Veiðimaðurinn - 01.12.1989, Side 9

Arthur Bogason
Af sönnum
Sandárhöfðing j a
Ég er einn af þessum „ólánsömu“ veiði-
mönnum sem alvarlega eru haldnir stór-
laxaveikinni. Oft hef ég átt erfitt með að
berja mig í svefn að kvöldi veiðidags þegar
ég hef séð stóran lax í einhverjum hylnum
og reynt við hann tímunum saman, auðvit-
að án árangurs.
í stofunni hjá mér stendur uppstoppað-
ur alíslenskur lax, sem vigtaði tuttuguog-
eittoghálft kíló. Það er ósköp notalegt á
slagviðrasömum vetrarkvöldum að flat-
maga hérna í sófanum og virða fyrir sér
þetta tröll, gæða hann lífi í huganum á ný
og setja hann í fagran streng með krók í
kjafti. Þessi fiskur kynntist reyndar aldrei
stíðum streng eða lygnri breiðu vegna þess
að hann var alinn í þessa stærð, en hann
sannar að íslenskir laxar geta orðið þetta
stórir og það er ekkert sem segir að þeir
geti ekki orðið enn stærri.
Þau eru ófá kvöldin í veiðiferðunum
sem félagar mínir hlusta af aðdáunarverðri
þolinmæði á dramatískar útfærslurnar hjá
mér á stærð og gildleika einhverra fiska.
En ég á góða veiðifélaga. Þeir vita hvað
hrjáir manninn og alltaf er athygli þeirra
fölskvalaus.
Af framansögðu mætti álíta að ég sé í því
alla mína veiðidaga að skaka á lystarlausum
stórlöxum og í kjölfarið kjökrandi á kvöld-
in yfir óförunum.
Arthur Bogason er útgerðarmaður ogfisk-
verkandi í Vestmannaeyjum. A myndinni
er hann með 20 punda hceng, tekinn á flugu
á Staðarstíflunni í Laxá í Aðaldal. Ljósm.
Sveinbjörn Jónsson.
VEIÐIMAÐURINN
7