Fréttablaðið - 25.03.2023, Síða 28

Viktoría Hermannsdóttir
dagskrárgerðarkona hefur
ástríðu fyrir starfi sínu og
segir það í raun vera áhuga-
mál sitt. Hún hlaut tvær
Eddur fyrir störf sín um
nýliðna helgi.
Viktoríu dreymdi um að starfa fyrir
fjölmiðla frá barnsaldri og byrjaði
snemma að þróa sig og æfa í starfi
og leik. Viktoría er með BA í mann-
fræði og MA í hagnýtri menningar-
miðlun sem hefur nýst henni vel í
starfi. Hún er gift Sólmundi Hólm
og samtals eiga þau fimm börn. „Ég
átti eina dóttur fyrir og hann tvo
syni, við eigum svo tvö börn saman.
Þau eru á aldrinum 1 og 1/2 árs til
15 ára,“ segir Viktoría sem elskar
að eiga stóra fjölskyldu og hafa líf
kringum sig.
Sögur allt í kringum okkur
„Alveg frá því ég var lítil langaði
mig að starfa við fjölmiðla. Ég hafði
mikinn áhuga á fjölmiðlum og
fylgdist vel með. Ég bjó til skólablöð
með vinum mínum og við vorum
alltaf að taka upp bæði útvarps- og
sjónvarpsþætti auk ýmissa mynda.
Pabbar tveggja vinkvenna minna,
þeirra Evu og Önnu, voru í vakta-
vinnu og þeir voru óspart notaðir
í vaktafríum til að taka upp hin
ýmsu atriði af því þeir áttu báðir
myndbandsupptökuvélar. Janus,
besti vinur minn, fékk svo mynd-
bandsupptökuvél í fermingargjöf
og þá var ekki stoppað við að taka
ýmislegt upp,“ segir Viktoría og
hlær.
„Starfið er lifandi og skemmti-
legt og enginn dagur eins. Maður
hittir alls konar fólk og fær að heyra
magnaðar sögur. Það eru nefni-
lega sögur allt í kringum okkur, við
þurfum bara að hlusta eftir þeim.
Síðan fæ ég líka að grúska og gera
alls konar áhugavert og skemmti-
legt. Ég hef alltaf haft mikla rétt-
lætiskennd og þoli ekki óréttlæti.
Mér finnst að allir eigi að vera
jafnir, sama hvaðan fólk kemur en
svo brenn ég líka bara fyrir að hafa
gaman af þessu.“
Stendur hjarta mér næst
Þegar Viktoría er beðin um að
lýsa sér sem persónu er hún ósköp
hógvær. „Ég er bara ósköp venjuleg,
fæ hluti á heilann og get örugglega
verið dálítið þreytandi þegar það
gerist, og það gerist dálítið oft. Ég er
grúskari og eiginlega er vinnan mín
dálítill lífsstíll af því hún er eigin-
lega aðaláhugamálið mitt,“ segir
hún og brosir.
Hvað er það áhugaverðasta sem
þú hefur tekið að þér þegar kemur
Lánsöm að starfa við það sem er skemmtilegast
Viktoría Her-
mannsdóttir
dagskrárgerðar-
kona hlaut
tvær Eddur
síðastliðinn
sunnudag, fyrir
heimildarmynd
ársins og sem
sjónvarpsmann-
eskja ársins.
FRÉTTABLAÐIÐ/
VALLI
að dagskrárgerð eða vinnu við
heimildarmynd?
„Ég er svo heppin að geta yfirleitt
stýrt umfjöllunarefnum mínum
sjálf og finnst ég þess vegna yfir-
leitt vera að fjalla um eitthvað
áhugavert hverju sinni. Heim-
ildarmyndin Velkominn Árni sem
byrjaði út frá útvarpsþættinum
Á ég bróður á Íslandi? er kannski
það sem stendur hjarta mér næst.
Þetta er í fyrsta skipti sem ég geri
heimildarmynd og ég lærði ótrú-
lega margt í því ferli enda er það
að mörgu leyti mjög ólíkt því að
vinna sjónvarpsþætti þó að margt
sé líkt líka. Það hafa líka myndast
mikil og sterkt tengsl við við-
fangsefnið en Árni er nú eiginlega
orðinn hluti af okkar fjölskyldu.
Þetta hefur verið ótrúlegt
ævintýri en líka mjög lærdóms-
ríkt. Mér þykir líka vænt um allar
þáttaraðirnar sem ég hef gert.
