Fréttablaðið - 16.11.2022, Blaðsíða 12

Konan mín er deildar-
stjóri gjörgæslunnar í
Fossvogi þannig að
það er eins gott að
standa sig og gera þetta
vel.
Gert er ráð fyr ir að kostnaður
við nýjan Land spít al a við
Hring braut fari 27 milljarða
fram úr uppfærðu kostnaðar-
mati frá árinu 2017. Heildar-
kostnaður spítalans verður
í kringum 90 milljarðar.
Verðbætur og hækkanir skýra
framúrkeyrsluna.
Einn af þeim sem standa í stafni
einnar u mfangsmest u f ram-
kvæmdar Íslandssögunnar heitir
Ásbjörn Jónsson. Hann er bygginga-
tæknifræðingur með meistaragráðu
í rekstrarverkfræði og hefur áður
komið að stórum framkvæmdum
bæði innanlands og erlendis.
Hann segir gríðarlegar áskoranir
fylgja því að byggja nýjan Land-
spítala. Verkefnið krefjist skipulags
og mikils undirbúnings en ánægjan
felist í því að sjá byggingarnar loks
rísa.
„Það er akkúrat 50 prósentum af
uppsteypunni lokið hérna í megin-
byggingunni. Hönnun burðarvirkis
er lokið og við erum búin að bjóða
út útveggina. Þannig að þetta er
farið að taka á sig mynd og við finn-
um að athyglin er að aukast.
Ásbjörn segist vera orðinn vanur
því að vera spurður af hverju fram-
kvæmdin taki svona langan tíma.
„Það er skiljanlegt að fólk velti
þessu fyrir sér en skýringin liggur í
því hve einstakt verkefnið er. Svona
spítali hefur aldrei verið byggður
áður. Þá er ég ekki bara að tala um
Ísland heldur líka á heimsvísu.
Í fyrsta lagi er óvenjulegt að ein
sjúkrahúsbygging hafi svo fjölbreytt
hlutverk. Yfirleitt eru spítalar sér-
hæfðir en hérna erum við að byggja
spítala sem á að ná yfir allt sviðið.
Sjúkrahús erlendis eru yfirleitt með
þrengra sjónsvið en vegna smæðar
Einstakt
mannvirki
í alla staði
Ásbjörn Jóns-
son, sviðsstjóri
hjá Nýjum Land-
spítala, segir
heildarkostnað
verkefnisins
enn innan
skekkjumarka.
FRÉTTABLAÐIÐ/
ERNIR
Guðmundur
Gunnarsson
ggunnars@
frettabladid.is
Staðreyndir um stál
n Í burðarvirki nýja Landspítal-
ans fara yfir 11 þúsund tonn
af bendistáli.
n Það gerir um 250 kíló af stáli á
hvern rúmmetra.
n Magn stálsins sem notað er í
hvern rúmmetra spítalans er
fimmfalt á við það sem þekk-
ist í venjulegum byggingum.
Staðreyndir um steypu
n Í nýjan Landspítala fara um 55
þúsund rúmmetrar af stein-
steypu.
n Til að flytja steypuna þarf yfir
8 þúsund steypubíla.
n Notuð er sérstök sjálfútleggj-
andi steypa sem er þéttari en
venjuleg steypa.
n Kornin í steypunni eru fínni
en gengur og gerist og því
myndast engin loftrými í
burðarvirkinu.
n Allt er þetta gert til að mann-
virkið geti staðið af sér stóran
jarðskjálfta.
landsins þurfum við að ramma öll
sviðin inn á einum og sama reitnum
hérna við Hringbraut.“
Stærsta skýringin á löngum fram-
kvæmdatíma, að sögn Ásbjörns,
hefur þó fyrst og fremst með
aðstæður á Íslandi að gera og þær
kröfur sem gerðar eru til sjúkra-
húsa.
