Veiðimaðurinn - 01.09.1967, Side 39

landsins til að sleppa í ár í Norðnr-Sví-
þjóð. Vegna hlýrra og mildara veður-
fars verður eldið svo miklu ódýrara suð-
ur frá, að meira nemur en flutnings-
kostnaðinum.
Merkingartilraunirnar hafa sýnt að
stærð seiðanna, þegar þeim er sleppt, hef-
ur mikla þýðingu. Ef þau eru minni en
13—13V2 cm. á lengd (ca. 25 gr.) verður
endurveiðin mjög lítil. Að meðaltali
eykst hún um 1—2% fyrir hvern cm.
í lengdaraukningu. Innan systkinahópa
getur þessi munur verið ennþá meiri.
Bendir það til þess að stærstu seiðin hafi
bæði mesta möguleika á að lifa efcir
sleppingu og að lífseigustu seiðin vaxi
hraðast í eldinu.
Seiðunum er sleppt neðarlega í árnar
og þótt þau dvelji aðeins skamma stund
þar, áður en þau ganga til sjávar, rata
þau aftur í ána, sem þeim var sleppt í.
Einnig hefur gefið jafn góðan árangur
að sleppa seiðum beint í sjó. Rata þau
þangað aftur fullvaxin og sé þeim sleppt
nálægt árósi, ganga þau í þá á til hrygn-
ingar. (Svíar veiða mest af laxinum í
Eystrasalti. Veiðarnar eru stundaðar allt
árið, með netum eða lóð). Líklegt er að
laxastofn hverrar ár hafi sérstaklega að-
lagast lífsskilyrðum hennar og hafi því
sín séreinkenni, svo sem um niðurgöngu-
tíma seiðanna, endurgöngu í árnar og
hrygmngu.
Ef til vill gefa áframhaldandi rann-
sóknir ákveðið svar við þeirri spurningu,
en þangað til slíkt svar fæst, er ráðlegt
að taka hrogn úr laxi úr þeirri á, sem
sleppa á seiðum í, hvar sem þau eru alin.
Vöxtur seiðanna er mjög hraður í
sjónum. Það tekur seiðin 2—3 ár að ná
Veiðimaðurinn
25 gr. þunga í ánum, en þegar eftir árs-
dvöl í sjó hefur hann náð veiðistærð.
Merkingar á laxi frá Indalsánni 1959
sýndu að meðalþungi á öðru sumri var
1—2 kg., annan veturinn 3—4 kg., þriðja
sumarið 4—5 kg., þriðja veturinn 6—7
kg. og fjórða sumarið 8—10 kg. Meðal-
þyngd allra merktra laxa á umræddum
árum hefur verið 4,0—4,7 kg.
Frd kennslu- og kastnefnd S.V.F.R.
Fyrsta kastnámskeið S.V.F.R. á þess-
um vetri hefst í íþróttahöllinni í Laug-
ardal sunnudaginn 8. okt. og stendur yfir
næstu 5 sunnudaga. Annað námskeið
hefst svo sunnudaginn 12. nóv. og stend-
ur yfir næstu 4 sunnudaga.
Tímarnir hefjast kl.10:20.
Vegna þess hve aðsókn hefur verið
mikil er mjög áríðandi að félagsmenn til-
kynni þátttöku tímanlega.
Tilkynningar um þátttöku og nánari
upplýsingar um námskeiðin hjá Halldóri
Erlendssyni, sími 18382, og Sigbirni Ei-
ríkssyni, sími 34205.
Bezt að hringja kl. 19,30—20.
33