Fréttablaðið - 25.03.2023, Síða 48

Ég veit í raun ekki hvort
bæjarstjórinn eða foreldr-
arnir voru spenntari fyrir
þessu.
Ásdís Kristjánsdóttir,
bæjarstjóri Kópavogs
Merkisatburðir |
Þetta gerðist | | 25. mars 1983
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Allur arður af þjónustunni rennur til reksturs kirkjugarðanna
Útfararþjónusta í yfir 70 ár
Við tökum vel á móti ástvinum
í hlýlegu og fallegu umhverfi
Sólarhringsvakt: 581 3300 & 565 5892
Komum til aðstandenda og ræðum skipulag sé þess óskað
Sverrir Einarsson
S: 896 8242
Jón G. Bjarnason
S: 793 4455
Jóhanna
Eiríksdóttir
Útfararstofa Íslands
www.utforin.is w Auðbrekku 1, Kópavogi
Útfararstofa Hafnarfjarðar
www.utfararstofa.is w Dofrahellu 9b, Hafnarfirði
Fjörutíu ár eru liðin frá því poppgoð-
sögnin michael Jackson frumsýndi
opinberlega eitt frægasta dansspor
allra tíma, The moonwalk í sjónvarps-
þættinum motown 25: Yesterday,
Today, Forever, sem á hinu ástkæra
ylhýra útleggst sem motown 25: Í
gær, í dag, að eilífu.
Þátturinn var tekinn upp í tilefni 25
ára afmælis motown plötuútgáfunnar,
en Jackson hafði verið samningsbund-
inn útgáfunni frá níu ára aldri, þegar
hann kom fyrst fram á sjónarsviðið
með bræðrum sínum í The Jackson
Five.
Jackson flutti lagið Billy Jean fyrir
fullan sal af áhorfendum. Við takt-
fasta, ofursvala bassalínu lags-
ins sveif Jackson um gólfið líkt og hans
var vani og vísa. En það er ekki fyrr en
um miðbik lagsins sem söngvarinn
stoppar, snýr sér við og tekur dans-
sporið víðfræga, The moonwalk eða
Tunglgönguna. Það ætlaði allt um koll
að keyra meðal áhorfenda, sem hrein-
lega göptu af undrun og hrifningu yfir
lipurð Jacksons á sviðinu.
Þátturinn var frumsýndur í sjón-
varpi tæpum tveimur mánuðum eftir
upptökuna og má segja að tunglganga
Jacksons hafi orðið heimsfræg á einni
nóttu. Upp frá þessu varð tunglgangan
að einkennisdansspori Jacksons,
sem ungir sem aldnir víða um heim
reyndu og hafa reynt að apa upp
eftir söngvaranum, með misgóðum
árangri. síðan þá hefur það verið mál
mann að Tunglgangan hafi stimplað
Jackson inn sem goðsögn í popp-
heiminum. n
Michael Jackson frumsýnir The Moonwalk
1199 Ríkharður ljónshjarta Englandskonungur verður
fyrir örvarskoti þegar hann situr um kastala í Frakk-
landi, þar sem uppreisnarmenn höfðu búið um sig.
Blóðeitrun hleypur í sárið og hann deyr rúmri viku
síðar.
1634 Fyrstu ensku landnemarnir
koma til maryland, fjórðu
varanlegu nýlendu Englend-
inga í Nýja heiminum.
1655 Christiaan Huygens upp-
götvar Títan, stærsta tungl
satúrnusar.
1807 Breska þingið bannar þræla-
verslun.
1901 Fyrsta tvígengisdíselvélin er sýnd í manchester.
1956 selfosskirkja er vígð.
1957 rómarsáttmálinn er samþykktur með þátttöku
Belgíu, Hollands, Lúxemborgar, Frakklands, Ítalíu og
Vestur-Þýskalands.
1979 Fyrsta nothæfa geimskutlan, Columbia, er afhent
Nasa.
1990 Fyrstu lýðræðislegu kosningarnar í Ungverjalandi
fara fram.
