Fréttablaðið - 25.03.2023, Qupperneq 46

Við heyrum margar
erfiðar sögur í þessu
starfi og það getur
tekið á en ávinningur-
inn sem við sjáum er
svo mikill.
Júlía Margrét Rúnarsdóttir
Júlía Margrét Rúnarsdóttir og
Lovísa Mjöll Kristjánsdóttir
segja mikilvægt að hlúa að
konum sem eru á örorku og
með börn á framfæri. Hópur-
inn sé einangraður og í lítilli
virkni. Þær fara fyrir verkefni
hjá Hjálparstarfi kirkjunnar
þar sem konum í þessum
hópi er veitt aðstoð.
Félagsráðgjafarnir Júlía
Margrét Rúnarsdóttir og
Lovísa Mjöll Kristjáns-
dóttir fara fyrir verkefn-
inu Stattu með sjálfri þér
– virkni til farsældar, hjá Hjálpar-
starfi kirkjunnar. Verkefnið er
ætlað konum á örorku með börn á
framfæri og hlaut á dögunum 9,8
milljóna króna styrk frá félags- og
vinnumarkaðsráðherra.
Júlía og Lovísa segja afar mikil-
vægt að hlúa að þessum hópi
kvenna sem algengt er að búi við
félagslega einangrun.
„Konurnar á námskeiðinu hafa
margar hverjar verið lengi heima
og búa oft við félagslega einangrun,“
segir Lovísa. „Þegar fólk er komið á
örorku er ekki mikil virkni í boði.
Þegar fólk er til dæmis í endur-
hæfingu er lagt upp úr því að virkja
einstaklinga því örorka getur orðið
einhvers konar endapunktur,“ bætir
hún við.
„Minni virkni hefur svo áhrif á
trú fólks á sjálft sig og því lengur
sem fólk er einangrað og óvirkt, því
erfiðara er að fara af stað aftur. Það
er ekkert sem grípur þennan hóp og
þörfin er sérstaklega mikil hjá ein-
stæðum mæðrum,“ segir Júlía.
Verkefnið stendur yfir í tvö ár og
hópurinn sem tekur þátt stendur
saman af um það bil f immtán
konum. Þátttakendur fá ýmiss
konar fræðslu ásamt ásamt einstakl-
ingsviðtölum hjá Lovísu, Júlíu eða
Guðnýju Helenu Guðmundsdóttur
sem einnig starfar sem félagsráð-
gjafi hjá Hjálparstarfi kirkjunnar.
„Við erum til dæmis með fjár-
málafræðslu þar sem hver og ein
fær ráðgjöf varðandi sín fjármál en
þau geta verið mikill streituvaldur.
Við höfum einnig verið með fræðslu
um meðvirkni og tímastjórnun
sem hefur reynst mikilvægt,“ segir
Lovísa.
„Það getur verið áskorun að fara
af stað í virkni og því töldum við
mikilvægt að hafa fræðslu um tíma-
stjórnun,“ bætir hún við.
Þá segir Júlía eitt af meginmark-
miðum verkefnisins vera að ef la
konurnar í foreldrahlutverkinu,
þegar konunum fari að líða betur
og virkni þeirra eykst skili það sér
til barnanna. „Við sjáum það mjög
skýrt. Það var ein kona hjá okkur
sem sýndi mikla breytingu á nám-
skeiðinu. Um leið og henni fór að
líða betur fór barninu hennar að
líða betur. Barnið fór að blómstra
í skólanum, kennararnir voru að
hringja heim og hrósa því og allt
gekk svo vel,“ segir Júlía.
„Þessi hópur sem er hjá okkur er
auðvitað bara brotabrot af þeim
konum sem eru á örorku með börn
á framfæri en bara það að ná til
þessara kvenna gefur okkur svo
mikið og ég hugsa alltaf um börnin.
Konurnar eiga á bilinu eitt til fjögur
börn og við erum að ná til allra
þessara barna þegar við náum til
kvennanna,“ segir Júlía.
„Ein af ástæðunum fyrir því að
það var farið af stað í þetta verkefni
er að það er algengt að kynslóð á
eftir kynslóð komi til Hjálparstarfs-
ins og leiti eftir aðstoð. Það er þessi
félagslegi arfur og þetta verkefni er
partur af að rjúfa hann,“ bætir Júlía
við.