„Þessi spítali er hannaður og
byggður með það í huga að hann
geti staðið af sér stærstu mögulegu
jarðskjálfta. Burðarvirkin eiga ekki
bara að standa eftir óhögguð heldur
á öll starfsemin að standast prófið.
Það þýðir að spítalinn þarf að
vera kominn á fullt skrið nokkrum
mínútum eftir að jarðskjálfti ríður
yfir. Hér má ekkert fara úr skorðum
og öll hönnun á burðarvirki, tækni-
ferlum og innanstokksmunum
tekur mið af því. Hingað þurfa allir
sem slasast í stórum skjálfta að geta
leitað. Þess vegna stend ég við það
fullum fetum að þetta er einstök
framkvæmd. Hún á sér engin for-
dæmi hér á landi.“
Ásbjörn segir þessar áherslur
sýnilegar á turnum sem er farnir að
rísa upp úr grunninum við Hring-
braut.
„Burðarvirki turnanna eru eins
létt og kostur. Fyrstu tvær kjallara-
hæðirnar ógnarsterkar en eftir því
sem ofar dregur eru hæðirnar léttar
og sveigjanlegar. Þær munu dansa í
takt við jarðhræringarnar.“
Allar einingar í útveggjum spítal-
ans eru hannaðar í verksmiðjum
erlendis með sömu kröfur í huga.
Þær fara í gegnum prófanir þar sem
þær eru tuskaðar til og hristar.
„Þannig að það er eng inn
afsláttur gefinn þegar kemur að
gæðakröfum, öryggi og álagi.“
Krafa um endurmenntun vegna verðbréfa-
réttinda (áður próf í verðbréfaviðskiptum)
Prófnefnd verðbréfaréttinda vekur athygli á því að þeim sem öðlast
hafa verðbréfaréttindi er skylt að sækja árlega endurmenntun sem
tryggir að þeir viðhaldi fræðilegri þekkingu, faglegri hæfni og gildum.
Endurmenntun vegna verðbréfaréttinda skal að lágmarki svara til
tveggja klukkustunda á ári og samtals sex klukkustunda á hverju
þriggja ára tímabili og skulu að lágmarki fjórar klukkustundir vera stað-
festanlegar, t.d. með skriflegri staðfestingu námskeiðshaldara eða frá
viðkomandi háskóla ef um er að ræða kennslustörf eða fyrirlestrahald
á háskólastigi.
Endurmenntunartímabil þeirra sem öðlast hafa réttindi hefst 1. janúar
árið eftir að þau voru veitt. Endurmenntunartímabil allra þeirra sem
öðluðust réttindin fyrir árslok 2021, þ.m.t. vegna þeirra voru með próf í
verðbréfaviðskiptum, hófst því 1. janúar 2022.
Þeir sem hafa verðbréfaréttindi skulu halda skrá um endurmenntun
sína og afhenda prófnefnd verðbréfaréttinda hana, á því formi sem
nefndin ákveður, óski nefndin eftir því.
Þeir sem standa fyrir námskeiði eða ráðstefnu geta óskað eftir stað-
festingu frá prófnefnd verðbréfaréttinda á því að viðkomandi námskeið
eða ráðstefna teljist til endurmenntunar.
Á vefsíðu prófnefndar er að finna lista yfir námskeið/ráðstefnur sem
prófnefnd hefur staðfest að teljist til endurmenntunar.
Í 8. og 9. gr. reglugerðar um verðbréfaréttindi, nr. 1125/2021, er nánar
fjallað um endurmenntun vegna verðbréfaréttindaprófs.
Prófnefnd verðbréfaréttinda
Vefsíða prófnefndar: https://www.stjornarradid.is/raduneyti/nefndir/
profnefnd-verdbrefarettinda/
12 Fréttir 16. nóvember 2022 MIÐVIKUDAGURFRÉTTABLAÐIÐMARKAÐURINN FRÉTTABLAÐIÐ 16. nóvember 2022 MIÐVIKUDAGUR