Fréttablaðið - 16.11.2022, Blaðsíða 34

Á nokkurra ára fresti endur-
nýjast ungstirnalagerinn í
kvikmyndaborginni Holly-
wood og ný andlit mæta á
sjónarsviðið. Þá er ekki úr
vegi að gera stutta saman-
tekt á ungu hæfileikafólki
sem þykir líklegt til að skipa
fremstu röð á næstu árum,
eða hefur nýlega komið sér
þar fyrir.
ninarichter@frettabladid.is
Hin unga Hollywood
Evan Peters
Dahmer
Bandaríski leikarinn Evan
Thomas Peters er fæddur
1987. Hann er ekki byrjandi
eða óþekktur og hefur landað
fjölda hlutverka í hryllings-
þáttunum American Horror
Story og túlkað eitt aðalhlut-
verka í glæpaþáttunum The
Mare of Easttown. Hann var
eftirminnilegur í hlutverki
Stan Bowes í fyrstu þátta-
röðinni af Pose og landaði
hlutverki Peter Maximoff eða
Quicksilver í X-Men. Hann
varð að stórstjörnu með
túlkun aðalpersónunnar í
hinum gríðarlega vinsælu
þáttum Dahmer – Monster:
The Jeffrey Dahmer Story og
það er ljóst að hann hefur
skipað sér í fremstu röð.
Jenna Ortega
Wednesday
Jenna Marie Ortega
er bandarísk leik-
kona fædd árið
2002. Hún hóf
ferilinn sem barna-
stjarna í gamanþátt-
unum Jane the Virgin
sem margir Íslendingar
kannast við. Hún fór með
hlutverk Ellie Alves í spennu-
þáttunum You á Netflix og lék í hryllingsmynd-
unum X og endurgerð Scream á þessu ári, og fékk
kvikmyndaverðlaun MTV-sjónvarpsstöðvarinnar
í kjölfarið fyrir besta leik í hryllingsmynd.
Simone Ashley
Bridgerton
Breska leikkonan Simone Ash-
wini Pillai, betur þekkt sem
Simone Ashley, er fædd árið
1995. Hún sló í gegn í períódu-
dramanu Bridgerton á Netflix
og gamandramaþáttunum
Sex Education.
Austin Butler
Elvis
Bandaríski leikarinn Austin Robert Butler er
fæddur árið 1993. Hann er
þekktastur fyrir túlkun sína
á Elvis Presley í kvik-
myndinni Elvis sem
kom út fyrr á árinu.
Butler hóf feril sinn
í sjónvarpi, fyrst í
hlutverkum á Disney
Channel og Nickelodeon
og síðar í unglingaleik-
ritum. Hann túlkaði per-
sónu Tex Watson í stór-
myndinni Once Upon a Time
in Hollywood árið 2019 eftir
Íslandsvininn Quentin
Tarantino, og
það er ljóst
að hann
mun hafa
nóg að
gera á
næstu
árum.
Maya Hawke
Stranger Things
Maya Ray Thurman Hawke er
bandarísk leikkona, fyrirsæta
og söngkona, fædd 1998.
Maya er þekkt fyrir að vera
dóttir stórleikaranna Umu
Thurman og Ethan Hawke
en hefur sannað að hún
er fullfær um frægð á
eigin forsendum. Hún hóf
ferilinn með fyrirsætu-
störfum og hóf leikferilinn
í hlutverki Jo March í BBC-
aðlögun Little Women frá
2017. Maya sýndi verðlauna-
frammistöðu sem Robin
Buckley í Stranger Things
og landaði í framhaldinu
hlutverkum í Once Upon
a Time in Hollywood og
Do Revenge frá 2022. Hún
hefur einnig reynt fyrir
sér í tónlistinni og sent
frá sér tvær plötur,
Blush frá 2020 og
Moss frá 2022.
Milly Alcock
House of the Dragon
Ástralska leikkonan Amelia
May Alcock er fædd árið
2000. Hún hlaut AACTA-til-
nefningu fyrir leik sinn í
gamanþáttunum Upright.
Hún hefur vakið athygli
á alþjóðavettvangi fyrir
túlkun sína á persónunni
Rhaenyra Targaryen í HBO-
fantasíuþáttunum House of
the Dragon.Daisy Edgar-Jones
Where the Crawdads sing
Daisy Jessica Edgar-Jones er
ensk leikkona fædd 1998. Hún
sló í gegn í örþáttaröðinni
Normal People 2020 sem
byggir á samnefndri met-
sölubók Sally Rooney. Hún
lék einnig í sannsögulegu
glæpaþáttaröðinni Under the
banner of heaven og fór með
aðalhlutverkið í stórmyndinni
Where the Crawdads sing
sem byggir á samnefndri
metsölubók.
Mia Goth
Suspiria
Mia Gypsy Mello da Silva Goth er ensk leik-
kona, fyrirsæta og handritshöfundur,
fædd árið 1993. Hún hóf ferilinn á
unglingsárum og lék í kvikmyndinni
Nymphomaniac eftir stjörnuleik-
stjórann Lars von Trier árið 2013.
Árið 2018 fór Mia með auka-
hlutverk í ráðgátunni High Life
eftir Claire Denis og endurgerð
Luca Guadagnino af klassísku
költmyndinni Suspiria. Hún
fór með hlutverk í róman-
tísku gamanmyndinni
Emmu árið 2020 og lék í
hryllingsmyndunum X
og Pearl árið 2022, og var
meðhöfundur hinnar
síðarnefndu.
Thuso Mbedu
The Woman King
Thuso Nokwanda Mbedu
er suður-afrísk leik-
kona fædd 1991. Hún var
tilnefnd til alþjóðlegra
Emmy-verðlauna fyrir
hlutverk sitt í dramaþátta-
röðinni Is'Thunzi frá 2016.
Hún átti sæti á Forbes Africa
30 undir 30-listanum
árið 2018 og fór með
hlutverk Nawi í
stórmyndinni The
Woman King sem
kom út fyrr á árinu.
Jeremy Pope
Hollywood
Jeremy Pope er bandarískur
leikari og söngvari, fæddur
1992. Pope er sjötti maðurinn
í sögu Tony-sviðslistaverð-
launanna sem er tilnefndur
í tveimur flokkum fyrir tvær
sýningar á sama ári, og hann
hlaut einnig tilnefningu til
Grammy-verðlauna
árið 2020 fyrir
bestu söngleikja-
plötuna.
Árið 2020 lék
Pope í Netflix-
þáttaröðinni
Hollywood,
sem aflaði
honum til-
nefningar til
Emmy-verð-
launanna
2020.
22 Lífið 16. nóvember 2022 MIÐVIKUDAGURFRÉTTABLAÐIÐLÍFIÐ FRÉTTABLAÐIÐ 16. nóvember 2022 MIÐVIKUDAGUR