Veiðimaðurinn - 01.12.1989, Síða 32

framt hefur stangafjöldi og veiðitími verið
takmarkaður.
Veiðieftirlit
Eitt af mörgum nýmælum laga nr. 61/
1932 var eftirlit með veiði. Samkvæmt
þeim var heimilt að skipa sérstaka veiði-
eftirlitsmenn. Árið 1934 var fyrst skipaður
eftirlitsmaður með veiði í Borgarfirði. Ekki
hefur þótt ástæða til að fela almennri lög-
gæslu veiðieftirlit. Þetta er skynsamleg
ákvörðun vegna þess hve sérhæft veiði-
eftirlit er og þarf að framkvæmast við
margskonar aðstæður. Þessu er líkt farið
og eftirlitsþáttum á sjó en þar eru ýmist
sérstakir löggæsluaðilar, landhelgisgæslan
með sérhæfðan búnað til löggæslu á sjó og
veiðieftirlitsmenn sem fara í báta og skip
og fylgjast með veiði og veiðarfærum.
Óhætt er að fullyrða að veiðieftirlit er
mikilvægur þáttur í fískræktarstarfi og
grundvöllur þess að ræktun laxveiðiánna
verði áfram haldið og geti tekið þeim fram-
förum sem mögulegt er í okkar frjósömu
laxveiðiám.
Vaxandi verðmæti
Með tilkomu þeirrar ítarlegu veiðilög-
gjafar sem ég hef áður lýst, hefur veiðirétt-
areigendum tekist að byggja upp í kringum
laxveiðiárnar þjónusturamma sem er mjög
verðmætur og skilar drjúgu fjármagni inn í
þær sveitir, sem góð veiðivötn með tilheyr-
andi þjónusturamma hafa upp á að bjóða.
Sennilega eru óvíða í okkar umhverfi jafn-
miklir möguleikar fólgnir, eins og í veiði-
vötnum okkar, hvar sem er á landinu, og
því er mjög mikilsvert að fiskræktarstarf
og nýting á þekkingu til fiskræktar fái að
njóta sín. Það gerist ekki öðru vísi en fisk-
urinn fái að ganga sem mest óhrindrað
aftur í það veiðivatn sem hann var uppal-
inn í. Þetta er það sem löggjafinn ætlast til
og hefur þróað í gegnum þá sögu löggjafar-
innar, sem ég hef áður rakið.
Af heimavelli
Þegar ég tók við formennsku í Veiði-
félagi Miðfirðinga árið 1973 var oft kvartað
um netaför á laxi veiðimanna. Kvað svo
rammt að þessu, að í verstu tilfellum voru
margir laxar netamerktir. Fyrstu árin vildi
maður ekki trúa því að ólögleg laxveiði í
sjó væri stunduð að nokkru marki. En með
vaxandi umkvörtunum veiðimanna jókst
þrýstingur á að frekari athugun færi fram á
þessum þætti eftirlitsins.
Eftirlitsferð var farin um Miðfjörð að
austanverðu undir stjórn Konráðs Egg-
ertssonar, veiðieftirlitsmanns, hinn 16.
júlí 1977 og gaf hann skýrslu um ferðina.
Ferðin var farin á friðunartíma þegar sil-
unganet máttu ekki vera í sjó. I ferð þessari
voru net gerð upptæk svo og lax sem í þeim
var. Þetta sumar dró mjög úr netaförum á
fiski, eftir þessa eftirlitsferð, og veiðin
varð mjög góð, raunar mesta veiðisumar
sem komið hefur í Miðfjarðará, eða 2.581
lax.
Traustir bandamenn!
Eftirmálar urðu töluverðir af þessari
eftirlitsferð og vakti athygli hversu íbúar
þéttbýlisins á Hvammstanga tóku málið
illa upp. Maður gæti þó haldið að þeir væru
okkar traustu bandamenn því sveitirnar
hafa byggt allan sinn þjónusturamma upp
á Hvammstanga, verslim, úrvinnslu land-
búnaðarvara, heilsugæslu, sjúkrahús o.íl.,
sem þeir síðan byggja sína atvinnu á og
skattleggja ítarlega. Segja má að þeim hafi
með þessari uppbyggingu verið falin bæði
meðhöndlun og meðferð fjármála sveit-
anna svo og uppbygging andlegrar og
líkamlegrar líðanar sveitafólksins. Nánast
einu fyrirtækin sem rekin eru í sveitunum,
30
VEIÐIMAÐURINN