Bændablaðið - 15.12.2022, Side 62

62 Bændablaðið | Fimmtudagur 15. desember 2022
Allflestir landsbúar
ættu að kannast við
leikfélag Sólheima
sem hefur gert
garðinn frægan
oftar en einu sinni.
Samfélagið í
Sólheimum, sem ætlað
er einstaklingum með
fjölbreyttan bakgrunn,
var stofnsett 1930
af frumkvöðlinum
Sesselju Hreindísi
Sigmundsdóttur.
Til viðbótar við
áherslu á ræktun
manns og náttúru,
hefur hið vel unna
menningarstarf Sól-
heima blómstrað yfir
áratugina.
Nú er líður að dögum jólahátíðar
eru margir sem gera sér dagamun
og fer samfélagið á Sólheimum
ekki varhluta af því. Litlu jólin
hafa jafnan verið haldin hátíðleg
á Sólheimum eins og gjarnan
er gert annars staðar, en þann 6.
desember síðastliðinn héldu með-
limir kórsins á Sólheimum og
Lionsklúbburinn Ægir litlu jólin
saman í hvorki meira né minna en
sextugasta og fimmta skiptið.
Fyrstu árin var uppistand í höndum
skemmtikrafta og tón- listarmanna
innan Lionsklúbbsins, en hin síðari
ár hafa listamenn utan klúbbsins
boðið fram krafta sína. Hangikjöt er
á boðstólum ásamt meðlæti og njóta
því allir viðstaddir stundarinnar til
fullnustu. Mikil jólastemning er, eins
og gefur að skilja, jólasaga sögð,
sungið og dansað.
Litlu jólin á Sólheimum
Meðlimir Sólheimakórsins hafa
nú heldur betur tekið til höndum
og fangað þessa jólastemningu, en
tekin var sú ákvörðun að ganga í
að setja saman plötu í samstarfi við
Lionsklúbbinn. Jólaplata Sólheima er
því nýútkomin og ber nafnið „Litlu
jólin á Sólheimum“.
Útgáfan er fjáröflunarverkefni
sem miðar að því að efla
menningarstarf Sólheima. Þeir fjár-
munir sem safnast renna í hljóð-
færasjóð sem nýtast mun
heimilisfólki, enda vel virk á sviði
tónlistar og sviðslista.Sólheimar
standa fyrir miklu tónlistar- og
kórastarfi, en kórstjórnandi er
Hallbjörn Valgeir Rúnarsson nokkur,
betur þekktur sem Halli Valli.
Klassísk lög sem allir þekkja
Platan, eða diskurinn öllu heldur,
inniheldur úrval jólalaga sem hafa
verið sungin á Sólheimum í áranna
rás og endurspeglar þá aðventu-
stemningu sem íbúar Sólheima og
gestir mynda.
Jólalögin eru klassísk og vel
þekkt, má þar af 15 lögum alls nefna
perlur á borð við Litla jólabarn, Ég sá
mömmu kyssa jólasvein og Fannhvíta
jörð. Flytjendur eru Sólheimakórinn
og vinir og hægt er að nálgast diskinn
á vefsíðunni www.solheimar.is undir
Listasmiðjunni fyrir 2.700 kr.
Umsjón og útgáfa
Er kemur að flutningi laga til viðbótar
kór Sólheima, er sá margfrægi
Ómar Ragnarsson einna fremstur
í flokki. Ómar hefur í um sextíu
ár skemmt gestum litlu jólanna,
en aðrir söngvarar eru Bergþór
Pálsson, Björgvin Franz Gíslason,
Magnea Tómasdóttir, Sigríður Ósk
Hrafnkelsdóttir og Tinna Margrét
Hrafnkelsdóttir.
Hljóðfæraleikarar
eru þeir Haraldur Thor-
steinsson (bassi), Hilmar
Sverrisson (hljómborð),
Ragnar Sigurjónsson (slagverk)
og Tryggvi Hübner (gítar).
Útsetningu sáu Hilmar Sverrisson
og Haraldur Thorsteinson um,
myndskreyting á umslagi disksins
var gerð af Ruth Haraldsdóttur
og hönnun í umsjón Guðmundar
Pálssonar.
Margumvert er að koma
á framfæri hversu þakklát tón-
listardeild Sólheima er Lions-
klúbbnum Ægi og auðvitað Magneu
Tómasdóttur, verkefnastjóra plöt-
unnar, fyrir þetta frábæra fjár-
öflunarverkefni. Það kemur sér mjög
vel því verkefni tónlistardeildarinnar
snúa einnig að skipulagningu tónleika
og upptökum og því alltaf þörf fyrir
að uppfæra og bæta búnað.
