Morgunblaðið - 08.11.2022, Blaðsíða 6

FRÉTTIR
Innlent6
MORGUNBLAÐIÐ ÞRIÐJUDAGUR 8. NÓVEMBER 2022
HVAÐ ER Í MATINN?
ÞRIÐJUDAGA
Hakkbollur
Í orientalsósu (elduð vara)
Nautapottréttur
Í stroganoffsósu (eldað)
tilboð alla vikuna
Grensásvegur 48, 108 Reykjavík | Sunnukriki 2, 270 Mosfellsbær
Á MORGUN MIÐVIKUDAG
-20%
-20%
Til stendur að endurnýja lýsingu í
Kópavogsgjánni á Hafnarfjarðarvegi.
Þessi kafli vegarins hefur öku-
mönnum þótt fremur dimmur og
drungalegur, ekki síst að vetri til.
Núverandi lýsing var sett upp á
árunum 2006-2007. Þótti endurnýj-
un orðin mjög aðkallandi, lampar
komnir á tíma og mikið viðhald á
öllum búnaði, að sögn G. Péturs
Matthíassonar, upplýsingafulltrúa
Vegagerðarinnar. Búnaðurinn stenst
ekki nútímakröfur.
Því var það að Vegagerðin auglýsti
síðastliðið haust eftir tilboðum í
endurnýjun lýsingar í Kópavogs-
gjánni. Í verkinu felst að taka niður
núverandi lýsingu og lagnir, setja upp
nýja lampa og stýribúnað. Vega-
gerðin leggur til lampa og stýribúnað.
Nú eru 227 lampar í göngunum en
þeim verður fækkað í 146, enda eru
nýju lamparnir LED-lampar af nýj-
ustu gerð. Enn fremur verða lagðir
5.400 metrar af nýjum strengjum.
Þegar tilboð í verkið voru opnuð
hinn 4. október kom í ljós að aðeins
eitt tilboð hafði borist. Það var frá
Rafal ehf. í Hafnarfirði og hljóðaði
upp á tæpa 61 milljón króna. Kostn-
aðaráætlun Vegagerðarinnar gerði
hins vegar ráð fyrir 36,3 milljónum til
verksins. Tilboðið var því 24 milljón-
um eða 68% hærra en áætlunin gerði
ráð fyrir.
Vegagerðin skoðar framhaldið
Eftir nokkra athugun ákvað Vega-
gerðin að hafna tilboðinu. Nú er verið
að skoða hvað gert verður í fram-
haldinu sem gæti falist í samningum,
upplýsir G. Pétur. Áætlað var að ljúka
verkinu fyrir 1. desember næst-
komandi en ljóst er að þær áætlanir
standast ekki.
Hafnarfjarðarvegur var á sínum
tíma lagður í gjá sem sprengd var í
gegnum Digranes, svokallaða Kópa-
vogsgjá. Brú var byggð yfir gjána til
að tengja saman vestur- og austur-
hluta Digraness. Í lok síðustu aldar
var ákveðið að byggja hús á brúnni
og sunnan við hana. Þá auglýsti
Kópavogsbær lóðina Hamraborg 8
lausa til umsóknar árið 1998. Saman-
lagður gólfflötur var 2.000 fermetrar.
Í húsinu er Landsbankinn m.a. með
útibú.
Annað hús, Digranesvegur 1,
stendur á brúnni. Þar eru skrifstofur
Kópavogsbæjar til húsa. Flutningur
skrifstofunnar í húsið hófust í árs-
byrjun 2017.
lEitt tilboð barst en það var svo hátt að því var hafnað
Lýsingin endurnýjuð
í Kópavogsgjánni
Sigtryggur Sigtryggsson
sisi@mbl.is
Morgunblaðið/sisi
Kópavogsgjá Tími var til kominn að bæta lýsingu í gjánni. Hún er komin til ára sinna og stenst ekki nútímakröfur.
Það var mikið spennufall í Laugar-
dalshöll á sunnudag eftir að úrslitin
í formannskjöri flokksins urðu ljós.
Þar var Bjarni Benediktsson formað-
ur endurkjörinn með 59% atkvæða
landsfundarfulltrúa, en Guðlaugur
Þór Þórðarson fékk 40%. Úrslitin
voru afgerandi og staða Bjarna í
formannsstóli sterkari ef eitthvað
er, enda aðrir áskorendur ekki við
sjóndeildarrönd.
Guðlaugur vonaðist auðvitað eft-
ir talsvert meira fylgi, annars hefði
hann ekki boðið sig fram, en þeir áttu
von á að mjórra yrði á munum ef illa
færi.
40% atkvæða er auðvitað vænn
bunki, sem Bjarni þarf að taka tillit
til, eins og mátti heyra í máli Bjarna
um bæði samband forystu við hinn
almenna flokksmann og áhyggjur af
dræmu fylgi miðað við það sem gerð-
ist á árum áður.