Þær eru ólíkar en vinnan við þær
allar skemmtileg. Ég var að klára
núna aðra þáttaröð af Hvunn-
dagshetjum sem verður sýnd á
næstu mánuðum. Þar heyrum við
sögur venjulegs fólks sem bætir
samfélagið á einhvern hátt. Svo
er ég líka að vinna núna að þriðju
þáttaröðinni af Fyrir alla muni
með Sigga vini mínum. Mér þykir
vinnan við þá líka alveg sjúklega
skemmtileg af því þá fæ ég að
grúska í heimildum og gera alls
konar nördalegt sem ég elska. Það
er mikil rannsóknarvinna að baki
hverjum þætti og mjög skemmti-
legt að komast að alls konar
hlutum en í leiðinni flakka um
söguna. Ég var líka með þætti á Rás
1 einu sinni sem heita Málið er, það
fannst mér líka mjög skemmtilegt
og margir þeirra sem lifa góðu lífi
enn. Svo er ég líka komin í Kast-
ljósið núna og finnst mér skemmti-
legt að gera innslög þar. Ég fæ mjög
mikið af hugmyndum og það er
Sjöfn
Þórðardóttir
sjofn
@frettabladid.is
gott að hafa mismunandi farveg til
að koma þeim í. Mér finnst ég alveg
ótrúlega lánsöm að fá að starfa við
það sem mér finnst skemmtilegast
að gera.“
Heiður að fá viðurkenningu
Edduverðlaunin voru kunngerð
við hátíðlega athöfn í Háskólabíó
á sunnudaginn þar sem Viktoría
hlaut tvær Eddur, annars vegar
sem sjónvarpsmanneskja ársins og
hins vegar fyrir bestu heimildar-
myndina, Velkominn Árni.
„Það er mjög mikill heiður að
fá viðurkenningu fyrir störf sín.
Ég hef nokkrum sinnum verið til-
nefnd áður til Edduverðlaunanna
en aldrei fengið Eddu áður þannig
að það var mjög skemmtilegt að fá
tvær núna af þremur tilnefningum.
Ég er reyndar frekar feimin og lítið
fyrir að tala fyrir framan marg-
menni, finnst þægilegra að beina
kastljósinu að viðmælendum
mínum heldur en mér sjálfri.
Þetta hafðist þó og var virkilega
skemmtilegt,“ segir Viktoría einlæg
og brosir.
Þegar Viktoría er spurð hvort
hún eigi sér stærri drauma þegar
kemur að dagskrárgerð stendur
ekki á svari. „Mig langar að halda
áfram að segja alls konar sögur af
alls konar fólk eins og ég hef verið
að gera. Það er það sem ég brenn
fyrir og ég vona að ég fái að halda
því áfram.“
Hvernig gengur að samtvinna
vinnu og fjölskyldulíf?
„Það gengur bara vel. Það er
alltaf nóg að gera og mikið fjör.“
Það er ekki laust við að störf
Viktoríu hafi smitast til barnanna,
elsta dóttir hennar hefur þegar
leikið í sjónvarpsþáttum og meira
til og fer létt með það. „Birta mín
sem er að verða 13 ára er alin upp
á hinum ýmsu fjölmiðlum enda
var hún mikið með mér í vinnunni
þegar hún var lítil. Litlu börnin
pæla minna í þessu en finnst
ekkert eðlilegra en að sjá foreldra
sína reglulega í sjónvarpinu,“ segir
Viktoría en hún og eiginmaður
hennar eru bæði oft í sviðsljósinu
og börnin kippa sér ekki upp við
það. n
Maður hittir alls
konar fólk og fær
að heyra magnaðar
sögur. Það eru nefnilega
sögur allt í kringum
okkur, við þurfum bara
að hlusta eftir þeim.
elin@frettabladid.is
Frábær kjúklingur á spjóti sem
hægt er að hafa á fermingar-
borðinu eða bara í kvöldmatinn.
Tréspjótin þurfa að liggja í bleyti
í hálftíma áður en þau eru sett í
ofninn eða á grillið. Kjötbitarnir
eru þræddir á spjótin og sósan
pensluð á þá. Uppskriftin miðast
við 2 en það má vel stækka hana
eftir þörfum.
Kjúklingur á spjóti

4 kjúklingalundir
1 msk. olía
½ tsk. salt
¾ tsk. pipar
Hnetusósa
150 g hnetusmjör, við stofuhita
2 msk. sólblómaolía
Safi úr 1 límónu
2 msk. sojasósa
2 msk. hunang
½–1 tsk. sriracha-sósa
1 tsk. kóríanderduft
1 tsk. cumin
Sultað grænmeti
1,5 dl vatn
1 dl sykur
0,5 dl hrísgrjóna-
edik
Hálf agúrka
2 skallotlaukar
1 rauður chili-
pipar
Leggið tréspjót í
bleyti í 30 mínútur. Þræðið hverja
lund upp á spjót.
Blandið saman hnetusmjöri, sól-
blómaolíu, límónusafa, hunangi,
sojasósu, sriracha-sósu, cumin og
kóríander og hrærið vel saman.
Bætið vatni við ef sósan verður
of þykk. Bragðbætið með salti og
pipar.
Sjóðið vatn, sykur og
edik og látið malla þar til
allt er leyst upp.
Skerið agúrku, lauk
og chili í þunnar sneiðar
og setjið í löginn. Látið
standa í að minnsta
kosti klukkustund.
Penslið
kjötið með olíu og
kryddið. Setjið á
heitt grill í um það
bil 3 mínútur á hvorri
hlið. Penslið með sósunni.
Berið fram með hrísgrjónum og
sultaða grænmetinu eða öðru því
sem ykkur finnst best, til dæmis
sweet chilli-sósu eða auka hnetu-
sósu. n
Kjúklingur í hnetusósu
4 kynningarblað A L LT 25. mars 2023 LAUGARDAGUR