/SP
Sólheimar og Lionsklúbburinn Ægir:
Jólaplatan í ár
Bjúgnakrækir kom til byggða í tilefni
litlu jólanna og gladdi gestina.
Kór Sólheima býr að einstaklega skemmtilegum og góðum söngvurum. Myndir / Halli Valli
Þarna má finna hin ýmsu
jólalög sem allir ættu að geta
sungið með.
Mikil stemning var á litlu jólunum og margir í skemmtilegum peysum.
Glaumur og gleði er jafnan á æfingum. Þarna má sjá Magneu Tómasdóttur
rífa upp stemninguna.
Volvo 2016 XC90 inscription t8.
Keyrður 112.000 Km. Hvít leðurklæðning.
Hiti í fram- og aftursætum. Hiti í stýri.
Ásett verð kr. 6.800.000,-
Staðsettur á Norðurlandi,
allar nánari upplýsingar í síma 842-7843.
GULLMOLI TIL SÖLU
Út er komin bókin Vinir Ferguson
og Vestfjarða þar sem ferðasögu
félaganna Karls G. Friðrikssonar og
Grétars Gústavssonar er gerð skil.
Með ferðinni vildu þeir láta
gott af sér leiða og vekja athygli
á verkefninu Vinátta, sem er
forvarnarverkefni Barnaheilla
gegn einelti. Árið 2015 fóru Karl
og Grétar þjóðveg 1 á tveimur
Massey Ferguson 35X árgerð 1963
til að vekja athygli á áðurnefndu
verkefni. Mjög fljótlega eftir að þeir
luku við þann hring var þeim bent
á að þeir ættu stóran hluta landsins
eftir – þ.e. Vestfirði, sem þeir gerðu
skil í sumar.
Hér birtist á prenti skemmtileg
frásögn Karls af þessari ferð og
er bókin ríkulega myndskreytt.
Lesendur fá annars vegar innsýn í þá
núvitundarhugleiðslu sem fylgir því
að sitja einn í traktor á 25 kílómetra
hraða sem ekið er í gegnum fallega
náttúru. Hins vegar eru sögur af öllu
því fólki sem þeir hittu á leiðinni, enda
vildu allir vita á hvaða ferðalagi tveir
eldri menn á tveimur fagurrauðum
traktorum væru. Þeir sem hafa gaman
af ferðasögum og dráttarvélum munu
hafa ánægju af lestri þessa rits. Allur
ágóðinn af sölu bókarinnar rennur til
verkefnisins Vinátta gegn einelti hjá
Barnaheillum. /ÁL
Vestfjarðahringur á Ferguson
Grétar Gústavsson og Karl G. Friðriksson.
Íslensk lömb – Lambadagatal 2023
er komið út.
Prýðir það að venju ljósmyndir frá
sauðburði í maí 2022, af um sólarhrings
gömlum lömbum úti í íslenskri náttúru
í fyrsta sinn í lífinu. Myndirnar fanga
vel fegurð þeirra, persónuleika,
geðslag ásamt þeirri einstöku dásemd
sem fólgin er í nýju lífi að vori.
Margslungnum litaafbrigðum íslensku
sauðkindarinnar eru gerð góð skil á
dagatölunum nú sem fyrr og nefna má
t.a.m. hvít, svört, doppótt, móbíldótt,
mórautt, móbotnótt, svarbotnótt,
goltótt, gráírótt, móflekkótt,
grábotnótt, ýrumókrúnótt, leistótt,
baugótt auk fjölda annarra litaafbrigða
íslensku sauðkindarinnar.
Ragnar Þorsteinsson, sauðfjárbóndi
í Sýrnesi í Aðaldal, er útgefandi og
höfundur lambadagatalsins og segir
það bæði gefandi og krefjandi að
taka myndir af lömbum eins og öðru
ungviði.
„Þau eru mjög sjálfstæð, og á
sífelldri hreyfingu, fylgjast vel með
því sem um er að vera. Áður en
lömbin fara í myndatöku þarf að
vera búið að spjalla við þau, kela,
knúsa, vinna traust þeirra og vináttu
svo þau verði nú ekki skelfingu lostin
yfir þessari margbreytilegu og skrítnu
veröld sem þau eru að upplifa og
hafa þarf í huga grundvallarregluna í
samskiptum. Lömb eru vitsmunaverur
með tilfinningar og það þarf að koma
fram við þau sem slík.“ /MÞÞ
Lömb eru vitsmunaverur