Borgfirðingabók - 01.12.2015, Blaðsíða 219

219
B O R G F I R Ð I N G A B Ó K 2015
Hjónin á Höll20
Telja að Sveinn hafi komið að Króki á þrettándanum efir þriggja sólar-
hringa hrakning og þá hafi verið stytt að mestu upp hríðinni. Í öðru lagi
að byrði sú sem Sveinn tapaði (kassinn) hafi fundist stuttu síðar eða á
næsta ári hjá Austurá.
Davíð Arnbjargarlæk21
Telur vafa um útilegutímann, hallast fremur að 3 sólarhringum. Telur að
byllaust hafi verið er Sveinn kom að Króki, telur að kassinn hafi fundist
6 til 7 árum síðar hjá Austurárfossinum.
Halldór á Ásbjarnarstöðum22
Minnist þess dags er hríðin skall á, í því sambandi að hann þá á 12. ári
var sendur eftir hestum er voru við hús, var kafaldsfjúk er hann fór að
heiman en um það bil hann náði til hestanna er voru hjá svonefndu
Odds staðaskarði skall á með norðanhríð svo lítt eða ekkert sá, varð það
hans fanga ráð að skríða á bak á skjóttum hesti er faðir hans átti og kall-
aði Hring, sigaði síðan á hestana er óðara tóku á rás. Lagðist hann þá
fram á makkann og hélt sér með báðum höndum, ekki námu hestarnir
staðar fyrr en við hús sitt, þar var þá fyrir faðir Halldórs, var hann í þann
veg inn að leggja út í hríðina að leita að syni sínum er hann kom þar
heilu og höldnu. Halldór minnist þess að Sveinn sagði foreldrum hans
frá hrakningi sínum, ekki man hann söguna í einstökum atriðum en
hann man að Sveinn sagði að lokum: „Hefði nokkur getað séð til mín er
ég barðist við að halda á mér hita, myndi ég geta hugsað mér að sá hinn
sami hefði álitið að ég væri brjálaður maður“.
Magnús á Síðumúlaveggjum23
Fullyrðir að kassinn hafi verið fundinn minsta kosti 1888 og styðst hann
þar við að það kom til kasta Jóns í Norðtungu24 að koma í verð því
sem í honum var og hafi þá komið eitt rittið að Veggjum og nokkur
20 Hjónin á Höll. Sennilega eru það Einar Sigurðsson (1867 til 1950) bóndi og kona hans
Ingiríður Jónsdóttir (1868 til 1950). Ingiríður var dóttir Jóns Þórðarsonar í Norðtungu.
21 Davíð Þorsteinsson (1877 til 1967) bóndi á Arnbjargarlæk í Þverárhlíð.
22 Halldór Helgason (1874 til 1961) bóndi á Ásbjarnarstöðum í Stafholtstungum.
23 Magnús Halldórsson (1877 til 1973) bóndi á Síðumúlaveggjum í Hvítársíðu.
24 Jón í Norðtungu er nær örugglega Jón Þórðarson (1819 til 1891) bóndi þar. Hann lést
1891 en ekki 1889 eins og Magnús á Síðumúlaveggjum telur.