
Líkur á lokasölu á bréfum
í bankanum hafa minnkað
Líkur á því að ríkið selji síðasta hlut sinn í Íslandsbanka hafa minnkað verulega eftir að skýrslan kom út.
FRÉTTABLAÐIÐ/VALLI
Íslandsbanki vísar á Bankasýsluna
Skýrsla Ríkisendurskoðunar
um sölu á hlut ríkisins í Íslands-
banka í mars síðastliðnum
gagnrýnir þátttöku starfs-
manna bankans í útboðinu,
auk þess sem gagnrýnt er að
bankinn hafi haldið utan um
tilboð fjárfesta í Excel-skjali en
ekki í upplýsingakerfi sem héldi
betur utan um slíkt. Mistök hafi
verið gerð við innfærslu í Excel-
skjalið svo eftirspurn hafi verið
vanmetin um tugi milljarða.
Fréttablaðið sendi Íslands-
banka í gær eftirfarandi
spurningar:
n Hefur Íslandsbanki endur-
skoðað reglur um innri
endurskoðun og regluvörslu
í ljósi reynslunnar af söluferli
á hlutum ríkisins í bankanum í
mars og þá hvernig?
n Hefur reglum um viðskipti
starfsmanna bankans í út-
boðum sem bankinn er aðili
að verið breytt eftir söluna í
mars?
n Hyggst Íslandsbanki breyta
reglum eða verkferlum í ljósi
þeirrar gagnrýni sem Ríkisend-
urskoðun beinir að bankanum
í skýrslu sinni?
n Hvað hefur bankinn að segja
um þá gagnrýni sem sett er
fram í skýrslunni um notkun
Microsoft Excel til að halda
utan um tilboð fjárfesta og
þau mistök sem þar virðast
hafa átt sér stað?
Varðandi gagnrýni á að villur
í Excel-skjali hafi verið lagðar til
grundvallar leiðbeinandi loka-
verði vísar Íslandsbanki á að á
síðu 14 í skýrslu Ríkisendurskoð-
unar standi eftirfarandi: „At-
hugasemdir komu frá Íslands-
banka þess efnis að ákvörðunin
hafi grundvallast á gögnum sem
lágu fyrir kl. 20:36. Skjalið sem
Bankasýslan hafði sent Ríkis-
endurskoðun í maí 2022 hafi
byggt á stöðunni eins og hún leit
út kl. 19:37 og verið lagt fram við
upphaf fundarins. Það hafi tekið
breytingum eftir því sem leið
á fundinn og umræddar villur
verið fjarlægðar kl. 20:10.“
Einnig var hert á reglum um
viðskipti starfsmanna bankans
í júní en varðandi önnur atriði
vísar bankinn á Bankasýslu
ríkisins.
GÍRAR - FÆRIBÖND - RAFMÓTORAR - LEGUR
588 80 40
www.scanver.is
RAFMÓTORAR
benediktboas@frettabladid.is
STJÓRNSÝSLA Athygli vekur að í
skýrslu Ríkisendurskoðunar eru
villur í skráningu tilboða í svokall­
aðri tilboðsbók. Við greiningu Rík­
isendurskoðunar á umræddu skjali
komu í ljós annmarkar í útreikning­
um þar sem fjöldi færslna í skjalinu
var ekki færður inn á réttu formi.
Sumir starfsmenn notuðust við
erlenda kommusetningu, aðrir
notuðu punkt og sumir skrifuðu
hreinlega tilboðið með bókstöfum.
Um var að ræða tilboð sem námu
samtals um 20 milljörðum króna.
Bjarni Benediktsson fjármálaráð­
herra segir í samtali við Fréttablaðið
að tilboðsbókin hafi verið unnin af
söluráðgjöfum Bankasýslunnar og
Bankasýslan verði að svara fyrir
hana. „Ég hef ekki séð upplýsingar
um að þessir misbrestir hafi leitt til
teljandi tjóns fyrir ríkissjóð, en við
hljótum engu að síður að gera kröfu
um vönduð vinnubrögð – sérstak­
lega þegar sýslað er með ríkiseignir.
Aðilar sem treyst er fyrir slíku verki
verða að standa undir því trausti,“
segir Bjarni.
Í skýrslu Ríkisendurskoðunar
segir að Íslandsbanki hafi sent snið­
mát í Excel til innlendra söluráð­
gjafa og söluaðila Bankasýslunnar
með leiðbeiningum um hvernig ætti
að fylla það út svo að bankinn hefði
yfirsýn um þróun eftirspurnar inn­
lendra fjárfesta.
Annar hugbúnaður eða sérhann­
að upplýsingakerfi til að halda utan
um tilboð í tilboðsfyrirkomulagi
var ekki til staðar hjá bankanum.
Jón Gunnar Jónsson, forstjóri
Bankasýslunnar, var ekki búinn
að svara fyrirspurn Fréttablaðsins
þegar blaðið fór í prentun í gær. n
Gera kröfu um vönduð vinnubrögð
Bjarni Bene-
diktsson, fjár-
málaráðherra
benediktarnar@frettabladid.is
ÚKRAÍNA Yfirvöld í Úkraínu segja
að nýjustu eldflaugaárásum Rússa
hafi verið beint gegn innviðum
landsins, líkt og virkjunum og
orkustöðvum. Stór hluti af Kænu­
garði og öðrum borgum og bæjum
er því án rafmagns og rennandi
vatns.
Borgaryfirvöld í Kænugarði hafa
greint frá því að sökum rafmagns­
leysis virki loftvarnasírenur lands­
ins ekki, sem hefur alvarleg áhrif
á getu yfirvalda til að vara íbúa
landsins við miskunnarlausum
árásum Rússa.
Forseti Úkraínu, Volodímír Sel­
enskíj, hefur varað íbúa landsins
við að búast megi við f leiri árásum
frá Rússum á næstu dögum.
„Ég veit að árásirnar slökktu á
rafmagni á mörgum stöðum. Við
erum að vinna í þessu, við komum
öllu í gang aftur og við munum lifa
af,“ sagði Selenskíj. n
Segja Rússa ráðast á innviði landsins
Volodímír Sel-
enskíj, forseti
Úkraínu.
FRÉTTABLAÐIÐ/
GETTY
6 Fréttir 16. nóvember 2022 MIÐVIKUDAGURFRÉTTABLAÐIÐ