Landsfundur Sjálfstæðisflokksins - 01.12.1967, Side 85

ancli ríkisstjórnar, þá er jtað útilokað nema
grípa til beinna ríkisafskipta og hafta þann-
ig að sé eitthvað að baki þeim fullyrðingum
Framsóknarmanna, að á þessu sviði þurfi nýja
stefnu, þá hljóta þeir að eiga við fjárfesting-
arhöft með öllu því fargani, sem af þeim
leiddi á sínum tíma, spillingu og margvíslegri
rangsleitni. Höft, sem fullyrða má, miðað við
fengna reynslu, að muni leiða af sér meira
tjón en gagn fyrir þjóðfélagið.
Framkvæmdaáætlanir.
fyrir einstaka landshluta.
Til viðbótar þessari almennu áætlanagerð
um framkvæmdir í landinu hefur ríkisstjórn-
in hafizt handa um að láta gera sérstakar
framkvæmdaáætlanir fyrir einstaka lands-
hluta með það í huga að stuðla að jafnvægi
í byggð landsins. Hafa byggðajafnvægismálin
fyrst í tíð þessarar ríkisstjórnar verið tekin
föstum tökum, um leið og reynt hefur
verið að leggja grundvöll að skipulags-
bundnum vinnubrögðum á þessu sviði. Reynsl-
an undanfarin ár hefur ótvírætt leitt í
ljós, að það er alls ekki nóg að stuðla að
nægri atvinnu fyrir fólkið víðs vegar um land-
ið, því að bætt efnahagsafkoma leiðir beinlínis
af sér auknar kröfur um aukin þægindi á öðr-
um sviðum, bæði félagslega og menningarlega.
Varðandi atvinnuuppbyggingu viðs vegar um
landið, hafa samgöngurnar einnig grundvall-
arþýðingu, þannig að hér er um fjölþætt vanda-
mál að ræða. Fyrsta áætlunin á þessu sviði,
sem hrundið hefur verið í framkvæmd, er sam-
gönguáætlun Vestfjarða, sem þegar hefur skil-
að miklum árangri. Og rammaáætlun hefur
einnig verið gerð um atvinnuuppbyggingu
þess landshluta. Vegna langvinns aflabrests
fyrir Norðurlandi hefur verið við verulega at-
vinnuörðugleika að stríða þar á ýmsum stöðum
síðustu árin, og í sambandi við kjarasamn-
inga við verkalýðsfélögin á Noi'ðurlandi og
Austurlandi 1965 var ákveðið að hefjast handa
um gerð framkvæmdaáætlunar fyrir Norður-
land og hefur af fullum krafti verið unnið að
þeirri áætlun síðan. Jafnóðum og einstakir
þættir hennar hafa verið tilbúnir, hefur At-
vinnujöfnunarsjóður fengið þá til hliðsjónar
við ákvörðun lánveitinga á því svæði. Vitan-
lega er slík áætlanagerð mikið verk og skiptir
miklu máli, að það sé vandlega unnið. Mun því
enn taka nokkurn tima að ljúka heildaráætlun
fyrir Norðurland, en það er fyrsta byggða-
jafnvægisáætlun hér á landi, sem algjörlega er
unnin af íslenzkum sérfræðingum. Hygg ég að
ótvírætt megi fullyrða, að þeir séu vel til þess
færir og Efnahagsstofnunin hafi bæði á þessu
sviði og mörgum öðrum sannað tilverurétt
sinn og hæfileika þeirra manna, sem þar vinna.
Með tilkomu Atvinnujöfnunarsjóðs hefur
reynzt auðið að stuðla að byggðajafnvægis-
framkvæmdum í miklu stærri stíl en áður, og
verður unnið að því að breikka þann grund-
völl, eftir því sem framkvæmdaáætlanir liggja
fyrir. Atvinnujöfnunarsjóði hefur til frambúð-
ar verið tryggður öruggur tekjustofn, þar
sem eru skattgreiðslur álbræðslunnar og auk
þess hefur sjóðurinn víðtækar lántökuheimild-
ir. Má ætla að auðið reynist að afla fjár til
ýmissa þátta í framkvæmdaáætlunum þessum,
svo sem varð með samgönguáætlun Vestfjarða.
Tilkoma Atvinnujöfnunarsjóðs og gerð fram-
kvæmdaáætlana fyrir hina ýmsu landshluta
er enn ein staðfesting á því, hversu haldlausar
eru þær ásakanir, að allar framkvæmdir hér
á landi hafi verið látnar þróast skipulags- og
kerfislaust.
Efling stofnlánasjóðanna.
I sambandi við efnahagsþróunina og upp-
byggingu atvinnulífs er að sjálfsögðu
nauðsynlegt að treysta sem bezt stofnfjárlána-
sjóði atvinnuveganna og í þeim efnum hafa
stórátök verið gerð á síðustu árum. Munu
flestir einna helzt harma það nú, að slík átök
skuli ekki hafa verið gerð fyrir löngu. Fyrsta
mikilvæga framkvæmdin á þessu sviði var end-
urskipulagning stofnlánasjóða landbúnaðarins,
sem síðustu árin hefur lagt grundvöll að fjár-
festingalánveitingum til landbúnaðarins, sem
gersamlega hefðu verið óhugsandi að óbreyttu
kerfi. Hefðu þeir menn, sem lengst af hafa
viljað láta telja sig sérstaka vini landbúnaðar-
ins, haft frumkvæði um slika endurskipulagn-
ingu þessara lánastofnana, meðan þeir réðu
þeim málum, þá hefði verið auðið að veita
nú enn hærri lán til fjárfestingar í sveitum.
Fiskveiðasjóður íslands hefur verið byggður
upp af sjávarútveginum sjálfum, en útvegs-
menn hafa jafnan haft skilning á því, að það
þjónaði þeirra hagsmunum að leggja fé til
þess sjóðs. Ríkissjóður leggur nú verulegt
framlag til Fiskveiðasjóðs árlega á móti fram-
lagi sjávarútvegsins, og á síðastliðnu ári var
83