Borgfirðingabók - 01.12.2015, Qupperneq 166

166
B O R G F I R Ð I N G A B Ó K 2015
Einangrun Straumfjarðar hefur nú verið rof in með því að lagður var
vegur annars vegar yfir sundið. Hinumegin sunds ins hefur einnig verið
stíflað þannig að myndast hefur lón. Steinar gerði um tíma tilraunir með
að sleppa laxfiski í lónið með það fyrir aug um að byggja upp stað fyrir
einskonar sportveiði. En það voru ýmsir erfið leikar við þetta þannig
að þetta lagðist af eftir nokkur ár. Svona breyt ast nú búskaparhættir.
Þegar ég lít til baka og hugsa til þess hversu sterka tengingu ég hef haft
við sjóinn allt frá ungum aldri, virðist eins og maður hafi öðlast eitt
skilningarvitið til viðbótar. Allt lífið hverfðist meira og minna um sjóinn
og duttlunga hans. En í dag er ég við þessar aðstæður líklega frekar
áhorfandi en þátttakandi og er því til dæmis ekki alltaf að hugsa um
hvenær sé flóð eða fjara. En verði mér litið út á Borg ar fjörðinn á háfjöru
þarf ég ekki að horfa út nema örskamma stund til þess að sjá hvernig
sjávarstaðan er, hvort það er að falla út eða að. Sjávar föllin verða þannig
eins og greypt í vitundina. Að lokum ber ég þá von í brjósti að eyjan
fagra sem fóstraði mig ungan, megi varðveitast vel og geyma minjar um
liðna tíma áfram um langa framtíð.
Allar myndir með greininni eru úr myndasafni Svans Steinarssonar.
Guðmundur Þ. Brynjúlfsson tók efnið saman eftir samtöl við Magnús Guð-
bjarna son, auk þess byggir efni greinarinnar á eftirtöldum heimildum:
Þjóðviljinn, helgarblað, Guðjón Friðriksson 13.­14. nóv. 1982, bls. 16 og 17.
Lesbók Morgunblaðsins, Ragnar Ásgeirsson 22. mars 1942, bls. 75­80.
Landið þitt Ísland S­T, bls. 197­198.
Byggðir Borgarfjarðar III bls. 264 og IV bls. 267­368.
Wikipedia, frjálsa alfræðiritið.