Aftur á móti væri óvarlegt fyrir
stuðningsmenn Guðlaugs að ætla
að þar sé fundið fast fylgi fylkingar
þeirra. Minna má á að Pétur heitinn
Blöndal bauð sig fram með engum
fyrirvara á landsfundi árið 2010 og
fékk 30% án nokkurrar kosninga-
baráttu, svo ætla má að alltaf sé
einhver hluti landsfundarfulltrúa til
í breytingar á forystunni án þess að
hafa sérstaka tryggð við mótfram-
bjóðandann.
Nokkuð var rætt fyrir for-
mannskjörið um afleiðingarnar fyr-
ir þann sem biði lægri hlut. Og eft-
ir kjörið sagði Bjarni að hann teldi
ekki að úrslitin breyttu neinu um
stöðu Guðlaugs að svo stöddu. Hins
vegar sagði Guðlaugur eitt og annað
um forystu Bjarna, sem ekki verð-
ur ósagt, og kann að gera samstarf
þeirra í ríkisstjórn örðugra. Fyrir nú
utan hið augljósa, að formaður getur
ekki látið slíka atlögu óátalda. Það
þarf ekki að lesa Machiavelli til þess
að vita að með því byði hann frekari
hættu heim.
Hitt er annaðmál hvort Bjarni þurfi
nokkuð að aðhafast. Ástæðurnar fyrir
framboði Guðlaugs eru ekki að öllu
ljósar, en þar liggur beinast við að
tíminn vinnur ekki lengurmeð honum
og hann man vel hve litlu munaði að
Áslaug Arna Sigurbjörnsdóttir felldi
hann í prófkjöri flokksins í Reykjavík
í fyrra. Eftir úrslitin á landsfundinum
liggur leiðin tæplega upp á við lengur.
Eftirmál formannskjörsins fyrir
Sjálfstæðisflokkinn verða vafalaust
einnig athyglisverð. Bjarni gaf til
kynna að hann myndi sinna flokks-
starfinu betur og þá ekki síst með það
í huga að ná betri árangri í Reykjavík.
Það verður ekki fyrirhafnarlaust.
Það kallar á meira og opnara flokks-
starf í höfuðborginni, líkt og Guð-
laugur kallaði eftir, sem sníða þarf
að breyttum samfélagsháttum. Þar
kæmu til greina breytingar á hverfa-
félögum flokksins í borginni og starfs-
háttum þeirra, en þau voru stofnuð til
þess að bregðast við þjóðfélagsþróun
ummiðja síðustu öld og eitt og annað
hefur breyst síðan. Það þarf ekki að
vera flókið, a.m.k. ekki í samanburði
við hitt, að endurnýja erindi flokksins
við kjósendur í borginni.
lBjarni Benediktsson stendur sterkur eftirlFramtíð Guðlaugs Þórs öllu óljósari
lAukin áhersla á innra starf í flokknumlVilja endurheimta fylgi í höfuðborginni
Flókin eftirmál landsfundar
BAKSVIÐ
Andrés Magnússon
andres@mbl.is
Morgunblaðið/Eggert
Flokksbræður Guðlaugur Þór Þórðarson óskar Bjarna Benediktssyni til
hamingju með sigurinn í formannskjöri Sjálfstæðisflokksins á sunnudag.
Úrslit í formannskjöri
»Bjarni Benediktsson hefur
áður átt keppinauta um for-
mannsstólinn, en aldrei þó í
ríkisstjórn.
»2009 – Bjarni 58%
Kristján Þór Júlíusson 40%
»2010 – Bjarni 62%
Pétur H. Blöndal 30%
»2011 – Bjarni 55%
Hanna B. Kristjánsdóttir 44%
»2022 – Bjarni 59%
Guðlaugur Þór Þórðarson 40%
Meirihluti vill leyfa
Uber hér á landi
Meira en helmingur landsmanna
er hlynntur því að heimila akst-
ursþjónustu eins og Uber hér á
landi. Þá segjast einnig tæplega
30% aðspurðra vera í meðallagi
hlynnt því að heimila slíka þjón-
ustu, en aðeins 17,4% segjast vera
andvíg því. Þetta er meðal þess
sem kemur fram í nýrri könnun
Maskínu á viðhorfi landsmanna
til akstursþjónustu.
Þeir sem nota oft þjónustu Uber
eða sambærilega þjónustu erlend-
is og þeir sem ferðast reglulega
með leigubílum hér á landi eru
líklegastir til að vilja heimila
þjónustu eins og Uber hér á landi.
Könnunin fór fram 26. til 31.
október og voru svarendur 1.016
talsins. Þegar spurt var hversu
hlynntur eða andvígur viðkom-
andi væri akstursþjónustu á borð
við Uber hér á landi svöruðu
27,8% því að þau værumjög
hlynnt og 25% sögðust fremur
hlynnt, samtals 52,8%. Þá sögðust
29,8% vera í meðallagi hlynnt því
að þjónustan yrði heimiluð, en
8,6% sögðust fremur andvíg og
8,8% sögðust mjög andvíg.
Leigubílar Margir vilja Uber til Íslands.
Morgunblaðið/Unnur Karen