Landsfundur Sjálfstæðisflokksins - 01.12.1967, Síða 57

hafa náið samstarf við samtök iðnaðarins,
Félag íslenzkra iðnrekenda og Landssamband
iðnaðarmanna, og gert öllum hlutaðeigandi að-
ilum ljósa grein fyrir þeirri stefnu, sem hún
hefir fylgt og mun fylgja, og hefir þar ekkert
farið á milli mála. Get ég rakið stuttlega
nokkur meginatriði hinnar yfirlýstu stefnu
ríkisstjórnarinnar, sem er eftirfarandi:
Stefnt sé að því, að ríkja megi jafnrétti
milli aðalatvinnuvega landsmanna.
Stefnt sé að því að létta tollum af vélum
og hráefnum iðnaðarins, samfara því, að toll-
um sé almennt aflétt til þess að veita al-
menningi ódýrari vörur og betra vöruval og
draga með því úr dýrtíð í landinu. f þessu
sambandi hefur iðnaðinum verið heitið eðlileg-
um aðlögunartíma og ráðstöfunum til að-
stoðar.
Haldið verði áfram að efla Iðnlánasjóð svo
að iðnaðinum skapist viðunandi stofnlánaað-
staða.
Ríkisstjórnin hefir viljað stuðla að því, að
hefjast megi í landinu nýjar atvinnugreinar á
sviði iðnaðar, þar sem horfur eru á, að verð
og gæði standist erlenda samkeppni, og telur
þjóðhagslega mikilvægt, að slíkar atvinnu-
greinar eflist, svo sem innlend stálskipasmíði
samfara endurbyggingu og uppbyggingu gam-
alla og úreltra dráttarbrauta.
Stefnt hefur verið að þvi að stórefla rann-
sóknarstofnanir í þágu iðnaðarins.
Stefnt hefur verið að virkjun stórfljóta
landsins, byggingu stórra raforkuvera, sem
verði grundvöllur og orkugjafi fjölþættrar iðn-
væðingar í landinu. Samhliða stórvirkjunum
hefjist stóriðja í landinu.
Hér hafa verið rakin nokkur meginatriði
stefnu-sjónarmiða, en þess skal nú freistað
að rekja í sem allra stytztu máli hvernig að
einstökum atriðum hefur verið unnið.
Lánsfjármálin tekið stakkaskiptum.
Lánsfjármál iðnaðarins ber ef til vill oftast
á góma. Það er ekkert einstakt fyrir þessa
atvinnugrein, þar sem við búum í fjármagns-
litlu landi. Ég hika þó ekki við að segja, að í
þessum efnum hafi orðið stökkbreyting á síð-
ari árum, og skal nefna eftirfarandi dæmi því
til staðfestingar:
Iðnlánasjóður hefir getað veitt tuttugu sinn-
um meiri lán á undanförnum fjórum árum
en á fjögurra ára tímabilj 1956—1959, Þá
veitti hann alls um 11 milljónir króna, en á
síðustu fjórum árum 224,5 milljónir króna lán.
Lánveitingar Iðnlánasjóðs á sl. ári námu 76,5
millj. króna, en áætlað er, að ráðstöfunarfé
Iðnlánasjóðs á þessu ári geti orðið 120—130
milljónir króna. Útlánaaukning Iðnlánasjóðs á
síðustu fjórum árum nemur 710%. Innláns-
aukning í Iðnaðarbanka íslands á síðustu
f jórum árum nemur um 260% og aukning út-
lána á sama tíma um 230% eða 57,5% að
meðaltali á ári. Þetta er mikil útlánaaukning.
Á sama tíma hefir iðnaðurinn haldið hlutfalli
sínu í útlánum í öðrum viðskiptabönkum
landsins. Samt sem áður segi ég ekki, að í
þessu felist, að iðnaðurinn þyrfti ekki á að
halda og væri betur kominn ef hann nyti
miklu meiri útlána, bæði í stofnlánum og
rekstrarfé. Þjóð, sem byggir ört og í ákafa
framþróun sína, leitar að sjálfsögðu alls stað-
ar eftir auknu lánsfé. Hinu má ekki halda
fram, sem er öfugmæli, að veitzt hafi verið
að þessari atvinnugrein með því að halda
henni í lánsfjársvelti.
Efling Iðnlánasjóðs.
Margar breytingar hafa á síðustu tveimur
árum verið gerðar á iðnlánasjóðslögunum.
Stofnuð hefir verið hagræðingalánadeild við
Iðnlánsjóð til þess að stuðla að framleiðni-
aukningu og aðstoða iðnaðinn á aðlögunar-
tímabili í sambandi við tollalækkanir og
breytta viðskiptahætti. Iðnlánasióður leitar nú
með lánsútboði eftir fjármagni til þessarar
deildar til útlána, allt að 25 milljónum króna
og mun þegar hafa tryggt sér um 15 milljónir
króna, en lánsútboð sjóðsins var miðað við 25
milljónir og verður lagt kapp á að ná því
marki. Lánsheimildir Iðnlánasjóðs hafa verið
auknar úr 100 milljónum króna í 300 millj.
króna og ríkisstjórnin hefir árlega útvegað
sióðnum lánsfé og þar með aukið ráðstöfunar-
fé hans. Nú í þinglokin var stofnuð ný deild
við Iðnlánasjóð, veiðarfæradeild, til þess að
styrkja og efla íslenzkan veiðarfæraiðnað,
deildinni var látið í té stofnfé, 11,6 milljónir
króna, tekjur, sem eru 1% innflutningsgjald
af veiðarfærum og jafnframt er Iðnlánasjóði
veitt lánsheimild, hennar vegna, allt að 10
millj. króna og ríkissjóði heimilt að ábyrgjast.
Lausaskuldum iðnaðarins hefur með löggjöf
verið heimilað að breyta í föst lán og er nú
unnið að því. Herða þarf framkvæmd þeirrar
55