Veiðimaðurinn - 01.09.1967, Blaðsíða 43

æð Elliðaárstöðvar niður að þrónum, og
vatninu dreift í þrær og skurði um vatn-
skipti stokk. Frárennsli er stjórnað um
svokallaðan „munk“, sem er grafinn inn
í árbakkann og leiðir frárennslið út í
Neðri Móhyl.
Eldisrými í Washingtonþró, jarðþró
og sjö seiðaskurðum er um 525 m2. I
þessu eldisrými og eldiskössum hafa
verið tekin 350.000 seiði til sumareldis.
Fyrning á seiðum liefur verið um 40—
60% til jafnaðar, en seiðaþungi í lok
sumareldis frá 0,7—1,5 gr.
Eldishúsið.
Sumareldi í eldiskössum og útiþróm
bar viðunandi árangur, en tilraunir á
eldi seiða upp í göngustærð gáfu vís-
bendingu um að vetrareldinu fylgdu
margvíslegir örðugleikar, sem takmörk-
uðu hagstæðan og öruggan árangur.
Þetta leiddi til þess, að á árunum 1959—
’60 var gerð á vegum RR áætlun um
byggingu og rekstur eldisstöðvar, þar sem
gert var ráð fyrir eldishúsi með eldis-
rými fyrir allt að 50.000 seiði.
Framkvæmdir á byggingu eldishúss
töfðust fram til 1964, en þá var hafist
handa um að reisa það, og í ársbyrjun
1965 voru fyrstu seiðin tekin inn í húsið.
Eldishúsinu var valinn staður und-
ir Ártúnsbrekku við hitaveitustokk,
skammt ofan við olíugeyma Varastöðv-
arinnar og er það þannig í nánum tengsl-
um við útieldissvæðið. Eldishúsið er tré-
grindarhús byggt á steyptum grunni og
flatarmál þess 227 m2. Ytri klæðning er
sköruð viðarklæðning, útveggir einangr-
aðir með frauðplastplötum, en húsið er
klætt að innan með asbestplötum.
Innrétting á eldishúsinu er eins og
sýnt er á meðfylgjandi grunnteikningu.
í klaksal var gert ráð fyrir að nota
klakskápa fyrir tvær til þrjár milljónir
hrogna. Smíðaðar voru tvær skápasam-
stæður af þremur, sem gert var ráð fyrir
að setja upp í klaksalinn. I hvorri skápa-
samstæðu er 7 skápum raðað hlið við
ldið. I hverjum skáp eru 18 klakbakkar
og er innanmál þeirra 48x26 cm eða
1250 sm2. Ef miðað er við að 6 hrogn
komi á hvern cm2 klakflatar, rúmar hver
bakki 7500 hrogn, en það svarar til að
klakrými tveggja skápasamstæðna sé fyr-
ir 1,8 millj. hrogna.
Skáparnir reyndust ekki eins og til
var ætlast. Þeir voru smíðaðir úr ál-
blöndu sem tærist í vatni. Tæringin
37
VlílÐIMAÐUIÍINN