Borgfirðingabók - 01.12.2015, Blaðsíða 182

182
B O R G F I R Ð I N G A B Ó K 2015
Árið 1921 vann félagið verðlaunaskjöld UMSB í sundi til fullrar eignar
og annan árið 1930.
Strákarnir náðu þessum árangri ekki átakalaust. Þeir þurftu að æfa
sig. Gamla torflaugin nýttist vel til að kenna krökkum sundtökin og ýta
undir sundiðkun. Þótt hún væri ágætlega stór hentaði hún samt illa til
æfinga. Þurfti því að æfa í ánum. Því fylgdi ákveðin áhætta. Sonur eins
sundkappans minnist þess að hafa heyrt hann segja frá því að eitt sinn
þegar farið var með þá til æfinga í Lundahyl í Þverá hafi ekki mátt miklu
muna að illa færi.
SUNDLAUGIN VARÐ MIÐDEPILL MANNLÍFSINS
Það kostaði mikla vinnu að halda við gömlu torflauginni. Hún grugg-
aðist og var ekki alltaf álitleg fyrir almenna sundgesti þótt hún hafi eitt-
hvað verið notuð af almenningi. Ekki var hægt að keppa í henni. Sund-
keppnir félagsins fóru yfirleitt fram í Norðurá, í Haugahyl, skammt frá
skóla húsinu á Hlöðutúnsholti sem jafnframt var fundarhús félagsins.
Það varð baráttumál ungmennafélagsins að byggja nýja sundlaug. Það
dróst þó á langinn vegna fjárskorts.
Jónas Ólafsson, vinnumaður í Stafholti, hreyfði fyrstur hugmyndinni
um að steypa upp sundlaug, ef marka má fundargerðarbækur ung-
menna félagsins sem varðveittar eru á Héraðsskjalasafni Borgarfjarðar, og
stóð manna mest fyrir byggingu hennar. Hann ræddi málið fyrst á fundi
á árinu 1919. Miklar viðgerðir sem gera þurfti á torflauginni nokkrum
árum seinna hreyfðu líka við sundlaugarmálinu. Lögð var áhersla á að
safna fé í laugarsjóð og gekk það allvel.
Svo fór að á árinu 1930 var keypt efni í nýja sundlaug og því ekið að
Veggjalaug og sumarið eftir var sundlaugin steypt. Verkstjóri við sund-
laugarbygginguna var Jón Jónsson sem lengi hafði verið ráðsmað ur á
Gils bakka en varð síðar bóndi í Árdal. Mölin í steypuna var keyrð úr
Norðurá. Laugin var 20 sinnum 10 metrar að stærð. Grunna laug in
var um metri á dýpt og sú djúpa um 2 metrar. Stökkpall ur var byggð-
ur við syðri enda laugarinnar. Framkvæmdin kostaði um 8 þús und
krón ur. Fengust nokkrir styrkir til byggingarinnar, ríkissjóð ur lagði til
3 þúsund krónur, sýslusjóður 400 kr. og UMSB greiddi 200 kr. Af-
gang ur inn var fjármagnaður með laugarsjóði, gjöfum og láni sem Staf-
holts tungnahreppur ábyrgðist. Félagið komst ágætlega frá sund laugar-
bygg ingunni fjárhagslega. Ekki má þó gleyma því að fram kvæmdin var