Fréttablaðið - 25.03.2023, Qupperneq 56

Bandaríski
rokkarinn Mark
Lanegan lést í
fyrra aðeins 57
ára að aldri. Hér
má sjá Lanegan
á tónleikum
í Mílanó árið
2019.
Fréttablaðið/
getty
Labyrinthia er fyrsta plata Daníels.
Daníel Hjálmtýsson sendi frá
sér sína fyrstu breiðskífu á
vínyl í vikunni sem er tileink-
uð minningu vinar hans Mark
Lanegan. Platan heitir Labyr-
inthia og kemur út á vegum
Reykjavík Record Shop.
tsh@frettabladid.is
Daníel Hjálmtýsson er íslensk
rokk- og síðpönksveit stofnuð af
lagasmiðnum Daníel Hjálmtýssyni
en með honum leika þeir Hálfdán
Árnason og Skúli Gíslason. Daníel
segist hafa byrjað að koma fram sem
tónlistarmaður með kassagítarinn
fyrir tæpum áratug og tók þátt í
ýmsum verkefnum áður en hann
byrjaði að semja sína eigin tónlist
af alvöru fyrir einhverjum árum.
„Mín fyrsta smáskífa sem sóló-
listamanns er lag sem kallast Birds
og kom út 2020. Þá byrjaði svona
þessi tenging við KEXP-útvarps-
stöðina að styrkjast. Lagið var valið
lag dagsins á KEXP stuttu seinna, en
þetta er ein stærsta indí-útvarps-
stöðin í Bandaríkjunum. Þetta er
non-profit fyrirtæki í Seattle sem
er með mikla tengingu við Ísland,“
segir Daníel.
Í framhaldi af því ákvað Daníel að
gefa út fjögurra laga EP-plötu, sem
er samnefnd honum og hljómsveit
hans, Daníel Hjálmtýsson.
„Við gerum EP-plötu 2020 sem
svona demó til að hafa í höndunum
því við áttum vera að fara af stað að
túra. En svo kom náttúrlega Covid.“
Vingaðist við Mark Lanegan
Sá tónlistarmaður sem hefur haft
einna mest áhrif á Daníel er banda-
ríski rokkarinn Mark Lanegan sem
lést í fyrra aðeins 57 ára að aldri.
Tenging Daníels við Lanegan nær
langt aftur en hann flutti rokkarann
til Íslands fyrir áratug.
„Ég f lutti Mark Lanegan inn
2013 til að spila í Fríkirkjunni og
þá byrjaði svona smá tenging sem
ágerðist alltaf meir og meir. Það eru
tveir meðlimir úr hljómsveitinni
hans sem spila í tveimur lögum á
Tileinkaði plötuna minningu Mark Lanegan
Ég flutti Mark Lanegan
inn 2013 til að spila í
Fríkirkjunni og þá
byrjaði svona smá
tenging sem ágerðist
alltaf meir og meir.
Daníel segir það mjög sárt að samstarf hans og Mark Lanegan hafi ekki fengið að þróast lengra áður en Lanegan féll frá í fyrra. Fréttablaðið/valli
EP-plötunni sem voru svo endur-
unnin fyrir breiðskífuna. Það er
svona kannski 2018-19 sem tengslin
styrkjast þannig að túr-umboðs-
maðurinn hans verður umboðs-
maðurinn minn og við förum í
töluvert meiri kontakt við hann
með ýmislegt. Áður en Covid skall
á þá vorum við komnir með tærnar í
nokkur upphitunargigg fyrir hann,“
segir Daníel.
Daníel hefur einnig starfað með
tónlistarmanninum Alain Johannes
sem var pródúser Mark Lanegan og
lék með honum í hljómsveitinni
Queens of the Stone Age en sá mix-
aði eitt lag á Labyrinthia.
„Tengingin var alltaf að ágerast
og hann var rosa mikill stuðnings-
maður við þetta verkefni. Það er
bara mjög sárt að okkar tengsl hafi
ekki fengið að þróast mikið lengra
af því hann var bara orðinn rosa
veikur.“
Ískalt gotneskt rokk
Var Mark Lanegan mikill áhrifa-
valdur fyrir þig og þína tónlist?
„Já, það má alveg segja að hann
hafi bara verið ædolið mitt. Það var
náttúrlega ástæðan fyrir því að ég
f lutti hann inn á sínum tíma. Það
tók alveg rosa langan tíma að setja
það í gang, mörg ár að finna dag-
setningar og f leira. Svo einhvern
veginn urðum við bara rosa góðir
félagar þrátt fyrir að hann hafi átt
svolítið erfitt með fólk stundum og
tengdumst á rosa góðu leveli. Þar af
leiðandi lá beinast við að tileinka
þessa plötu honum, það er bara
stimplað á bakhlið plötunnar að
hún sé tileinkuð minningu hans.“
Mark Lanegan hrósaði Daníel í
hástert og sagði um tónlist hans:
„Daníel gerir ískalt síð-gotneskt-
rokk sem dregur fram forboðið
landslag heimalands hans, Íslands.
Maður getur séð hann fyrir sér á
sviði í kirkju sem umbreytt hefur
verið í dýflissu, einhvers staðar í
undirheimum Reykjavíkur.“
Endaði sem konsept-plata
Hvernig myndirðu lýsa plötunni, er
hún samfellt verk eða eru þetta lög úr
ólíkum áttum?
„Þetta byrjaði sem lög úr ólíkum
áttum en svo varð þetta óvart hálf-
gerð konsept-plata. Hún er hugsuð
þannig að þú sért að labba inn í eitt-
hvað völundarhús og þar inni ertu
að upplifa allan tilfinningaskalann.
Hún er samin yfir langan tíma og
það eru þarna tvö lög sem komu áður
út á EP-plötunni og eru endurunnin.
Hún er hugsuð frá byrjun til enda,
maður á bara að setja nálina niður
og hlusta á hana alla í einu.“
Labyrinthia kom fyrst út á Spotify
í nóvember 2022 en vínylútgáfan
kom út í vikunni á vegum Reykja-
vík Record Shop og er gefin út í bæði
hefðbundinni útgáfu og sérstakri
viðhafnarútgáfu með hraunrauðum
vínyl.
Ætlið þið að túra eitthvað til að
fylgja plötunni eftir?
„Við höfum verið með annan
fótinn í Hollandi og Belgíu en þar
er umboðsmaðurinn okkar og bók-
unarskrifstofan okkar. Við erum að
fara eitthvað þangað aftur en svo
erum við líka að fara til Rúmeníu og
Ítalíu núna í júní og ætlum líka að
ferðast eitthvað hérna innanlands.
Ég held við séum að fara að spila fyrir
austan í júlí og svo verðum við með
lágstemmda tónleika í Sólheima-
kirkju í sumar þar sem við strippum
tónlistina niður og ætlum að taka
akústík-útgáfu af þessu. Svo erum
við líklega að fara eitthvað aftur af
stað í haust og við munum tilkynna
þetta allt á næstu dögum.“ n
40 menning FRÉTTABLAÐIÐ 25. MARs 2023
LAUgARDAgUR