2000 skautahöllin á akureyri, íþróttamannvirki skauta-
félags akureyrar, er formlega opnuð.
2001 schengen-samstarfið tekur gildi á Norðurlönd-
unum.
Mikil tímamót er nú hjá Kópa-
vogsbæ því íbúar bæjarfélags-
ins eru orðnir fjörutíu þúsund.
Einstaklega skemmtileg tilviljun
segir móðirin og bæjarstjórinn
fagnar miklum gleðitíðindum.
erlamaria@frettabladid.is
Melkorka Þöll Vilhjálmsdóttir og Árni
Grétar Finnsson, ungir foreldrar í Kópa-
vogi, eignuðust lítinn dreng þann 15.
mars síðastliðinn. Það eitt og sér væri
kannski ekki saga til næsta bæjar nema
fyrir þær sakir að sá stutti er fjörutíu
þúsundasti íbúi Kópavogs.
Ásdís Kristjánsdóttir, bæjarstjóri
Kópavogsbæjar, segir tíðindin mikið
gleðiefni. Starfsmenn bæjarskrifstof-
unnar hafi beðið eftir þessum degi í
þónokkurn tíma.
„Það var svo skemmtilegt að heyra
þegar þetta loksins gerðist, því við
vorum búin að vera að velta fyrir okkur í
talsverðan tíma hvenær að þessu myndi
koma. Ég veit í raun ekki hvort bæjar-
stjórinn eða foreldrarnir voru spenntari
fyrir þessu,“ segir Ásdís og hlær.
„En þetta eru svo sannarlega tíma-
mót hér í Kópavogi, að íbúar séu orðnir
fjörutíu þúsund talsins og einstaklega
ánægjulegt að fá að bjóða einn af yngstu
íbúum bæjarins velkominn í heiminn,“
bætir hún við.
Mjög skemmtileg tilviljun
Fyrir eiga þau Melkorka og Árni tvö
börn, þau Sesselju Katrínu og Finn, og
er drengurinn litli, sem hefur ekki enn
hlotið nafn, þeirra þriðja barn. Melkorka
segir tíðindin einstaklega skemmtileg,
en þó hafi þau ekki endilega komið á
óvart.
„Þetta var svo fyndið því við vorum
uppi á fæðingardeild þegar við sáum
færslu á Instagram hjá Ásdísi, bæjar-
stjóra Kópavogsbæjar, að það væru
39.999 Kópavogsbúar þegar komnir og
hver yrði nú næstur,“ segir Melkorka
hlæjandi, og heldur áfram:
„Við hugsuðum með okkur, ætli það
verði ekki okkar drengur, því það var
stutt í að hann kæmi. Svo varð það raun-
in, þannig að þetta var mjög skemmtileg
tilviljun,“ segir hún.
Nýflutt í Kópavoginn
Í tilefni þess að drengurinn litli er
nýjasti heiðursborgari Kópavogsbæjar
heimsótti Ásdís fjölskylduna í gær fyrir
hönd bæjarfélagsins. Melkorka segir
heimsóknina hafa verið ánægjulega.
„Hún kom færandi hendi með smekk
og samfellu, blóm og gjafakort til þess að
fagna þessum tímamótum. Við eigum
samt eftir að taka mynd af honum í sam-
fellunni, en það stendur á henni að hann
sé fjörutíu þúsundasti Kópavogsbúinn,“
segir Melkorka, og heldur áfram:
„Við erum ekkert smá glöð með þetta
því við erum tiltölulega nýflutt í Kópa-
voginn og þetta er bara mikill heiður.
Okkur finnst bara eins og það sé verið að
vígja okkur svona vel inn í Kópavoginn,“
segir hún. n
Lítill drengur er fjörutíu
þúsundasti íbúinn í Kópavogi
melkorka og fjölskylda eru afar lukkuleg með tíðindin. Þetta sé mikill heiður þar sem þau eru tiltölulega nýflutt í bæjarfélagið.
FRÉTTABLAÐIÐ/ERNIR
32 tímamót FRÉTTABLAÐIÐ 25. MARs 2023
LaUGaRDaGUR