Morgunblaðið - 08.11.2022, Blaðsíða 32

Í lausasölu 822 kr.
Áskrift 8.880 kr. Helgaráskrift 5.550 kr.
PDF á mbl.is 7.730 kr. iPad-áskrift 7.730 kr.
Sími 569 1100
Ritstjórn ritstjorn@mbl.is Auglýsingar augl@mbl.is
Áskrift askrift@mbl.is mbl.is netfrett@mbl.is
ÞRIÐJUDAGUR 8. NÓVEMBER 312. DAGUR ÁRSINS 2022
Gítarleikarinn Björn Thoroddsen
hefur þekkst boð ástralska gítarleik-
arans Williams Thomas Emmanuels
um að leika á fernum tónleikum í
Reykjavík ummiðjan apríl á næsta
ári. „Þetta er líklegast stærsta
áskorun sem ég hef fengið, því þarna
verða nokkrir af bestu gítarleikurum
heims,“ segir Bjössi Thor.
Tommy Emmanuel verður með
sérstakar fjögurra daga gítarbúðir
(Tommy Emmanuel Guitar Getaway
Iceland) fyrir áhugasama gítar-
leikara í Reykjavík 13. til 16. apríl
og á hverju kvöldi verða tónleikar,
meðal annars í Hörpu, þar sem
valdir gítarleikarar spila með goðinu.
Námskeiðið, eða gítarveislan, eins
og Bjössi kallar viðburðinn, er fyrst
og fremst hugsað fyrir Bandaríkja-
menn, en bandaríska fyrirtækið
Dreamcatcher Events skipuleggur
dagskrána. Veislan hefur verið
kynnt í Bandaríkjunum og auk
þess að spila með goðsögnum og
fylgjast með þeim á tónleikum gefst
þátttakendum tækifæri til þess að
fara í skipulagðar ferðir í nágrenni
borgarinnar.
Emmanuel valdi Írann Martin
Taylor, Jerry Douglas og Mike Dawes
frá Bandaríkjunum, Þjóðverjann
Joscho Stephan og Björn Thorodd-
sen til að spila með sér á tónleikun-
um. „Ég er ótrúlega stoltur af því að
vera í þessum félagsskap, að ég tali
ekki um á slíkum stórviðburði,“ segir
Bjössi. „Þetta eru frægustu gítarleik-
ararnir og byrjað er að selja miða
á tónleikana erlendis, en miðasala
hefst hérlendis eftir áramót.“
Gítarveislan
Árleg Gítarveisla Bjössa Thor er
ekki aðeins þekkt á Íslandi heldur
hefur hún vakið athygli í Kanada,
Bandaríkjunum og Noregi undir
heitinu Guitarama. Hún verður næst
í Bæjarbíói í Hafnarfirði um helgina,
11. og 12. nóvember, og að þessu
sinni verður Robben Ford sérstakur
heiðursgestur. „Robben er auðvitað
einn af „stóru“ gítarleikurunum, en
hann hitaði upp með Eric Clapton
á Ítalíu á dögunum. Ekki amalegt
að fá hann nánast beint frá Ítalíu í
Bæjarbíó.“
Bjössi og Robben Ford kynntust á
tónleikum fyrir nokkrum árum. „Ég
hef verið mikill aðdáandi hans frá
því ég byrjaði að spila á gítar og allt í
einu vorum við saman á sviði,“ rifjar
Bjössi upp. Hann segist hafa verið
frekar feiminn en reynt að halda
uppi samræðummeð því að spyrja
um hitt og þetta. „Hann sagðist
vera æ meira farinn út í framleiðslu
á tónlist og spurði hvað ég væri að
gera. Ég varð mjög upp með mér við
spurninguna og sagði að mig langaði
til þess að gefa út plötu. Spurði hann
svo í beinu framhaldi hvort hann
væri til í að framleiða hana. Hann
tók sér umhugsunarfrest í viku og
sagðist þá myndu taka verkið að
sér. Platan Bjössi varð að veruleika
og síðan höfum við verið í góðu
sambandi.“
Aðrir gestir Bjössa í gítarveislunni
verða Þórður Árnason, Andri Ívars-
son, Sigfús Óttarsson, Jón Rafnsson
og Hálfdán Árnason. „Þetta verður
eiginlega Robben Ford-þema en við
verðum traustir á bak við.“
lGítarveislaBjössaThor í Bæjarbíói umhelgina
Bjössi Thor spilar með
Emmanuel og Ford
Steinþór Guðbjartsson
steinthor@mbl.is
Ljósmyndir/Jóhann Ísberg
Góðir Björn Thoroddsen og Tommy Emmanuel spila næst saman í apríl.
Gítarveisla Robben Ford til hægri verður heiðursgestur um helgina.
MENNING
Volaða land verðlaunað í Lübeck
Kvikmyndahátíðinni Nordische Filmtage Lübeck,
eða Norrænum kvikmyndadögum í Lübeck, lauk um
helgina og hlaut kvikmynd Hlyns Pálmasonar, Volaða
land, hin svokölluðu Eystrasaltslandaverðlaun, Baltic
Film Prize. Verðlaunafé nemur 5.000 evrum eða um
755.000 krónum. Kvikmyndaleikstjórinn og -framleið-
andinn Friðrik Þór Friðriksson hlaut heiðursverðlaun
á hátíðinni fyrir framlag sitt til kvikmyndalistarinnar
og voru nokkrar mynda hans sýndar af því tilefni.
ÍÞRÓTTIR
Valur jók forskotið á toppnum
Íslands- og bikarmeistarar Vals náðu í gærkvöldi
þriggja stiga forskoti á toppi Olísdeildar karla í
handbolta með 38:33-heimasigri á Selfossi. Valsmenn
byrjuðu af krafti og komust snemma í 6:3 og þegar
fyrri hálfleikur var hálfnaður hafði Valur tvöfaldað for-
skotið, 12:6. Að lokum munaði fimm mörkum á liðun-
um í hálfleik, 21:16. Selfoss skoraði þrjú fyrstu mörkin í
seinni hálfleik en eftir það tóku Valsmenn aftur við sér
og unnu að lokum öruggan sigur. » 27