Mikil áfallasaga
Lovísa segir konurnar sem taka þátt
í verkefninu f lestar eiga það sam-
eiginlegt að hafa orðið fyrir ein-
hvers konar áföllum í lífinu. „Það
er oft ein ástæða þess að þær eru á
örorku, áfallasögur þeirra eru mis-
miklar en allar hafa þær einhverja
sögu,“ segir hún.
„Við höfum boðið upp á áfalla-
meðferð og einstaklingsviðtöl hjá
félagsráðgjafa sem sérhæfir sig í
áföllum og eru margar sem nýta sér
það,“ bætir Lovísa við.
„Við heyrum margar erfiðar sögur
í þessu starfi og það getur tekið á en
ávinningurinn sem við sjáum er svo
mikill,“ segir Júlía. „Konurnar sem
hafa verið hjá okkur hafa f lestar
upplifað einhverjar jákvæðar breyt-
ingar hjá sér og sumar alveg magn-
aðar breytingar á lífi sínu og það er
svo frábært að sjá það. Sjá þær finna
stefnu í lífinu,“ segir hún.
„Annað sem er svo frábært að
sjá er tengingin sem verður á milli
kvennanna. Við byrjum alltaf á
hópefli og maður sér strax tengslin
myndast á milli þeirra. Ein sagði
um daginn: „Þessi hópur gefur mér
súrefni til að takast á við lífið.“ Sem
sýnir að þær sækja mikinn styrk í
hver aðra,“ segir Lovísa.
„Þetta eru konur sem eru margar
búnar að vera félagslega einangr-
aðar heima hjá sér og bara það að
mæta getur verið mikil áskorun
fyrir þær, þannig fara þær langt út
fyrir þægindarammann og rjúfa
einangrunina. Svo sjá þær að það
eru fleiri konur í sömu sporum og
það gefur þeim kraft. Margar þeirra
eiga alveg vinkonur og svona en
það eru kannski konur sem eru í
vinnu og allt annarri stöðu en þær
og tengja ekki við þeirra veruleika,“
segir Júlía.
Mikilvægt að hlúa að sjálfum sér
Lovísa og Júlía eru sammála um að
afar mikilvægt sé að hlúa að sjálfum
sér í þeirra starfi. „Sem félagsráð-
gjafi er mikilvægt að hlúa að sjálfum
sér,“ segir Lovísa.
„Maður fer í félagsráðgjafarnám
með það markmið að ætla að hjálpa
fólki. Markmiðið er að hjálpa en
maður veit líka að maður mun sjá
fullt af erfðum hlutum á leiðinni en
endapunkturinn er vonandi þess
virði,“ segir Júlía.
„Mér finnst afar mikilvægt að
sinna sjálfri mér vel svo ég sé í stakk
búin til að mæta fólki og veita því
stuðning,“ segir Júlía.
„Já, það er mikil ábyrgð falin í
því að veita fólki félagslega ráð-
gjöf og þá sérstaklega viðkvæmum
hópum. Stundum heyrum við hluti
sem eru virkilega erfiðir og maður
þarf að læra að skilja vinnuna eftir í
vinnunni,“ segir Lovísa.
Þær segjast báðar nýta sér hand-
leiðslu, það sé fagleg skylda þeirra.
„Maður hittir svo mikið af fólki
og heyrir svo mikið af sögum og ég
held að það sé sama hvort maður er
búinn að vera félagsráðgjafi í eitt
ár eða 20 ár, þetta getur haft áhrif á
mann,“ segir Júlía að lokum. n
Júlía og Lovísa
segja styrkinn
sem verk-
efnið hlaut
frá félags- og
vinnumarkaðs-
ráðherra skipta
afar miklu máli,
nú sé öruggt að
hægt verði að
fara af stað með
nýjan hóp. Hér
eru þær ásamt
Brimi Leó syni
Júlíu.
Fréttablaðið/
Valli
Erfitt að fara
aftur af stað út í
samfélagiðBirna Dröfn
Jónasdóttir
birnadrofn
@frettabladid.is
30 helgin FRÉTTABLAÐIÐ 25. mARs 2023
lAUgARDAgUR