AVS. Arkitektúr verktækni skipulag - 01.06.2003, Side 56

54
við listamenn, sýningarstjóra og liststofnanir víða um
heim. Eitt af mikilvægari hlutverkum Nýlistasafnsins í
gegnum árin hefur enda verið að stuðla að auknum
samskiptum ísenskra og erlendra myndlistarmanna.
Þetta endurspeglast í sýningarhaldi safnsins, t.d. í
samsýningum af ýmsum toga.
Nýlistasafnið tekur þátt í myndlistarmessum eða
kynningum erlendis og á hverju ári leita fjölmargir er-
lendir sýningarstjórar og forsvarsmenn liststofnana
sér upplýsinga á skrifstofu safnsins um íslenska
myndlistarmenn innan vébanda þess. Þessum þætti í
starfseminni hefur safnið sinnt vegna brýnnar þarfar,
til heilla fyrir íslenska myndlistarmenn. Þetta og margt
annað hafa stjórnarmeðlimir og tilkallaðir félagsmenn
unnið endurgjaldslaust.
Hlutverk Nýlistasafnsins hefur augljóslega þróast og
breyst í gegnum tíðina. Opinberu söfnin á íslandi
hafa í auknum mæli snúið sér að samtímalist og jafn-
vel grasrótarlist. Sérstaða Nýlistasafnsins felst enn
sem fyrr í sjálfstæði þess, í grasrótarstarfsemi og til-
raunum í framsækinni og róttækri myndlist. Nýlista-
safnið er vettvangur umræðna, atburða og síðast en
ekki síst mikilvægur samkomustaður myndlistar-
manna.
Nýlistasafnð heldur áfram að vera gátt að umheimin-
um og markmiðið er að styrkja enn samskipti og
samvinnu við hinn alþjóðlega myndlistarheim. Metn-
aðarfullar sýningar undanfarinna ára, t.d. sýningar
Aernout Miks í fyrra og Matthew Barneys í ár, eru til
marks um mikilvægi safnsins og þá stefnu sem það
hefur markað sér. En það á einnig við um árlegar
grasrótarsýningar ungra framsækinna myndlistar-
manna og metnaðarfullar sýningar íslenskra og út-
lendra listamanna. — Nýlistasafnið/The Living Art
Museum vinnur gegn stöðnun og stuðlar að þeirri
hreyfingu sem kvik myndlist þarfnast og á skilið. ■

Grasrót 2000